ಏ.23 : ಬೆಂಗಳೂರಿಗೆ ನಾರ್ವೆ ಪ್ರಧಾನಿಜೆನ್ಸ್‌ ಸ್ಟೋಲನ್‌ಬರ್ಗ್‌

ಬೆಂಗಳೂರು : ನಾರ್ವೆ ದೇಶದ ಪ್ರಧಾನಿ ಜೆನ್ಸ್‌ ಸ್ಟೋಲನ್‌ಬರ್ಗ್‌ ಎರಡು ದಿನಗಳ ಭೇಟಿಗಾಗಿ ಏಪ್ರಿಲ್‌ 22 ರಂದು ನಗರಕ್ಕೆ ಆಗಮಿಸುವರು.

ಬನ್ನೇರುಘಟ್ಟ ರಸ್ತೆಯಲ್ಲಿನ ಮಾಯಾ ಯೋಜನಾಸ್ಥಳಕ್ಕೆ ಹಾಗೂ ಕಿಯಾನಿಕ್ಸ್‌ ಎಲೆಕ್ಟ್ರಾನಿಕ್‌ ನಗರದಲ್ಲಿರುವ ದೇಶದ ಮಾಹಿತಿ ತಂತ್ರಜ್ಞಾನದ ಶಿಖರ ಇನ್ಫೋಸಿಸ್‌ಗೆ ಭೇಟಿಕೊಡುವರು. ಏಪ್ರಿಲ್‌ 23 ರಂದು ನಡೆಯುವ ಭಾರತ- ನಾರ್ವೆ ಮಾಹಿತಿ ತಂತ್ರಜ್ಞಾನ ಕುರಿತ ವಿಚಾರ ಸಂಕಿರಣದಲ್ಲಿ ಅವರು ಭಾಗವಹಿಸುವರು.

23 ರ ಸಂಜೆ, ರಾಜ್ಯಪಾಲೆ ವಿ.ಎಸ್‌. ರಮಾದೇವಿ ಏರ್ಪಡಿಸಿರುವ ಔತಣಕೂಟದಲ್ಲಿ ಭಾಗವಹಿಸುವ ಜೆನ್ಸ್‌ , ಆನಂತರ ಮುಂಬಯಿಗೆ ತೆರಳುವರು.

(ಇನ್ಫೋ ವಾರ್ತೆ)