ಬೆಂಗಳೂರಿನಲ್ಲಿ ಗ್ಲೋಬಲ್‌ ಈ- ಪಾರ್ಲಿಮೆಂಟಿನ ಮುಖ್ಯ ಕಚೇರಿ

ಲಂಡನ್‌ : ಜಗತ್ತಿನ ಎಲ್ಲ ದೇಶಗಳ ಸಂಸದರನ್ನು ಜಾಲವೊಂದಕ್ಕೆ ತರುವ ವೇದಿಕೆ ಎನಿಸಿಕೊಳ್ಳಲಿರುವ ಗ್ಲೋಬಲ್‌ ಈ ಪಾರ್ಲಿಮೆಂಟಿನ ಮುಖ್ಯ ಕಚೇರಿಯನ್ನು ಬೆಂಗಳೂರಿನಲ್ಲಿ ತೆರೆಯಲಾಗುವುದು.

ಈ- ಪಾರ್ಲಿಮೆಂಟ್‌ ರಚನೆಗೆ ಸಂಬಂಧಿಸಿದಂತೆ ಇತ್ತೀಚೆಗೆ ವೆನಿಸ್‌ನಲ್ಲಿ ನಡೆದ ಜಾಗತಿಕ ಸಭೆಯಲ್ಲಿ ಭಾರತವನ್ನು ಪ್ರತಿನಿಧಿಸಿದ್ದ ಕಾಂಗ್ರೆಸ್‌ನ ಮುಖಂಡ ಮಣಿಶಂಕರ್‌ ಅಯ್ಯರ್‌ ಈ ವಿಷಯವನ್ನು ಮಂಗಳವಾರ ಸುದ್ದಿಗಾರರಿಗೆ ತಿಳಿಸಿದರು. ಭಾರತದ ಐಟಿ ರಾಜಧಾನಿ ಎನಿಸಿಕೊಂಡಿರುವ ಬೆಂಗಳೂರಿನಲ್ಲಿ ಕಚೇರಿ ಸ್ಥಾಪಿಸಲು ಆಯೋಜಕರು ಒಪ್ಪಿಕೊಂಡಿದ್ದು , ಆ ನಿಟ್ಟಿನಲ್ಲಿ 15 ಮಂದಿಯ ಸಮಿತಿಯಾಂದನ್ನು ಬೆಂಗಳೂರಿನಲ್ಲಿ ರಚಿಸಲಾಗುವುದು. ಸದ್ಯದಲ್ಲೇ ಮಣಿಶಂಕರ್‌ ಅಯ್ಯರ್‌ ಮತ್ತು ಬಿಜೆಪಿಯ ತ್ರಿಪಾಟಿ ಅವರು ಈ ವಿಷಯವನ್ನು ಲೋಕಸಭಾ ಸ್ಪೀಕರ್‌ ಜಿ. ಎಂ. ಸಿ. ಬಾಲಯೋಗಿ ಅವರೊಂದಿಗೆ ಚರ್ಚಿಸುವರು.

ಜಗತ್ತಿನ ಎಲ್ಲ ರಾಷ್ಟ್ರಗಳ ಸಂಸದರ ಜಾಲವನ್ನು ರಚಿಸುವುದು ಈ ಪಾರ್ಲಿಮೆಂಟ್‌ ರಚನೆಯ ಉದ್ದೇಶವಾಗಿದೆ. ಈ ಮೂಲಕ ಜಾಗತಿಕ ಸಮಸ್ಯೆಗಳನ್ನಾಗಲೀ, ಪ್ರಸ್ತಾವನೆಗಳನ್ನಾಗಲೀ ಅಥವಾ ನಿಶ್ಯಸ್ತ್ರೀಕರಣದ ಬಗ್ಗೆಯಾಗಲೀ ಈ- ಪಾರ್ಲಿಮೆಂಟ್‌ ಮೂಲಕ ಸುಲಭವಾಗಿ ಚರ್ಚಿಸಬಹುದಾಗಿದೆ.

(ಪಿಟಿಐ)