• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಸತ್ಯಾಸತ್ಯತೆ ಜನತಾ ನ್ಯಾಯಾಲಯದಲ್ಲಿ ತೀರ್ಮಾನವಾಗಲಿ - ವಾಜಪೇಯಿ

By Staff
|

ಬೆಂಗಳೂರು : ತೆಹಲ್ಕಾ ಬಹಿರಂಪಡಿಸಿದ ರಕ್ಷಣಾ ಹಗರಣದ ಹಿನ್ನೆಲೆಯಲ್ಲಿ ಎನ್‌ಡಿಎ ಸರಕಾರ ರಾಜೀನಾಮೆ ನೀಡುವ ಪ್ರಶ್ನೆಯೇ ಇಲ್ಲ . ಸರ್ಕಾರದ ರಾಜೀನಾಮೆಯಿಂದಾಗಿ ದೇಶದಲ್ಲಿ ಅರಾಜಕತೆ ತಲೆದೋರುತ್ತದೆ ಎಂದು ಪ್ರಧಾನಿ ಅಟಲ್‌ ಬಿಹಾರಿ ವಾಜಪೇಯಿ ಹೇಳಿದ್ದಾರೆ.

ನಗರದಲ್ಲಿ ತೆಹಲ್ಕಾ ಆರೋಪದ ಸತ್ಯಾಸತ್ಯತೆಗಳನ್ನು ಜನರಿಗೆ ತಿಳಿಸಲು ಎನ್‌ಡಿಎ ಹಮ್ಮಿಕೊಂಡಿದ್ದ ಬೃಹತ್‌ ಸಾರ್ವಜನಿಕ ರ್ಯಾಲಿಯನ್ನು ಗುರುವಾರ ನಗರದ ನ್ಯಾಷನಲ್‌ ಕಾಲೇಜು ಮೈದಾನದಲ್ಲಿ ಉದ್ದೇಶಿಸಿ ವಾಜಪೇಯಿ ಮಾತನಾಡುತ್ತಿದ್ದರು. ತೆಹಲ್ಕಾ ಹಗರಣವನ್ನು ಸರಕಾರ ಸವಾಲಾಗಿ ಸ್ವೀಕರಿಸುತ್ತದೆ. ಹಗರಣದ ಹಿಂದಿನ ಸತ್ಯಗಳನ್ನು ಜನತಾ ನ್ಯಾಯಲಯವೇ ನಿರ್ಧ ರಿಸುತ್ತದೆ. ಅದಕ್ಕೆ ಮುಂಬರುವ ಚುನಾವಣೆಗಳು ಒಂದು ವೇದಿಕೆಯಾಗಲಿವೆ ಎಂದು ಪ್ರಧಾನಿ ಹೇಳಿದರು.

ಇಂತಹ ಹಗರಣಗಳು ಕಾಂಗ್ರೆಸ್‌ ಪಕ್ಷ ಅಧಿಕಾರದಲ್ಲಿದ್ದಾಗ ಸಾಕಷ್ಟು ಬಾರಿ ನಡೆದಿವೆ. ಆದರೆ ಯಾವುದೇ ಕಾಂಗ್ರೆಸ್‌ ಪ್ರಧಾನಿ ರಾಜೀನಾಮೆ ನೀಡಿದ ಉದಾಹರಣೆ ಇಲ್ಲ ಎಂದ ಪ್ರಧಾನಿ, ವ್ಯವಸ್ಥೆಯಲ್ಲಿಯೇ ದೋಷವಿದೆ, ಬಿಜೆಪಿ ವಿರೋಧ ಪಕ್ಷದಲ್ಲಿದ್ದಾಗ ವ್ಯವಸ್ಥೆಯನ್ನು ಸರಿಪಡಿಸಲು ಮಾಡಿದ ಆಗ್ರಹಗಳಿಗೆ ಕಾಂಗ್ರೆಸ್‌ನಿಂದ ಸರಿಯಾದ ಬೆಂಬಲ ದೊರೆಯಲಿಲ್ಲ ಎಂದರು.

