ಕೇಳ್ರಪ್ಪೋ... ಸಿಸ್ಕೋದಿಂದ 8500 ಜನ ಔಟಂತೆ !

ಅಮೆರಿಕ : ದೇಶದ ಮಾಹಿತಿ ತಂತ್ರಜ್ಞಾನ ಮಂದಿಗೆ ಇನ್ನೂ ನಿದ್ದೆ ಹತ್ತುತ್ತಿಲ ್ಲ. ಹೆಸರಾಂತ ಕಂಪನಿ ಸಿಸ್ಕೋ ಸಿಸ್ಟಂಸ್‌ ಎಂಟೂವರೆ ಸಾವಿರ ಕೆಲಸಗಾರರನ್ನು ಮನೆಗೆ ಕಳುಹಿಸಲಿದೆ. ಅಂದರೆ ಕಂಪನಿಯ ಒಟ್ಟು ಸಿಬ್ಬಂದಿಯ 17 ಪ್ರತಿಶತ ಕೆಲಸಗಾರರು ಮನೆಗೆ.

ವಿತ್ತ ವಾರ್ಷಿಕದ ಮೂರನೇ ತ್ರೆೃಮಾಸಿಕದಲ್ಲಿ ಕಂಪನಿಯ ಮಾರಾಟದ ಪ್ರಮಾಣದಲ್ಲಿ ಶೇ.30ರಷ್ಟು ಇಳಿಕೆಯಾಗಲಿದೆ ಎಂಬ ಲೆಕ್ಕಾಚಾರವೇ ಸಿಬ್ಬಂದಿಯನ್ನು ಕೆಲಸದಿಂದ ತೆಗೆದುಹಾಕಲು ಕಾರಣ. ಎರಡನೇ ತ್ರೆೃ ಮಾಸಿಕದಲ್ಲಿ 6.75 ಬಿಲಿಯನ್‌ ಬೆಲೆಯ ಉತ್ಪನ್ನಗಳನ್ನು ಮಾರಾಟ ಮಾಡಿ, ದಾಖಲೆ ಸೃಷ್ಟಿಸಿರುವ ಸಿಸ್ಕೋ ಈಗ ಕಂಗಾಲು. ಭಾರತದ ಐಟಿ ದಿಗ್ಗಜ ಸಂಸ್ಥೆ ಇನ್ಫೋಸಿಸ್‌ ತನ್ನ ವಾರ್ಷಿಕ ವಿತ್ತ ವರದಿಯಲ್ಲಿ ಮುಂದಿನ ಲೆಕ್ಕಾಚಾರ (ಪ್ರಸ್ತುತ ವಿತ್ತ ವರ್ಷದಲ್ಲಿ ಬರುವ ಲಾಭ ಕೇವಲ ಶೇ.30) ಹೇಳಿ ಶಾಕ್‌ ಕೊಟ್ಟಂತೆಯೇ ಇಲ್ಲಿ ಈಗ ಸಿಸ್ಕೋ ನಡೆ ಆತಂಕ ಹುಟ್ಟಿಸಿದೆ.

ಏಷ್ಯಾ ಪೆಸಿಫಿಕ್‌ ಹಾಗೂ ಯೂರೋಪ್‌ನಲ್ಲಿ ಸಿಸ್ಕೋ ಉತ್ಪನ್ನಗಳಿಗೆ ಇರುವ ಮಾರುಕಟ್ಟೆ ಈಗ ಕುಸಿದಿದೆ. ಕಂಪನಿಯ ಸ್ಪರ್ಧಿಗಳಾದ ನಾರ್ಟೆಲ್‌ ನೆಟ್‌ವರ್ಕ್ಸ್‌, ಲ್ಯೂಸೆಂಟ್‌ ಟೆಕ್ನಾಲಜೀಸ್‌ ಮೊದಲಾದವು ಈಗಾಗಲೇ ಸಿಬ್ಬಂದಿ ಸಂಖ್ಯೆಯಲ್ಲಿ ಕಡಿತ ಮಾಡಿದ್ದಾರೆ. ಈಗ ಸಿಸ್ಕೋ ಕೂಡ ತನ್ನ ಪ್ರತಿಸ್ಪರ್ಧಿಗಳ ಸ್ಥಿತಿಯಿಂದ ಭಿನ್ನವಾಗೇನೂ ಇಲ್ಲ . ಮುಂದೆ ಎರಗಲಿರುವ ಪ್ರವಾಹಕ್ಕೆ ನಾವು ಕೊಚ್ಚಿ ಹೋಗದಂತೆ ಗೋಡೆ ಕಟ್ಟಿಕೊಳ್ಳಬೇಕಿದೆ. ಈ ನಿಟ್ಟಿನಲ್ಲಿ ಸಿಬ್ಬಂದಿ ಸಂಖ್ಯೆಯಲ್ಲಿ ಕಡಿತ ಅನಿವಾರ್ಯ. ಈ ನಡೆಯಿಂದ ಕಂಪನಿಗೆ 3.7 ಬಿಲಿಯನ್‌ ಡಾಲರ್‌ ಹಣ ಉಳಿಯಲಿದೆ ಎನ್ನುತ್ತಾರೆ ಕಂಪನಿಯ ಹಿರಿಯ ಅಧಿಕಾರಿ. ಒಟ್ಟಿನಲ್ಲಿ ಮಾಹಿತಿ ತಂತ್ರಜ್ಞಾನಕ್ಕೆ ಇದು ಶನಿಗಾಲ.

(ರಾಯ್ಟರ್ಸ್‌)

ವಾರ್ತಾಸಂಚಯ
ಮುಖಪುಟ / ಕರ್ನಾಟಕ ಸಿಲಿಕಾನ್‌ ಕಣಿವೆ