ಏಪ್ರಿಲ್‌ 8ರ ಭಾನುವಾರ ಬೆಂಗಳೂರು ಧರ್ಮರಾಯನ ಕರಗ

ಬೆಂಗಳೂರು : ಬೆಂಗಳೂರಿನ ಹೆಮ್ಮೆಯ ಕರಗ ಏಪ್ರಿಲ್‌ 8ರ ಚೈತ್ರ ಪೌರ್ಣಿಮೆಯ ಭಾನುವಾರ ನಡೆಯಲಿದೆ. ಬೆಂಗಳೂರು ಸಂಸ್ಕೃತಿಕ ಪ್ರತೀಕವಾಗಿರುವ ಈ ಉತ್ಸವದ ಪೂರ್ವಭಾವಿ ಧಾರ್ಮಿಕ ವಿಧಿಗಳು ಏಪ್ರಿಲ್‌ ಒಂದರಿಂದಲೇ ಆರಂಭಗೊಂಡಿವೆ.

ಬೆಂಗಳೂರಿನ ತಿಗಳರಪೇಟೆಯಲ್ಲಿರುವ ಧರ್ಮರಾಯ ಸ್ವಾಮಿ ದೇವಾಲಯದ ಆವರಣದ ಈಶಾನ್ಯ ಮೂಲೆಯಲ್ಲಿ ಧ್ವಜಸ್ತಂಭ ಸ್ಥಾಪಿಸುವ ಮೂಲಕ ಕರಗ ಉತ್ಸವದ 9 ದಿನಗಳ ಕಾರ್ಯಕ್ರಮಕ್ಕೆ ಚಾಲನೆ ದೊರಕಿದೆ. ಕರಗ ಉತ್ಸವದ ರೂವಾರಿಗಳಾದ ದೇವಾಲಯದ ಪೂಜಾರರು, ವೀರಕುಮಾರರು ಹಾಗೂ ಕರಗ ಹೊರುವವರೆಲ್ಲರೂ ವೀರ ಕಂಕಣ ತೊಡುವುದರೊಂದಿಗೆ ಕರಗದ ಸಂಭ್ರಮ ನಾಡಿಗೆ ಬಂದಿದೆ.

ಶುಕ್ರವಾರ ಸಂಪಂಗಿ ಕೆರೆ ಮೈದಾನದಲ್ಲಿ ಹಸಿ ಕರಗ ನಡೆಯಲಿದೆ. ಭಾನುವಾರ ಮಹಾಕರಗ. ಪೂರ್ಣ ಕರಗ. ಅದುವೇ ಹೂವಿನ ಕರಗ. ಕಳೆದ ವರ್ಷ ಏಪ್ರಿಲ್‌ 18ರಂದು ಬೆಂಗಳೂರು ಕರಗ ನಡೆದಿತ್ತು. ಲಕ್ಷ್ಮೀಶ ಕರಗ ಹೊತ್ತಿದ್ದರು.

ಮುಖಪುಟ / ಇವತ್ತು... ಈ ಹೊತ್ತು...