ಯಾವುದೇ ಹಗರಣಗಳು ನಡೆದಾಗ ಆ ಕುರಿತು ಸರಿಯಾದ ವಿಚಾರಣೆ ನಡೆಯಬೇಕು ಅಥವಾ ಸಂಸತ್ತಿನಲ್ಲಿ ಚರ್ಚೆ ನಡೆಯಬೇಕು. ಎರಡಕ್ಕೂ ಸರಕಾರ ಸಿದ್ಧವಿದ್ದರೂ ವಿರೋಧ ಪಕ್ಷವಾದ ಕಾಂಗ್ರೆಸ್‌ ವಿಚಾರಣೆಗಾಗಲಿ, ಚರ್ಚೆಗಾಗಲಿ ಸಿದ್ಧವಿಲ್ಲ, ಕೇಂದ್ರ ಸರಕಾರ ರಾಜೀನಾಮೆ ನೀಡಬೇಕು ಎಂದೇ ಹೇಳುತ್ತಿದೆ. ರಾಜೀನಾಮೆ ನೀಡಲು ನಾನು ಮಾಡಿದ ತಪ್ಪೇನು ಎಂದ ಪ್ರಧಾನಿ 40 ವರ್ಷಗಳ ತಪಸ್ಸಿನ ಬಳಿಕ ಅಧಿಕಾರಕ್ಕೆ ಬಂದಿರುವೆ ಎಂದು ವಿರೋಧ ಪಕ್ಷಗಳ ನಡವಳಿಕೆಯನ್ನು ಟೀಕಿಸಿದರು.

ಹೆಂಡ ಕುಡಿಸಿ ಮಾತನಾಡಿದರು : ತೆಹಲ್ಕಾದವರು ಹೆಂಡ ಕುಡಿಸಿ ತಮಗೆ ಬೇಕಾದಂತೆ ಮಾತನಾಡಿಸಿದ್ದಾರೆ. ಈಗ ಅದನ್ನು ಹಗರಣ ಎಂದು ಬೊಬ್ಬೆ ಇಡುತ್ತಿದ್ದಾರೆ. ಮಾಜಿ ರಕ್ಷಣಾ ಸಚಿವ ಜಾರ್ಜ್‌ ಫರ್ನಾಂಡಿಸ್‌ ಭಾಷಣ ಮಾಡುವಾಗ ಸಾಕಷ್ಟು ಉದ್ವಿಗ್ನರಾಗಿದ್ದರು.

ಜನ ಸಾಮಾನ್ಯರೂ ನನ್ನ ಕಚೇರಿಗೆ ಬಂದು ಆರಾಮವಾಗಿ ತಮ್ಮ ಕಷ್ಟ ಸುಖ ಹೇಳಿಕೊಳ್ಳುತ್ತಿದ್ದರು. ಬಹುಶಃ ಇದೇ ನಾನು ಮಾಡಿರುವ ತಪ್ಪಿರಬೇಕು ಎಂದು ಜಾರ್ಜ್‌ ಹೇಳಿದರು. ಶಸ್ತ್ರಾಸ್ತ್ರಗಳನ್ನು ವಿದೇಶದಿಂದ ಕೊಳ್ಳುವ ಬದಲು ಸ್ವದೇಶಿಯಾಗಿಯೇ ನಿರ್ಮಿಸಲು ಪ್ರಯತ್ನಿಸಿದೆ. ಇದು ಕೂಡ ನನ್ನ ತಪ್ಪು ಎಂದು ಅವರು ತಣ್ಣನೆಯ ದನಿಯಲ್ಲಿ ಹೇಳಿದರು. ಮುಕ್ಕಾಲು ಗಂಟೆಗಳ ಭಾಷಣದಲ್ಲಿ - ತೆಹಲ್ಕಾ ಆರೋಪಗಳನ್ನು ನಿರಾಕರಿಸಲು ಹಾಗೂ ತಮ್ಮ ಪ್ರಾಮಾಣಿಕತೆಯನ್ನು ಬಿಂಬಿಸಲು ಅವರು ಪ್ರಯತ್ನಿಸಿದರು.

ಕೇಂದ್ರ ಗ್ರಾಮೀಣಾಭಿವೃದ್ಧಿ ಸಚಿವ ವೆಂಕಯ್ಯ ನಾಯ್ಡು , ಆಹಾರ ಖಾತೆ ಸಚಿವ ಶ್ರೀನಿವಾಸ ಪ್ರಸಾದ್‌, ಪ್ರವಾಸೋದ್ಯಮ ಸಚಿವ ಅನಂತಕುಮಾರ್‌, ಬಿಜೆಪಿ ನಾಯಕರಾದ ಗೋಪಿನಾಥ ಮುಂಡೆ, ಬಸವರಾಜ ಪಾಟೀಲ ಸೇಡಂ ಮುಂತಾದವರು ರ್ಯಾಲಿಯಲ್ಲಿ ಭಾಗವಹಿಸಿದ್ದರು.

(ಇನ್ಫೋ ವಾರ್ತೆ)

ವಾರ್ತಾಸಂಚಯ

ಮುಖಪುಟ / ಇವತ್ತು... ಈ ಹೊತ್ತು...

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more