• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಮೋಡ ಆಡುತ್ತಿದೆ, ದಯವಿಟ್ಟು ನಂಬಿಕೆ ಉಳಿಸಿಕೊಳ್ಳಿ

By Staff
|

ಈವತ್ತು ನೀವೀ ಎರಡು ಚಿತ್ರಗಳನ್ನು ತುಂಬ ಕುತೂಹಲದಿಂದ ಗಮನಿಸಬಹುದು . ಪರಸ್ಪರ ಆರೋಪ, ಹಗರಣಗಳನ್ನು ಎರಚಿಕೊಂಡು ಕೋಳಿ ಜಗಳ ಮಾಡುತ್ತಿರುವ ನಮ್ಮ ರಾಜಕಾರಣಿಗಳು ಹಾಗೂ ಭೂಕಂಪ ಸಂತ್ರಸ್ತರನ್ನು ಸಂತೈಸಲೆಂದು ಅಮೆರಿಕೆಯಿಂದ ಹಾರಿಬಂದಿರುವ ಕ್ಲಿಂಟನ್‌.

ಭಾರತದ ಉದ್ದಗಲದ ಓಣಿಗಳಲ್ಲಿ , ತುಂಬು ತೋಳಿನ ಷರಟನ್ನು ಕಲಾಸಿಪಾಳ್ಯಂನಲ್ಲಿ ಅಡ್ಡಾಡುವ ಹುಡುಗನಂತೆ ಮಡಚುತ್ತಾ ಅಡ್ಡಾಡುವ ಕ್ಲಿಂಟನ್‌ ಎನ್ನುವ ಮನುಷ್ಯನನ್ನು ನೋಡಿದರೆ, ಆತ ಸ್ವಲ್ಪೇ ದಿನಗಳ ಕೆಳಗೆ ಜಗತ್ತಿನ ಅತ್ಯಂತ ಶಕ್ತಿಶಾಲಿ ರಾಷ್ಟ್ರದ ಅಧ್ಯಕ್ಷನಾಗಿದ್ದ , ಅದೇ ಮನುಷ್ಯ ಸೆಕ್ಸ್‌ ಸ್ಕ್ಯಾಂಡಲ್‌ನಲ್ಲಿ ಸಿಕ್ಕಿ ಬಿದ್ದಿದ್ದ , ತಪ್ಪೊಪ್ಪಿಕ್ಕೊಂಡು ಮರ್ಯಾದಸ್ಥರೆದುರು ನಗೆಪಾಟಲಿಗೀಡಾಗಿದ್ದ ಅನ್ನುವುದನ್ನು ನಂಬಲಿಕ್ಕಾಗದು. ಭದ್ರತಾ ಸಿಬ್ಬಂದಿಯ ನಡುವೆ ಜನ ಸಾಮಾನ್ಯರಿಗೆ ಕಳೆದುಹೋಗಿರುವ ಭಾರತೀಯ ನಾಯಕರು, ಜನ ಸಾಮಾನ್ಯರೊಂದಿಗೇ ಬೆರೆತು ಹೋಗುತ್ತಿರುವ ಕ್ಲಿಂಟನ್‌. ಇಬ್ಬರನ್ನೂ ಅಕ್ಕಪಕ್ಕಕ್ಕಿಟ್ಟು ಒಂದು ಕ್ಷಣ ನೋಡಲಿಕ್ಕೆ ನಿಮಗೆ ಸಾಧ್ಯವಾದರೆ, ಭಾರತ ಯಾಕೆ ಐವತ್ತೂ ವರ್ಷಗಳಲ್ಲಿ ಅಭಿವೃದ್ಧಿ ಹೊಂದುತ್ತಲೇ ಉಳಿದಿದೆ ಅನ್ನುವುದನ್ನು ಅರ್ಥ ಮಾಡಿಕೊಳ್ಳಲು ಸಾಧ್ಯವಾಗುತ್ತದೆ.

