ಕ್ಲಿಂಟನ್‌ ಅಪಾರ ಮಾನವೀಯತೆಯುಳ್ಳ ವ್ಯಕ್ತಿ - ಹೃತಿಕ್‌ ರೋಷನ್‌

ಮುಂಬಯಿ : ಅಮೆರಿಕದ ಮಾಜಿ ಅಧ್ಯಕ್ಷ ಬಿಲ್‌ ಕ್ಲಿಂಟನ್‌ ಹಾಗೂ ಬಾಲಿವುಡ್‌ನ ಹೊಸ ಧ್ವನಿ ಹೃತಿಕ್‌ ರೋಷನ್‌ ಶನಿವಾರ ರಾತ್ರಿ ಒಟ್ಟಿಗೆ ಕೂತು ಊಟ ಮಾಡಿದರು. ಅಂದಹಾಗೆ, ಇಲ್ಲಿ ಅತಿಥಿಗಳ ಪಾತ್ರದಲ್ಲಿದ್ದುದು ಕ್ಲಿಂಟನ್‌ ಅಲ್ಲ , ಹೃತಿಕ್‌.

ಅಮೇರಿಕನ್‌ ಇಂಡಿಯಾ ಪೌಂಢೇಶನ್‌ ಹೃತಿಕ್‌ಗೆ ಡಿನ್ನರ್‌ನ ಆಹ್ವಾನ ಕಳುಹಿಸಿತ್ತು . ಜಗತ್ತಿನ ದೊಡ್ಡಣ್ಣ ಎನಿಸಿರು ರಾಷ್ಟ್ರದ ಅಧ್ಯಕ್ಷ ಪದ ವಹಿಸಿದ್ದ ವ್ಯಕ್ತಿಯನ್ನು ಭೇಟಿ ಮಾಡುವ ಅವಕಾಶವನ್ನು ಹೃತಿಕ್‌ ಕಳಕೊಳುತ್ತಾರಾ ? ಸರಿ, ಊಟಕ್ಕೆ ಜೊತೆಯಾದರು. ಕ್ಲಿಂಟನ್‌ರೊಂದಿಗೆ ನಗೆ- ಮಾತು ಹಂಚಿಕೊಳ್ಳುತ್ತಾ ರಾತ್ರಿಯಾಂದನ್ನು ಅವಿಸ್ಮರಣೀಯವಾಗಿಸಿಕೊಂಡರು. ಅಂದಹಾಗೆ, ಕ್ಲಿಂಟನ್‌ ಹಾಗೂ ಹೃತಿಕ್‌ ಏನನ್ನು ಮಾತಾಡಿಕೊಂಡಿರಬಹುದು, ಸಿನಿಮಾ- ರಾಜಕೀಯ. ಮಾತುಕತೆಯ ವಿವರಗಳು ತಿಳಿದುಬಂದಿಲ್ಲ .

ಹೃತಿಕ್‌ರಂತೂ, ಕ್ಲಿಂಟನ್‌ ಭೇಟಿಯ ನಂತರ ಖುಷಿಯಾಗಿದ್ದರು. ಆತನೊಬ್ಬ ಅಪಾರ ಮಾನವೀಯತೆಯುಳ್ಳ ವ್ಯಕ್ತಿ ಎಂದು ಕ್ಲಿಂಟನ್‌ರನ್ನು ಹೃತಿಕ್‌ ಬಣ್ಣಿಸುವಾಗ ಜೊತೆಗಿದ್ದ ಪತ್ನಿ ಸೂಸನ್‌ ನಸು ನಕ್ಕರು. ಡಿನ್ನರ್‌ನಲ್ಲೂ ಅವರು ಇದೇ ರೀತಿ ಆಗಾಗ ನಗುತ್ತಲೇ ಇದ್ದರು.

ಊಟಕ್ಕೆ ಮುಂಚಿನ ಕ್ಲಿಂಟನ್‌ರ ಚಿಕ್ಕ ಭಾಷಣ ತುಂಬಾ ಅದ್ಭುತವಾಗಿತ್ತು . ನಾನಂತೂ, ಅದರಿಂದ ತುಂಬಾ ಪ್ರಭಾವಿತನಾದೆ ಎಂದು ಹೃತಿಕ್‌ ಹೇಳಿದರು. ಹೃತಿಕ್‌ ಪೋಷಕರಾದ ರಾಕೇಶ್‌ ರೋಷನ್‌ ಹಾಗೂ ಪಿಂಕಿ ಕೂಡ ಡಿನ್ನರ್‌ನಲ್ಲಿ ಭಾಗವಹಿಸಿದ್ದರು.

(ಯುಎನ್‌ಐ)

ವಾರ್ತಾ ಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...