ಬೆಳಗಾವಿ ಬಳಿ ಟೆಂಪೊ- ಟ್ರಕ್‌ ಢಿಕ್ಕಿ, ಹತ್ತು ಮಂದಿ ಸಾವು

ಬೆಳಗಾವಿ : ಇಲ್ಲಿಗೆ ಹತ್ತು ಕಿಮೀ ದೂರದ ಹಲಗ ಎಂಬಲ್ಲಿ ಶನಿವಾರ ರಾತ್ರಿ ಸಂಭವಿಸಿದ ರಸ್ತೆ ಅಪಘಾತದಲ್ಲಿ ಐವರು ಮಹಿಳೆಯರು ಸೇರಿದಂತೆ 10 ಜನ ನಿಧನರಾಗಿದ್ದು , ಇತರ 11 ಮಂದಿ ಗಾಯಗೊಂಡಿದ್ದಾರೆ.

ಟೆಂಪೊ ಹಾಗೂ ಟ್ರಕ್‌ಗಳ ನಡುವೆ ಸಂಭವಿಸಿದ ಢಿಕ್ಕಿಯಲ್ಲಿ ಈ ದುರಂತ ಸಂಭವಿಸಿದೆ. ಎಂಟು ಮಂದಿ ಸ್ಥಳದಲ್ಲಿಯೇ ಮರಣ ಹೊಂದಿದರು ಎಂದು ಪೊಲೀಸರು ತಿಳಿಸಿದ್ದಾರೆ. ಗಾಯಾಳುಗಳನ್ನು ನಗರದ ಸರ್ಕಾರಿ ಆಸ್ಪತ್ರೆಗೆ ಸೇರಿಸಲಾಗಿದ್ದು , ಇಬ್ಬರು ಗಾಯಾಳುಗಳ ಸ್ಥಿತಿ ಗಂಭೀರವಾಗಿದೆ.

ಸಾವಿಗೀಡಾದ ಮಂದಿ ಕೊಂಡಸಕೊಪ್ಪ ಗ್ರಾಮಕ್ಕೆ ಸೇರಿದವರಾಗಿದ್ದು , ಎಂದಿನಂತೆ ವಾರದ ವಹಿವಾಟು ಮುಗಿಸಿಕೊಂಡು ಊರಿಗೆ ಹಿಂತಿರುಗುತ್ತಿದ್ದರು. ಸಾವಿಗೀಡಾದವರಲ್ಲಿ ಟೆಂಪೊ ಡ್ರೆೃವರ್‌ ಕೂಡ ಸೇರಿದ್ದಾನೆ.

(ಯುಎನ್‌ಐ)