ಗುಲ್ಬರ್ಗಾ : ಅಮೆರಿಕ ಏಜನ್ಸಿಗೆ ಲಂಬಾಣಿ ಹೆಣ್ಣು ಮಕ್ಕಳ ಮಾರಾಟ

ಗುಲ್ಬರ್ಗಾ : ಜಿಲ್ಲೆಯ ಲಂಬಾಣಿ ತಾಂಡದ ಹೆಣ್ಣು ಮಕ್ಕಳನ್ನು ಅಮೆರಿಕದ ಏಜೆನ್ಸಿಯಾಂದಕ್ಕೆ ವ್ಯವಸ್ಥಿತ ಜಾಲವೊಂದು ಮಾರಾಟ ಮಾಡುತ್ತಿದ್ದು , ಈ ಕುರಿತು ತಕ್ಷಣವೇ ತನಿಖೆ ಪ್ರಾರಂಭಿಸಬೇಕೆಂದು ಅಖಿಲ ಭಾರತ ಬಂಜಾರಾ ಸೇವಾ ಸಮಿತಿ ಸರಕಾರವನ್ನು ಆಗ್ರಹಿಸಿದೆ.

ಇತ್ತೀಚೆಗೆ ಆಂಧ್ರಪ್ರದೇಶದ ಪೊಲೀಸರು ಬಂಧಿಸಿದ ಇಬ್ಬರು ಆರೋಪಿಗಳಿಂದ ಈ ಮಾಹಿತಿ ದೊರೆತಿದೆ. 60 ದಿನಗಳಿಂದ 5 ವರ್ಷದೊಳಗಿನ ಹೆಣ್ಣು ಮಕ್ಕಳನ್ನು ಎರಡು ಸಾವಿರ ರೂಪಾಯಿಗೆ ಮಾರಲಾಗುತ್ತಿದೆ. ಕಳೆದ ಆರು ವರ್ಷಗಳಿಂದ ಈ ದಂಧೆ ನಡೆಯುತ್ತಿದ್ದು, ಸುಮಾರು 200 ಮಕ್ಕಳ ಮಾರಾಟವಾಗಿದೆ ಎಂದು ಬಂಜಾರಾ ಸಮಿತಿಯ ಮುಖ್ಯ ಕಾರ್ಯದರ್ಶಿ ಸುಭಾಷ್‌ ರಾತೋಡ್‌ ಬುಧವಾರ ಗುಲ್ಬರ್ಗಾದಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಹೇಳಿದರು.

ಸಂಶಯಾಸ್ಪದ ರೀತಿಯಲ್ಲಿ ಹಸುಳೆಯಾಂದನ್ನು ಆಸ್ಪತ್ರೆಯಿಂದ ಸಾಗಿಸುತ್ತಿದ್ದಾಗ ಬಂಧನಕ್ಕೊಳಗಾದ ಒಬ್ಬ ನರ್ಸ್‌ ಸೇರಿದಂತೆ ಇಬ್ಬರು ವ್ಯಕ್ತಿಗಳಿಂದ ಈ ಜಾಲ ಬಯಲಿಗೆ ಬಂದಿದೆ. ಜಾಲಕ್ಕೆ ಸಿಲುಕುವ ಹೆಣ್ಣು ಮಕ್ಕಳನ್ನು ಮೊದಲು ಹೈದರಾಬಾದಿನ ಅನಾಥಾಲಯಕ್ಕೆ ಸಾಗಿಸಲಾಗುತ್ತದೆ. ನಂತರ ಅಮೆರಿಕಾದ ಏಜೆನ್ಸಿಯಾಂದಕ್ಕೆ ಮಾರಲಾಗುತ್ತದೆ. ಪೆಡ್ಡಾ, ಒಂಟಿ ಚಿಂತಾ ಮತ್ತು ಕೊಂಚಾವರಂ ಪ್ರದೇಶದಲ್ಲಿ ಹೆಚ್ಚು ಮಂದಿ ಮಕ್ಕಳ ಮರಾಟವಾಗುತ್ತಿರುವುದು ತಿಳಿದು ಬಂದಿದೆ ಎಂದು ಸುಭಾಷ್‌ ಹೇಳಿದರು.

(ಯುಎನ್‌ಐ)