ನಿತ್ಯ ಭವಿಷ್ಯ

*ಜಾನುಕೊಂಡ ಶಾಮಾ ಶಾಸ್ತ್ರೀ

ಆಯಾಸದಿಂದಲೇ ದಿನ ಆರಂಭವಾಗುವುದರಿಂದ, ಈ ರಜೆಯ ದಿನ ನಿಮ್ಮ ಪಾಲಿಗೆ ವಿಶ್ರಾಂತಿ ದಿನವಾಗುತ್ತದೆ. ಇದರಿಂದಾಗಿ ಹೊರಗೆ ಸುತ್ತುವ ಮನೆಯವರ ಆಸೆಗೆ ಕಲ್ಲು ಬೀಳುತ್ತದೆ. ಆ ಸಿಟ್ಟನ್ನು ಭರಿಸಬೇಕಾದುದು ಅನಿವಾರ್ಯ.

ವೃಷಭ : ಹೊಸತೊಂದು ಆಶಾಕಿರಣ ಹೊಸಿತಿಲಲ್ಲೇ ಇದೆ. ಸುತ್ತ ಮುತ್ತಲೂ ಬೆನ್ನು ತಟ್ಟುವವರು ಹೆಚ್ಚಾಗಿರುವುದರಿಂದ, ನಿಮ್ಮ ಯಶಸ್ಸಿನ ದಾರಿ ಸುಖಕರವೆನಿಸುತ್ತದೆ.

ಮಿಥುನ : ನಿಮ್ಮ ಆಯ್ಕೆಗೆ ಗೆಳೆಯರ ಸಹಮತವೂ ಇದೆ. ಆತ್ಮ ಪರಿವೀಕ್ಷಣೆಗೆ ಒಂಟಿತನ ಒಳ್ಳೆಯದು. ಈ ಹೊತ್ತಾದರೂ ನೆಮ್ಮದಿಯಾಗಿರಲು ಪ್ರಯತ್ನಿಸಿ. ವೈದ್ಯರು ನೀಡುವ ಸಲಹೆಗಳನ್ನು ಪಾಲಿಸಿ.

ಕಟಕ : ದೈಹಿಕ ಅಸಾಮರ್ಥ್ಯವುಳ್ಳ ಗೆಳೆಯರ ಬಗ್ಗೆ ವಿಶೇಷ ಅನುಕಂಪ ತೋರಿಸುತ್ತೀರಿ. ವೃತ್ತಿಯಲ್ಲೂ ಸದ್ಯಕ್ಕೆ ನಿಮ್ಮನ್ನು ಸರಿಗಟ್ಟುವವರಿಲ್ಲ . ಏಕ ಕಾಲಕ್ಕೆ ದೇಹ, ಮನಸ್ಸುಗಳ ಮೇಲಿನ ಹಿಡಿತದಿಂದ ಈ ಲೋಕವೆಲ್ಲಾ ಪೂಜಾ ಮಂದಿರ ಅನ್ನಿಸುತ್ತದೆ.

ಸಿಂಹ : ನಮ್ಮವರೇ ನಮಗೆ ಶತ್ರುಗಳು ಅನ್ನುವ ಮಾತು ನಿಮ್ಮ ಪಾಲಿಗೆ ನಿಜವಾಗುತ್ತಿದೆ. ಎಚ್ಚರಿಕೆಯಿಂದಿರಿ. ನಡೆಯುವ ಕಾಲೇ ಮುಗ್ಗರಿಸೀತು ಅಥವಾ ಮುಗ್ಗರಿಸುವಂತೆ ಮಾಡಿಯಾರು. ಕುಲದೇವರನ್ನು ಅರ್ಚಿಸಿ.

ಕನ್ಯಾ : ಹೊಸ ಸವಾಲೊಂದು ಕೈ ಬೀಸುತ್ತಿದೆ. ಒಪ್ಪಿ ಕೊಳ್ಳುವ ಮುನ್ನ ಮತ್ತೊಮ್ಮೆ ಯೋಚಿಸಿ. ಯಶಸ್ಸು ಸಣ್ಣ ಪ್ರಮಾಣದ್ದು ಮಾತ್ರ. ಆದರೆ, ಅದಕ್ಕಾಗಿ ತುಂಬಾ ದಣಿಯಬೇಕಾಗುತ್ತದೆ.

