ಹಿರಿಯ ವಕೀಲ ಶಂಕರನಾರಾಯಣ್‌ರಿಗೆ ಗೊರೂರು ಪ್ರಶಸ್ತಿ

ಬೆಂಗಳೂರು : ಹಿರಿಯ ವಕೀಲ ಹಾಗೂ ಸಾಹಿತಿ ಎಚ್‌.ಆರ್‌. ಶಂಕರನಾರಾಯಣ್‌ ಅವರಿಗೆ ಈ ಸಾಲಿನ ಗೊರೂರು ಸಾಹಿತ್ಯ ಪ್ರಶಸ್ತಿ ಲಭಿಸಿದೆ. ವೃತ್ತಿಯಲ್ಲಿ ವಕೀಲರಾದರೂ, ಸಾಹಿತ್ಯ ಕೃಷಿಯಲ್ಲಿ ತೊಡಗಿರುವ ಹಾ.ರಾ. ಶಂಕರನಾರಾಯಣ್‌ ಅವರ ಇತ್ತೀಚಿನ ‘ವಕೀಲಿ ದಿನಗಳು’ ಎಂಬ ಕೃತಿ ಈ ಪ್ರಶಸ್ತಿಗೆ ಪಾತ್ರವಾಗಿದೆ.

ತಮ್ಮ ವಕೀಲ ವೃತ್ತಿಯ ಅನುಭವಗಳು ಹಾಗೂ ನಡೆದ ಘಟನಾವಳಿಗಳನ್ನು ಒಳಗೊಂಡ ‘ವಕೀಲಿ ದಿನಗಳು’ ಕೃತಿ ವಿನೋದ ಸಾಹಿತ್ಯ ಪ್ರಕಾರದಲ್ಲಿ ಪ್ರಶಸ್ತಿ ಪಡೆದಿದೆ. ಏಪ್ರಿಲ್‌ 15ರ ಭಾನುವಾರ ಬಸವನಗುಡಿ ನ್ಯಾಷನಲ್‌ ಕಾಲೇಜಿನ ಎಚ್‌.ಎನ್‌. ಕಲಾಕ್ಷೇತ್ರದಲ್ಲಿ ಪ್ರಶಸ್ತಿ ಪ್ರದಾನ ಸಮಾರಂಭ ಜರುಗಲಿದೆ. ಈ ವಿಷಯವನ್ನು ಪ್ರತಿಷ್ಠಾನದ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.