ರಾಯಚೂರಿನಲ್ಲಿ ಕಾರ್ಕೋಟಕ ರೋಗ, 8 ಮಂದಿ ಬಲಿ

ರಾಯಚೂರು : ಕಳೆದ ಒಂದು ವಾರದಿಂದ ಸಿಂಧನೂರು ತಾಲ್ಲೂಕಿನ ಚಿಕ್ಕ ಬೇರಿಗೆ ಗ್ರಾಮದಲ್ಲಿ ಕಾಣಿಸಿಕೊಂಡಿರುವ ಕಾರ್ಕೋಟಕ ಎಂಬ ವಿಚಿತ್ರ ರೋಗ ಎಂಟು ಜನರನ್ನು ಬಲಿ ತೆಗೆದುಕೊಂಡಿದೆ.

ಸುಮಾರು 450 ಮಂದಿಗೆ ಕಾರ್ಕೋಟಕ ರೋಗದಿಂದ ನರಳುತ್ತಿದ್ದು , ಅವರಲ್ಲಿ 29 ಮಂದಿಯ ಸ್ಥಿತಿ ಗಂಭೀರವಾಗಿದೆ. ಯಾವುದೇ ಮುನ್ಸೂಚನೆಯಿಲ್ಲದೆ ಕಾಣಿಸಿಕೊಳ್ಳುವ ಜ್ವರದಿಂದ ವ್ಯಕ್ತಿಯು ನಿತ್ರಾಣವಾಗಿ ಎರಡೇ ದಿನದಲ್ಲಿ ಅಸು ನೀಗುವುದು ಈ ರೋಗದ ಲಕ್ಷಣವಾಗಿದ್ದು , ಚಿಕಿತ್ಸೆ ನೀಡುವುದು ಕಷ್ಟವಾಗುತ್ತಿದೆ ಎಂದು ವೈದ್ಯರು ತಿಳಿಸಿದ್ದಾರೆ.

ಅತಿಯಾದ ಕ್ರಿಮಿನಾಶಕ ಮತ್ತು ರಸಗೊಬ್ಬರ ಬಳಕೆಯಿಂದ ರಾಸಾಯನಿಕ ವಸ್ತುಗಳು ಅಂತರ್ಜಲದಲ್ಲಿ ಸೇರುತ್ತವೆ. ಇದರಿಂದಾಗಿ ಕುಡಿಯುವ ನೀರಿನ ಮೂಲಕ ಹರಡುವ ಈ ರಾಸಾಯನಿಕಗಳು ರೋಗಕ್ಕೆ ಕಾರಣವಾಗುತ್ತವೆ ಎಂದು ವಿಶ್ವ ಸಂಸ್ಥೆಯ ಅಧ್ಯಯನ ಹೇಳುತ್ತದೆ. ರಾಯಚೂರಿನಲ್ಲಿ ಕಾಣಿಸಿಕೊಂಡಿರುವ ರೋಗದ ಹಿನ್ನೆಲೆಯೂ ಇದೇ ಆಗಿರಬಹುದು ಎಂದು ಶಂಕಿಸಲಾಗಿದೆ.

(ಇನ್ಫೋ ವಾರ್ತೆ)