ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ನಿತ್ಯ ಭವಿಷ್ಯ

By Staff
|
Google Oneindia Kannada News

*ಜಾನುಕೊಂಡ ಶಾಮಾ ಶಾಸ್ತ್ರೀ

ಮೇಷ : ನಿಮಗೆ ಜಗತ್ತಿನಲ್ಲಿ ಸುಂದರವೆನಿಸುವ ಎಲ್ಲ ವಸ್ತುಗಳು ನಿಮ್ಮ ಸ್ನೇಹಿತರಿಗೂ ಸುಂದರವೆನಿಸುವ ಅಕಸ್ಮಿಕವನ್ನು ಗಮನಿಸಿ ಅವಾಕ್ಕಾಗುತ್ತೀರಿ. ಇವತ್ತು ಸಂಜೆ ಮತ್ತೆ ನಿಮ್ಮ ಬಳಿ ಒಳ್ಳೇ ಐಡಿಯಾಗಳಿರುತ್ತವೆ.

ವೃಷಭ :ನಿಮ್ಮೊಡನೆ ವ್ಯವಹರಿಸುವುದು ತುಂಬಾ ಕಷ್ಟವಪ್ಪಾ. ಎಲ್ಲ ಇನಿಷಿಯೇಟಿವ್‌ಗಳನ್ನು ಬೇರೆಯವರೇ ತೆಗೆದುಕೊಳ್ಳಲಿ ಎಂದು ಯಾಕೆ ನಿರೀಕ್ಷಿಸುತ್ತೀರೋ ಗೊತ್ತಾಗುವುದಿಲ್ಲ. ಲಾಭ ವ್ಯವಹಾರಗಳಲ್ಲಿ ಇದೆಲ್ಲಾ ನಡೆಯುವುದಿಲ್ಲ.

ಮಿಥುನ : ಇವತ್ತಾದರೂ ತಲೆ ಮತ್ತು ಮನಸ್ಸು ಒಂದೇ ಕಡೆ ಇಟ್ಟುಕೊಂಡು ಕೆಲಸ ಮಾಡಲು ಪ್ರಯತ್ನಿಸಿ. ಮನೆಯವರ ನಿರೀಕ್ಷೆ ಮತ್ತು ಆಸೆಗಳಿಗೆ ಬಂಡೆಗಲ್ಲೆಳೆಯಬೇಡಿ.

ಕಟಕ : ಬೇರೆಯವರ ನಿರೀಕ್ಷೆಯನ್ನು ಪೂರ್ತಿ ಗೊಳಿಸಬೇಕು ಎಂಬ ಅಕಾರಣ ಛಲದಿಂದ ಸುಮ್ಮನೇ ಸೋಲುತ್ತೀರಿ. ನಿಮ್ಮ ಹಠ ನಿಮಗೇ ನಷ್ಟ ತರುತ್ತದೆ.

ಸಿಂಹ : ಬಾಕಿ ಉಳಿಸಿಕೊಂಡಿರುವವರ ಪಾಡು ಚೆಂದಾಗಿರುವುದಿಲ್ಲ. ನೀವು ಯಾವತ್ತೋ ಮಾಡಿದ ಸಾಲ ನಿಮ್ಮ ತಲೆ ತಿನ್ನುತ್ತದೆ. ಮತ್ತೆ ನಿಮ್ಮ ಸ್ನೇಹಿತರೇ ಸಹಾಯಕ್ಕೆ ಬರುವುದು.

ಕನ್ಯಾ : ಆರೋಗ್ಯ ಸಮಸ್ಯೆಯಿಂದ ಮನಸ್ಸು ಕೆಡಿಸಿಕೊಂಡು ತುಂಬಾ ಕೆಲಸಗಳನ್ನು ಬಾಕಿ ಉಳಿಸಿಕೊಳ್ಳುತ್ತೀರಿ. ಸದ್ಯಕ್ಕೆ ಹೊಸ ಹೊಸ ಯೋಚನೆಗಳಿಗೆ ಸ್ಥಳವಿಲ್ಲ.

ತುಲಾ : ಬ್ಯಾಂಕ್‌ ಕೆಲಸಗಳೆಲ್ಲಾ ಇವತ್ತು ಸುಲಭವಾಗಿ ನಡೆಯುವುದಿಲ್ಲ. ಸದ್ಯದಲ್ಲಿಯೇ ನೀವು ಇನ್‌ಫ್ಲುಯೆನ್ಸ್‌ಗಾಗಿ ಓಡಾಡುತ್ತೀರಿ.

ವೃಶ್ಚಿಕ : ಮನೆಯಲ್ಲಿ ಪುಟ್ಟ ಪುಟ್ಟಿಯರ ಹತ್ತಿರವೆಲ್ಲಾ ಯಾಕೆ ಗುಬ್ಬಿ ಮುನಿಸು ? ಸಣ್ಣ ಮಕ್ಕಳಿಗೆಲ್ಲಾ ಸುಳ್ಳು ಹೇಳಲು ಕಲಿಸಬಾರದಲ್ವೇ?

ಧನಸ್ಸು : ಇವತ್ತಿನ ರಿಲ್ಯಾಕ್ಸ್‌ ಮೂಡ್‌ ಮತ್ತೆ ಬರುವುದಿಲ್ಲ. ಆದ್ದರಿಂದ ಆರಾಮ ಮಾಡಿಕೊಳ್ಳಿ. ಸಂಗಾತಿ ನಿಮ್ಮ ಮಾತಿಗೆ ಎದುರಾಡುವುದೇ ಇಲ್ಲವಾದ್ದರಿಂದ ನಿಮಗೆ ಜಗತ್ತೇ ಸುಂದರವೆನಿಸುವುದು.

ಮಕರ : ಎಲ್ಲ ಬದಲಾವಣೆಗಳ ಬಗ್ಗೆ ಕೊರಗುವುದು ಅಷ್ಟು ತರವಲ್ಲ ಅಲ್ವೇ ? ಕೆಲಸಗಳನ್ನು ನಿರ್ವಹಿಸುವಾಗಲೆಲ್ಲಾ ಏಕಾಗ್ರತೆ ಇರಲಿ.

ಕುಂಭ : ನಿಮ್ಮದು ಬರೀ ಮೊಂಡು ರಾಗ. ಯಾರೂ ಇದರಿಂದ ಖುಷಿಯಾಗಿರುವುದಿಲ್ಲ. ಸದ್ಯಕ್ಕೆ ಗಳಿಸಿಕೊಂಡದ್ದನ್ನು ಉಳಿಸಿಕೊಳ್ಳಿ.

ಮೀನ : ರಜೆಯ ಮಜಾ ಅನುಭವಿಸಲು ಪ್ಲಾನ್‌ಗಳು ಯೋಚನೆಗಳು ಅಡ್ಡ ಬರುತ್ತವೆ. ಸ್ನೇಹಿತರಿಗೆ ಸ್ವೀಟ್‌ ಕೊಡಿಸಿ ಉತ್ತಮರೆನಿಸಿಕೊಳ್ಳುತ್ತೀರಿ.

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X