ಪತ್ತೆಯಾದ ನಕಲಿ ಸಿ.ಇ.ಟಿ. ಅರ್ಜಿ : ಪೊಲೀಸರಿಗೆ ದೂರು

ಬೆಂಗಳೂರು : ಮೇ 16 ಮತ್ತು 17ರಂದು ನಡೆಯಲಿರುವ ಸಾಮಾನ್ಯ ಪ್ರವೇಶ ಪರೀಕ್ಷೆಗೆ ವಿದ್ಯಾರ್ಥಿಗಳು ಸಲ್ಲಿಸಿರುವ ಅರ್ಜಿಗಳಲ್ಲಿ ನಕಲಿ ಅರ್ಜಿಯಾಂದು ಪತ್ತೆಯಾಗಿದೆ. ಒಂದೇ ನಂಬರಿನ ಎರಡು ಅರ್ಜಿಗಳು ದೊರೆತಿದ್ದು, ಅದರಲ್ಲಿ ಒಂದು ನಕಲಿ ಅರ್ಜಿ ಎಂಬುದು ಬಯಲಿಗೆ ಬಂದಿದೆ.

ಅರ್ಜಿಗಳ ಪರಿಶೀಲನೆಯ ಸಂದರ್ಭದಲ್ಲಿ ಅಹಮದಾಬಾದಿನ ಕಿಕನಿ ರುಚಿತ್‌ ಕುಮಾರ್‌ ಸಲ್ಲಿಸಿರುವ 4534 ಸಂಖ್ಯೆಯನ್ನುಳ್ಳ ಅರ್ಜಿ ನಕಲಿ ಎಂಬುದು ದೃಢಪಟ್ಟಿದೆ. ಈ ಸಂಬಂಧ ಪೊಲೀಸರಿಗೆ ದೂರು ನೀಡಲಾಗಿದೆ ಎಂದು ಸಿಇಟಿ ಘಟಕದ ವಿಶೇಷಾಧಿಕಾರಿ ಮಾಧ್ಯಮ ಪ್ರತಿನಿಧಿಗಳಿಗೆ ತಿಳಿಸಿದ್ದಾರೆ.

ರಾಜ್ಯದ ಕಾಲೇಜುಗಳಲ್ಲಿ ವೈದ್ಯ, ದಂತವೈದ್ಯ ಹಾಗೂ ಎಂಜನಿಯರಿಂಗ್‌ ಕೋರ್ಸ್‌ಗಳಿಗೆ ಪ್ರವೇಶ ಬಯಸಿ 1,27,332 ವಿದ್ಯಾರ್ಥಿಗಳು ಅರ್ಜಿ ಸಲ್ಲಿಸಿದ್ದಾರೆ. ಕರ್ನಾಟಕದ ವಿದ್ಯಾರ್ಥಿಗಳ ಪಟ್ಟಿಯನ್ನು ಆಯಾ ಕಾಲೇಜುಗಳ ಪ್ರಾಂಶುಪಾಲರಿಗೆ ಕಳುಹಿಸಿಕೊಡಲಾಗಿದೆ. ಅಭ್ಯರ್ಥಿಗಳು ಪ್ರಕಟಿತ ಪಟ್ಟಿಯಲ್ಲಿರುವ ಮಾಹಿತಿಗಳನ್ನು ಪರಿಶೀಲಿಸಿ ಖಾತ್ರಿ ಮಾಡಿಕೊಳ್ಳುವಂತೆ ಘಟಕ ತಿಳಿಸಿದೆ.

ಯಾವುದೇ ತೊಂದರೆ, ತೊಡಕು ಅಥವಾ ಸಂಶಯಗಳಿದ್ದಲ್ಲಿ ಸಿ.ಇ.ಟಿ. ಘಟಕವನ್ನು ದೂರವಾಣಿ, ಫ್ಯಾಕ್ಸ್‌ ಮೂಲಕ ಸಂಪರ್ಕಿಸುವಂತೆ ಕೋರಲಾಗಿದೆ. ಹೊರರಾಜ್ಯದ ವಿದ್ಯಾರ್ಥಿಗಳ ಅನುಕೂಲಕ್ಕಾಗಿ ಎಲ್ಲಾ ಅಭ್ಯರ್ಥಿಗಳ ಪಟ್ಟಿಯನ್ನು ಮುಖಪುಟ / ಇವತ್ತು... ಈ ಹೊತ್ತು...