ಪ್ರವಾಸಿಗರಿಗೆ ಮುಕ್ತವಾದ ನಾಗರಹೊಳೆ ಉದ್ಯಾನವನ

ಮೈಸೂರು : ಮೈಸೂರು ಸುತ್ತಮುತ್ತಲ ಪ್ರದೇಶಗಳಲ್ಲಿ ಕಳೆದ ನಾಲ್ಕು ದಿನದಿಂದ ಸಾಕಷ್ಟು ಮಳೆ ಆಗಿದೆ. ಈಗಲೂ ಹಗುರ ಮಳೆ ಬೀಳುತ್ತಿದೆ. ಬೇಸಿಗೆಯ ಬಿಸಿಲ ತಾಪವೂ ಕಡಿಮೆ ಆಗಿದೆ. ನಾಗರಹೊಳೆ ಅಭಯಾರಣ್ಯದಲ್ಲಿ ಕಾಡ್ಗಿಚ್ಚು, ಬೆಂಕಿ ಆಕಸ್ಮಿಕಗಳ ಸಾಧ್ಯತೆಯೂ ಕಡಿಮೆ ಆಗಿದೆ.

ಈ ಹಿನ್ನೆಲೆಯಲ್ಲಿ ನಾಗರಹೊಳೆ ರಾಷ್ಟ್ರೀಯ ಉದ್ಯಾನ ಪ್ರವಾಸಿಗರಿಗೆ ಏಪ್ರಿಲ್‌ 18ರಿಂದ ಮುಕ್ತವಾಗಿದೆ. ಈ ವಿಷಯವನ್ನು ಹುಣಸೂರು ವಿಭಾಗದ ಉಪ ಅರಣ್ಯ ಸಂರಕ್ಷಣಾಧಿಕಾರಿ ಎಂ.ಎಂ. ಅಣ್ಣಯ್ಯ ಅವರು ತಿಳಿಸಿದ್ದಾರೆ. ರಾಷ್ಟ್ರೀಯ ಉದ್ಯಾನದಲ್ಲಿ ಈಗ ಹವಾಮಾನ ಅನುಕೂಲಕರವಾಗಿದ್ದು, ಉದ್ಯಾನ ವೀಕ್ಷಿಸಲು ಪ್ರವಾಸಿಗರಿಗೆ ಅವಕಾಶ ಕಲ್ಪಿಸಲಾಗಿದೆ. ಪ್ರವಾಸಿಗರು ಇಲ್ಲಿ ತಂಗಲೂ ವ್ಯವಸ್ಥೆ ಇದೆ ಎಂದು ಅವರು ಸುದ್ದಿಗಾರರಿಗೆ ತಿಳಿಸಿದ್ದಾರೆ.

ಹೇಗೂ ಮಕ್ಕಳಿಗೆ ಬೇಸಿಗೆ ರಜೆ ಇದೆ. ಹವಾಮಾನವೂ ಆಹ್ಲಾದಕರವಾಗಿದೆ. ತಡವೇಕೆ ನಾಗರಹೊಳೆ ಉದ್ಯಾನ ಕೈಬೀಸಿ ಕರೆಯುತ್ತಿದೆ. ನಡೆಯಿರಿ ಹೋಗೋಣ.

(ಮೈಸೂರು ಪ್ರತಿನಿಧಿಯಿಂದ)

ಮುಖಪುಟ / ಇವತ್ತು... ಈ ಹೊತ್ತು...