ನಿತ್ಯ ಭವಿಷ್ಯ
*ಜಾನುಕೊಂಡ ಶಾಮಾ ಶಾಸ್ತ್ರೀ
ವೃಷಭ : ಸಟ್ಟಾ ಲಾಟರಿ ವ್ಯವಹಾರ ಅಷ್ಟೇನೂ ಲಾಭದಾಯಕ ಎನಿಸದು. ಉದ್ಯೋಗದಲ್ಲಿ ಸ್ವಂತಿಕೆಯನ್ನು ತೋರುವ ನಿಮ್ಮ ಪ್ರಯತ್ನವನ್ನು ಮೇಲಧಿಕಾರಿಗಳು ಗುರ್ತಿಸುತ್ತಾರೆ. ಸೃಜನಶೀಲ ಕೆಲಸಗಳಲ್ಲಿ ಗೆಲ್ಲುತ್ತೀರಿ.
ಮಿಥುನ : ಬಹಳ ದಿನಗಳ ನಂತರ ಮನೆಯವರನ್ನು ಸೇರಿಕೊಂಡಿರುವುದಕ್ಕೆ ಸಂತೋಷದ ಲಹರಿಯಲ್ಲಿದ್ದೀರಿ. ಸಣ್ಣ ಪುಟ್ಟ ಘಟನೆಗಳು ಎಷ್ಟು ಅಪ್ಯಾಯಮಾನ ಎನಿಸುತ್ತವೆ ಅನ್ನುವುದು ನಿಮ್ಮ ಅನುಭವಕ್ಕೆ ಬರುತ್ತದೆ.
ಕಟಕ : ಪ್ರೇಮಿ ಸಿಟ್ಟು ಮಾಡಿಕೊಂಡರೆ, ನೀವೂ ಮುನಿಸಿಕೊಂಡರೆ ಸರಿಹೋಗದು. ನಿಮ್ಮ ಅಭಿಪ್ರಾಯವನ್ನು ತಾಳ್ಮೆಯಿಂದ ಹೇಳಿನೋಡಿ. ಕೇಳಿಸಿಕೊಳ್ಳದಷ್ಟು ದಡ್ಡರೇನೂ ಅಲ್ಲ ಅವರು. ಸಂಜೆ ಒಂದಷ್ಟು ಸುತ್ತಾಟವಿದೆ.
ಸಿಂಹ : ರಾಜಕಾರಣಿಗಳಿಗೆ ಕಷ್ಟದ ದಿನ. ಮುಖಂಡರ ನಂಬುಗೆಯನ್ನು ಉಳಿಸಿಕೊಳ್ಳಲು ಸಾಕಷ್ಟು ಹೆಣಗಾಡಬೇಕಾದೀತು. ವಿದ್ಯಾರ್ಥಿಗಳಿಗೆ ಶುಭದಿನ. ಸರಸ್ವತಿಯನ್ನು ಒಲಿಸಿಕೊಳ್ಳಲು ಬೇಕಾಗಿರುವುದು ಶ್ರದ್ಧೆ.
ಕನ್ಯಾ : ಕೈಗೆಟುಕುವಷ್ಟು ಮಾತ್ರ ನಮ್ಮದು ಎನ್ನುವ ಅನುಭಾವದ ಮಾತುಗಳು ಅಷ್ಟೇನೂ ಸರಿಹೊಂದುವುದಿಲ್ಲ . ನಿಮ್ಮದು ಸಾಲದು ಅನ್ನುವ ವಯಸ್ಸು. ಅಲ್ಪ ತೃಪ್ತಿಗೂ, ದುರಾಶೆಗೂ ಸಾಕಷ್ಟು ವ್ಯತ್ಯಾಸವಿದೆ.
