ಮೇ 10 ರಂದು 5 ರಾಜ್ಯಗಳ ವಿಧಾನಸಭೆಗೆ ಚುನಾವಣೆ

ನವದೆಹಲಿ : ತೀವ್ರ ಕುತೂಹಲ ಕೆರಳಿಸಿರುವ ಅಸ್ಸಾಂ, ಕೇರಳ, ಪಶ್ಚಿಮಬಂಗಾಳ, ತಮಿಳುನಾಡು ಹಾಗೂ ಪಾಂಡಿಚೇರಿ ವಿಧಾನಸಭೆ ಚುನಾವಣೆಗಳು ಮೇ 10ರಂದು ನಡೆಯಲಿವೆ ಎಂದು ಮುಖ್ಯ ಚುನಾವಣಾ ಆಯುಕ್ತ ಎಂ. ಎಸ್‌. ಗಿಲ್‌ ಪ್ರಕಟಿಸಿದ್ದಾರೆ.

ಮೇ 11 ರಂದು ತಿರುಚನಾಪಳ್ಳಿ , ಷಹಜಾನ್‌ಪುರ ಮತ್ತು ಮಿಡ್ನಾಪುರ ಲೋಕಸಭಾ ಕ್ಷೇತ್ರಗಳ ಮರು ಚುನಾವಣೆ ನಡೆಯಲಿದೆ ಎಂದು ಶನಿವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡುತ್ತಿದ್ದ ಎಂ. ಎಸ್‌. ಗಿಲ್‌ ಹೇಳಿದ್ದಾರೆ.

ನಾಮಪತ್ರ ಸಲ್ಲಿಸಲು ಏಪ್ರಿಲ್‌ 21 ಕೊನೆಯ ದಿನಾಂಕ. ಮೇ 13ರಂದು ಮತ ಎಣಿಕೆ ಕಾರ್ಯ ನಡೆಯುತ್ತದೆ. ಒಟ್ಟು ಚುನಾವಣಾ ಪ್ರಕ್ರಿಯೆಯು ಮೇ 18ರಂದು ಮುಕ್ತಾಯಗೊಳ್ಳಲಿದೆ. ಪಶ್ಚಿಮ ಬಂಗಾಳ , ಕೇರಳ, ತಮಿಳು ನಾಡು ಮತ್ತು ಪಾಂಡಿಚೇರಿಗಳಲ್ಲಿ ಇಲೆಕ್ಟ್ರಾನಿಕ್‌ ಮತ ಯಂತ್ರಗಳನ್ನು ಬಳಸಲಾಗುವುದು.

ಮತದಾನದ ಸಂದರ್ಭದಲ್ಲಿ ಫೋಟೋ ಗುರುತು ಚೀಟಿ ಅಥವಾ ಇನ್ನಾವುದೇ ಗುರುತು ಪತ್ರ ಕಡ್ಡಾಯ ಎಂದು ಗಿಲ್‌ ಹೇಳಿದ್ದಾರೆ.

(ಯುಎನ್‌ಐ)