ನಮ್ಮ ಹುದ್ದರಿಗಳಿಗೆ, ಗುಜರಾತಿನ ಭೂಕಂಪವೀಗ ಇತಿಹಾಸ. ತೆಹಲ್ಕಾ, ಚುನಾವಣೆ, ಮುಂತಾದ ತುರ್ತುಗಳಲ್ಲಿ ಅವರು ವ್ಯಸ್ತರು. ದೂರದೇಶದ ಮಂದಿಗಿರುವ ಅಂತಃಕರಣ ಇಲ್ಲಿನವರಿಗೇ ಯಾಕಿರುವುದಿಲ್ಲ . ಇವರಿಗೆಲ್ಲ ಯಾವ ಗರ ಬಡಿದಿದೆ. ಸ್ವಲ್ಪ ಬೆಂಗಳೂರಿನ ಆಕಾಶ ನೋಡಿ, ಅಂಥದ್ದೇ ಗರವನ್ನು ಗುರ್ತಿಸಬಹುದು. ಈ ಹೊತ್ತು ಶಿವಾನಂದ ಕೌಜಲಗಿ ಅನ್ನುವ ಮನುಷ್ಯನ ಕರಾಮತ್ತುಗಳನ್ನು ಮಾಧ್ಯಮಗಳು ಕೆತ್ತಿಟ್ಟಿದ್ದರೂ, ಆತ ನಾನು ಸಾಚಾ ಅನ್ನುತ್ತಿದ್ದಾನೆ. ಜಾರ್ಜ್‌ ಎನ್ನುವ ಮತ್ತೊಂದು ಪಳಯುಳಿಕೆ, ತೆಹಲ್ಕಾ ಎಲ್ಲಾ ಮೋಸ, ಕುಡಿಸಿ ಬೇಕಾದಂತೆ ಮಾತಾಡಿಸಿಕೊಂಡಿದ್ದಾರೆ ಎಂದು ಹೋದಲೆಲ್ಲಾ ಹೇಳುತ್ತಿದೆ. ಜನ ಎಲ್ಲವನ್ನೂ ಕೇಳುತ್ತಿದ್ದಾರೆ, ತಮಗೆ ಅಗತ್ಯವಾದಂತೆ ನಂಬುತ್ತಿದ್ದಾರೆ.

ಇಂಥದ್ದೇ ಗರ, ಬೆಂಗಳೂರಿನ ಮೇಲೆ ಕವಿದುಕೊಂಡಿರುವ ಮುಗಿಲಿಗೂ ಬಡಿದಿದೆ. ಮಳೆ ಇಂದು, ನಾಳೆ ಎಂದು ಹವಾಮಾನ ಇಲಾಖೆ ಹಾಕಿದ್ದ ಲೆಕ್ಕಾಚಾರವೆಲ್ಲ ಸುಳ್ಳಾಗಿದೆ. ನಾಳೆ ಸೋಮವಾರ ಹಾಗೂ ಮಂಗಳವಾರ ಕೂಡ ಮಳೆ ಬರುತ್ತದೆಂದು ಮತ್ತೆ ಇಲಾಖೆಯ ಮೂಲಗಳು ತಿಳಿಸಿವೆ. ಅದಕ್ಕೆ ತಕ್ಕನಾಗಿ ಆಕಾಶವೂ ಮೋಡದ ಹೊದಿಕೆ ಹೊದ್ದುಕೊಂಡಿದೆ. ರಜೆ ಬೇರೆ ನೋಡಿ, ರಸ್ತೆಗಳನ್ನು ಅಳೆಯುವ ಪುಟ್ಟ ಪುಟ್ಟಿಯರು ಬಿಸಿಲ ಜಳದಿಂದ ಪಾರಾಗಿ ಆರಾಮಾಗಿರಲಿ ಅನ್ನುವುದೂ ಆಗಸದ ಉದ್ದೇಶವಿದ್ದರೂ ಇದ್ದೀತು.

ಇದೇ ಹೊತ್ತಿಗೆ, ರಾಜ್ಯದ ಇತರ ಭಾಗಗಳಲ್ಲೂ ಒಣಹವೆಯಿಂದ ಹೊರತಾಗದ ವಾತಾವರಣವೇ ಮುಂದುವರಿದಿದೆ. ಕೆಲವೆಡೆ ಕಣ್ಣಿಗೆ ರಾಚದಷ್ಟು ಮಟ್ಟಿಗೆ ಕನಿಷ್ಠ , ಗರಿಷ್ಠ ತಾಪಮಾನದಲ್ಲಿ ವ್ಯತ್ಯಾಸವಾಗಿರುವುದು ಬಿಟ್ಟರೆ, ಉಳಿದಂತೆ ವಿಶೇಷವೇನೂ ಇಲ್ಲ .

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more