ತುಲಾ : ಕೋರ್ಟ್ ವ್ಯವಹಾರಗಳಲ್ಲಿ ಜಯಲಕ್ಷ್ಮಿ ಈ ಹೊತ್ತು ಚಂಚಲೆ ಎನಿಸುತ್ತಾಳೆ. ಯಾವುದಕ್ಕೂ ಎಚ್ಚರವಾಗಿರಿ, ಈ ಹೊತ್ತು ರಾಜಿಯೇ ಒಳ್ಳೆಯದು ಅನಿಸಿದಲ್ಲಿ ಹಟ ಹಿಡಿಯದಿರುವುದೇ ಒಳ್ಳೆಯದು.
ವೃಶ್ಚಿಕ : ಈ ಹೊತ್ತಿನ ಸಂತೋಷವನ್ನು ರೂಢಿಸಿಕೊಳ್ಳುವಲ್ಲಿ ಸೋಲುತ್ತಿದ್ದೀರಿ. ಮಧುರ ಸ್ಮೃತಿಗಳು ಜೊತೆಯಲ್ಲೇ ಇವೆ. ಅಂದುಕೊಂಡದ್ದನ್ನು ನಾಳೆಗೆ ಮುಂದೂಡುವುದರಿಂದ ನಿಮಗೇ ನಷ್ಟ.
ಧನಸ್ಸು : ಹೊಸ ವಸ್ತ್ರ , ಒಡವೆ ಕೊಳ್ಳುವ ಅವಕಾಶವಿದೆ. ಪ್ರಿಯರಾದ ಗೆಳೆಯರ ಸಹವಾಸವೂ ಇರುವುದರಿಂದ ದಿನ ಮಧುರ ಮಧುರ ಅನ್ನಿಸುತ್ತದೆ. ಆದರೆ, ತಿಂಗಳ ಪ್ರಥಮಾರ್ಧದಲ್ಲೇ ಜೇಬು ಖಾಲಿ ಮಾಡಿಕೊಳ್ಳುತ್ತಿದ್ದೀರಿ.
ಮಕರ : ಆರೋಗ್ಯದ ಬಗ್ಗೆ ಸಾಕಷ್ಟು ಕಾಳಜಿ ವಹಿಸುವುದು ಅಗತ್ಯ. ಸುಖಾ ಸುಮ್ಮನೇ ಕೊರಗುವ ಬದಲು ಮನೆಯವರೊಂದಿಗೆ ಮನಸ್ಸನ್ನು ಹಂಚಿಕೊಳ್ಳಲಿದು ಸಕಾಲ. ಇದರಿಂದಾಗಿ ತೊಳಲಾಟ ತಪ್ಪುತ್ತದೆ.
ಕುಂಭ : ನಿಮ್ಮ ನೆಮ್ಮದಿಯ ಸಲುವಾಗಿ ಇಷ್ಟಪಾತ್ರರನ್ನು ಘಾಸಿಗೊಳಿಸುತ್ತಿದ್ದೀರಿ. ಇತ್ತೀಚಿನ ದಿನಗಳಲ್ಲಂತೂ ನಿಮ್ಮ ನಡವಳಿಕೆ ಆಕ್ರಮಣಕಾರಿಯಾಗಿದೆ. ಒಂಟಿಯಾಗಿದ್ದೀರಿ, ಆತ್ಮಾವಲೋಕನ ಮಾಡಿಕೊಳ್ಳಿ.
ಮೀನ : ಬಣ್ಣದ ಕೆಲಸದವರಿಗೆ ವೃತ್ತಿಯಲ್ಲಿ ಯಶಸ್ಸು . ಕ್ರೀಡಾಳುಗಳು ಹಾಗೂ ಕಂಪ್ಯೂಟರ್ ತಜ್ಞರಿಗೆ ಕಡಿಮೆ ಯಶಸ್ಸಿನ ದಿನ . ಮನೆ ಮಂದಿಯಲ್ಲಿ ವಿನಾ ಕಾರಣ ಹುಳುಕು ಹುಡುಕುತ್ತೀರಿ.