ನೆಲಮಂಗಲ ಸಾಹಿತ್ಯ ಸಮ್ಮೇಳಾನಧ್ಯಕ್ಷರಾಗಿ ಎಚ್‌.ಎಸ್‌. ಗೋಪಾಲ್‌ರಾವ್‌

ನೆಲಮಂಗಲ : ನೆಲಮಂಗಲ ತಾಲ್ಲೂಕು ಕನ್ನಡ ಸಾಹಿತ್ಯ ಸಮ್ಮೇಳದ ಅಧ್ಯಕ್ಷರಾಗಿ ಸಂಶೋಧಕ ಹಾಗೂ ಸಾಹಿತಿ ಡಾ. ಎಚ್‌. ಎಸ್‌. ಗೋಪಾಲ್‌ರಾವ್‌ ಆಯ್ಕೆಯಾಗಿದ್ದಾರೆ.

ಏಪ್ರಿಲ್‌ 14ರ ಶನಿವಾರ ಶಿವಗಂಗಾ ಕ್ಷೇತ್ರದ ರೇಣುಕಾ ದೇವಸ್ಥಾನದ ಆವರಣದಲ್ಲಿ ಸಾಹಿತ್ಯ ಸಮ್ಮೇಳ ಮತ್ತು ರೇಣುಕಾ ಜಯಂತಿ ಉತ್ಸವವನ್ನು ಆಯೋಜಿಸಲಾಗಿದೆ. ಇತಿಹಾಸ ಅಕಾಡಮಿಯ ಪ್ರಧಾನ ಕಾರ್ಯದರ್ಶಿಯಾಗಿರುವ ಗೋಪಾಲ ರಾವ್‌ ಅವರು ವೃತ್ತಿಯಲ್ಲಿ ವಿದ್ಯುತ್‌ ಇಲಾಖೆಯ ಇಂಜಿನಿಯರ್‌. ಪ್ರವೃತ್ತಿಯಲ್ಲಿ ಶಾಸನ ಶಾಸ್ತ್ರದ ಪಂಡಿತ.

ಸಾಹಿತ್ಯ ಸಮ್ಮೇಳನ ಉದ್ಘಾಟನೆಗೆ ಮೊದಲು ಅಧ್ಯಕ್ಷರನ್ನು ಹೊತ್ತ ಸಾಹಿತ್ಯ ರಥದ ಮೆರವಣಿಗೆ ನಡೆಯಲಿದೆ. ಸಮ್ಮೇಳನದಲ್ಲಿ ಭಾವೈಕ್ಯತಾ ಧರ್ಮಗೋಷ್ಠಿ, ಸಾಹಿತ್ಯ ಗೋಷ್ಠಿ ಮತ್ತು ಕವಿಗೋಷ್ಠಿಗಳು ನಡೆಯಲಿವೆ.

ಡಾ. ಎಂ. ಚಿದಾನಂದ ಮೂರ್ತಿ, ಡಾ. ಎಂ.ವಿ. ಶ್ರೀನಿವಾಸ್‌, ಕವಿ ಸಿದ್ದಗಂಗಯ್ಯ ಕಂಬಾಳು ಅವರನ್ನು ಈ ಸಂದರ್ಭದಲ್ಲಿ ಅಭಿನಂದಿಸಲಾಗುವುದು. ಅಲ್ಲದೆ ಎಲ್‌. ರಮೇಶ್‌ ಅವರ ಋಣಾನುಬಂಧ ಮತ್ತು ಜಿಲ್ಲಾ ಪಂಚಾಯ್ತಿ ಸದಸ್ಯೆ ವೆಂಕಟಲಕ್ಷ್ಮಿ ಅವರ ಭಾವಬಂಧನ ಕಾದಂಬರಿಗಳನ್ನು ಶರಣ ಸಾಹಿತ್ಯ ಪರಿಷತ್ತಿನ ಗೌರವಾಧ್ಯಕ್ಷ ಬಿ. ಸುರೇಶ್‌ ಬಿಡುಗಡೆ ಮಾಡುವರು.

(ಇನ್ಫೋ ವಾರ್ತೆ)

ಮುಖಪುಟ / ಇವತ್ತು... ಈ ಹೊತ್ತು...