ಗ್ಲೇಡಿಯೇಟರ್‌ ಚಿತ್ರಕ್ಕೆ 73ನೇ ಆಸ್ಕರ್‌ ಪ್ರಶಸ್ತಿ

ಲಾಸ್‌ ಎಂಜಲೀಸ್‌ : ದಕ್ಷ ನಿರ್ದೇಶನ, ನ್ಸಿಸೀಮ ಕಲಾವಿದರ ಪರಿಪಕ್ವ ಅಭಿನಯದಿಂದ ಚಲನಚಿತ್ರ ರಸಿಕರನ್ನು ಮೂಕವಿಸ್ಮಿತರನ್ನಾಗಿ ಮಾಡಿದ ಗ್ಲೇಡಿಯೇಟರ್‌ , ಚಲನಚಿತ್ರ ಜಗತ್ತಿನ ಅತ್ಯುನ್ನತ ಗೌರವದ ಸಂಕೇತವಾದ ಆಸ್ಕರ್‌ ಪ್ರಶಸ್ತಿ ಯನ್ನು ತನ್ನದಾಗಿಸಿಕೊಂಡಿದೆ. ಲಾಸ್‌ ಏಂಜಲೀಸ್‌ನಲ್ಲಿ ನಡೆದ 73ನೇ ಆಸ್ಕರ್‌ ಪ್ರಶಸ್ತಿ ಸಮಾರಂಭದಲ್ಲಿ ಇಂಗ್ಲಿಷ್‌ ಚಿತ್ರ ಗ್ಲೇಡಿಯೇಟರ್‌ ವಿಜಯದುಂದುಭಿ ಬಾರಿಸಿದುದನ್ನು ಪ್ರಕಟಿಸಲಾಯಿತು.

ಗ್ಲೇಡಿಯೇಟರ್‌ ಚಿತ್ರದಲ್ಲಿನ ಉತ್ತಮ ಅಭಿನಯಕ್ಕಾಗಿ ರಸೆಲ್‌ ಕ್ರೋವ್‌ ಅತ್ಯುತ್ತಮ ನಟ ಪ್ರಶಸ್ತಿಯನ್ನೂ, ಎರಿನ್‌ ಬ್ರೋಕೋವಿಚ್‌ ಚಿತ್ರದಲ್ಲಿ ಮನೋಜ್ಞ ಅಭಿನಯಕ್ಕಾಗಿ ಜೂಲಿಯಾ ರಾಬರ್ಟ್ಸ್‌ ಉತ್ತಮ ನಟಿ ಪ್ರಶಸ್ತಿಯನ್ನೂ ತಮ್ಮದಾಗಿಸಿಕೊಂಡರು. ಎರಿನ್‌ ಬ್ರೋಕೋವಿಚ್‌ ಚಿತ್ರದ ನಿರ್ದೇಶಕ ಸ್ಟೀವನ್‌ ಸೋದರ್‌ ಬರ್ಗ್‌ ಅವರು ಟ್ರಾಫಿಕ್‌ ಚಿತ್ರದ ನಿರ್ದೇಶನಕ್ಕೆ ಉತ್ತಮ ನಿರ್ದೇಶಕ ಪ್ರಶಸ್ತಿಯನ್ನು ಗಿಟ್ಟಿಸಿಕೊಂಡಿದ್ದಾರೆ.

‘ ಕ್ರೌಂಚಿಂಗ್‌ ಟೈಗರ್‌, ಹಿಡನ್‌ ಡ್ರಾಗನ್‌’ ಅತ್ಯುತ್ತಮ ಫಾರಿನ್‌ ಫಿಲಂ ವಿಭಾಗದ ಆಸ್ಕರ್‌ ಪ್ರಶಸ್ತಿ ಪಡೆದ ಏಷ್ಯಾದ ಪ್ರಥಮ ಚಿತ್ರ ಎನಿಸಿಕೊಂಡಿದೆ. ಅತ್ಯುತ್ತಮ ಕಲಾ ನಿರ್ದೇಶನ, ಛಾಯಾಗ್ರಹಣ ಮತ್ತು ಮೂಲ ಸಂಗೀತಕ್ಕಾಗಿಯೂ ಈ ಚಿತ್ರ ಆಸ್ಕರ್‌ ಅವಾರ್ಡ್‌ ಪಡೆದಿದೆ. ಈ ಚಿತ್ರ ಅಮೆರಿಕಾದಲ್ಲಿ ಸುಮಾರು ನೂರು ದಶಲಕ್ಷ ರೂಪಾಯಿ ಲಾಭ ಗಳಿಸಿದೆ.

(ಇನ್ಫೋ ವಾರ್ತೆ)

ಮುಖಪುಟ / ಇವತ್ತು... ಈ ಹೊತ್ತು...