ತುಲಾ : ಉಸಿರಾಟದಷ್ಟೇ ಸಲೀಸಾಗಿ ದಿನ ಕಳೆದುಹೋಗುತ್ತದೆ. ಅನಿರೀಕ್ಷಿತವಾಗಿ ಜೊತೆಗೂಡುವ ಬಾಲ್ಯ ಸ್ನೇಹಿತರು ನೆನಪುಗಳ ಬುತ್ತಿ ತರುತ್ತಾರೆ. ಬೇಸಗೆಯ ದಿನಕ್ಕೆ ಹಳೆಯ ನೆನಪುಗಳು ತಂಪು ತಂದಾವು.

ವೃಶ್ಚಿಕ : ಬೇಜಾರು ಪಟ್ಟುಕೊಳ್ಳುವುದು ಕೂಡ ದಿನಚರಿಯ ಒಂದಂಗ ಅಂದುಕೊಂಡಿರುವುದರಿಂದ ಈ ಹೊತ್ತು ಗುಡ್ಡವೇನೂ ಕಡಿದು ಬೀಳುವುದಿಲ್ಲ . ಇಂಥಾ ಬೇಜಾರುಗಳನ್ನು ಅರಗಿಸಿಕೊಳ್ಳುವುದರಲ್ಲೂ ಒಂದು ಖುಷಿಯಿದೆ.

ಧನಸ್ಸು : ಹೊಸ ಉದ್ಯೋಗದ ನಿರೀಕ್ಷೆಯಲ್ಲಿದ್ದೀರಿ. ಆದರೆ, ಇರುವ ಹುದ್ದೆಯನ್ನು ಬಿಟ್ಟು ಹೋಗಲೂ ನಿಮಗೆ ಕಷ್ಟವಾಗುತ್ತಿದೆ. ಹೊಯ್ದಾಟಗಳಿಂದ ಶೀಘ್ರ ಹೊರಬರಲು ಪ್ರಯತ್ನಿಸಿ. ಧನ ಲಾಭದ ದಿನ.

ಮಕರ : ಸಿಟ್ಟು , ಜಗಳ, ಮಾತು ಎಲ್ಲವುಗಳಿಂದ ಒಂದಷ್ಟು ಕಾಲ ದೂರವಿರಲು ನಿರ್ಧರಿಸಿದ್ದೀರಿ. ಈ ಹೊತ್ತಿನಲ್ಲೇ ಪ್ರಯಾಣಕ್ಕೂ ಲಗೇಜ್‌ ರೆಡಿ ಮಾಡುತ್ತಿದ್ದೀರಿ. ನಾಳೆ ಖುಷಿಯಾಗಿರುತ್ತೇನೆ ಎಂದುಕೊಳ್ಳುತ್ತಾ ಈ ಹೊತ್ತು ಮನಸ್ಸನ್ನು ಹಾಳು ಮಾಡಿಕೊಳ್ಳಬೇಡಿ.

ಕುಂಭ : ಹಣಕಾಸಿನ ವಿಷಯವಾಗಿ ಮತ್ತಷ್ಟು ಹೆಚ್ಚಿನ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳುವ ಅಗತ್ಯವಿದೆ. ಸಣ್ಣ ಉಳಿತಾಯಕ್ಕೆ ಆದ್ಯತೆ ಕೊಡಿ. ಈ ಸಂಜೆ ತುಂಬಾ ರಂಗಾಗಿದೆ ಎನಿಸಲು ನೀವು ಒಳ್ಳೆಯ ಲಹರಿಯಲ್ಲಿರುವುದೇ ಕಾರಣ.

ಮೀನ : ಅತಿಯಾದ ಸ್ವಾಭಿಮಾನವನ್ನು ಇತರರು ತಪ್ಪಾಗಿ ತಿಳಿದುಕೊಳ್ಳುವ ಅಗತ್ಯವಿದೆ. ನೀವು ಈ ಹೊತ್ತು ಒಂದಷ್ಟು ರಾಜಿಗಳಿಗೆ ಅನಿವಾರ್ಯವಾಗಿ ಒಪ್ಪಲೇಬೇಕಾದೀತು.

ಮುಖಪುಟ / ಇವತ್ತು... ಈ ಹೊತ್ತು...