ನಿತ್ಯ ಭವಿಷ್ಯ

*ಜಾನುಕೊಂಡ ಶಾಮಾ ಶಾಸ್ತ್ರೀ

ದಿನ ಎಷ್ಟು ದೀರ್ಘ ಅನ್ನಿಸುವುದು ಖಂಡಿತಾ. ಗೆಳೆಯರೊಡನೆ ಮನಸ್ತಾಪ ಬೇಡ. ಅವರು ಮಾತಿನಲ್ಲೇ ಹೊಡೆಯುತ್ತಾರೆ. ದೇಹದ ಪೆಟ್ಟು ಬೇಗ ಮಾಯುತ್ತದಾದರೂ, ಮನಸ್ಸಿನ ಮೇಲಾಗುವ ಪೆಟ್ಟು ಇಷ್ಟಿಷ್ಟೇ ಕೊಲ್ಲುತ್ತದೆ ಎನ್ನುವ ಇತರರ ಅನುಭವವನ್ನು ನಿಮ್ಮದಾಗಿಸಿಕೊಳ್ಳಿ.

ವೃಷಭ : ನೀವು ವೃಥಾ ಕೊರಗುತ್ತೀರಿ. ಹೊಳೆಯಲ್ಲಿ ಹರಿದ ನೀರಿನ ಬಗ್ಗೆ ಚಿಂತೆ ಬೇಡ. ಹೊಸ ಹುರುಪಿನಿಂದ ಕಾರ್ಯೋನ್ಮುಖರಾಗಿ, ದಿನವನ್ನು ಖುಷಿಯಾಗಿಸಿಕೊಳ್ಳಿ.

ಮಿಥುನ : ವ್ಯವಹಾರದ ಆರಂಭವಾದ್ದರಿಂದ ಲಾಭ ನಿಮ್ಮ ಕೈ ಹಿಡಿಯುತ್ತದೆ. ಯೋಚನೆ ಮಾಡದೇ ಯಾರಿಗೂ ಮಾತು ಕೊಡಬೇಡಿ.

ಕಟಕ : ನೋವಿಗೆ ಕಾಲವೇ ಮುಲಾಮು. ತಪ್ಪು ಕೆಲಸ ನಿಮ್ಮಿಂದ ಘಟಿಸಿಲ್ಲ ಎನ್ನುವುದೇ ನಿಮ್ಮ ನೈತಿಕ ಸ್ಥೈರ್ಯವನ್ನು ಹೆಚ್ಚಾಗಿಸುತ್ತದೆ.

ಸಿಂಹ : ನೀವು ಸರಾಗವಾಗಿ ಸುಳ್ಳು ಹೇಳಿದರೆ ಕೇಳಿಸಿಕೊಂಡವರು ನಂಬಬೇಕಲ್ಲ. ಅನುಭವ ನಿಮ್ಮನ್ನು ಇನ್ನೂ ಗಟ್ಟಿ ಮಾಡಿಲ್ಲ.

ಕನ್ಯಾ : ಅನಾರೋಗ್ಯ ಈಗೇನು ನಿಮಗೆ ತೊಂದರೆ ಕೊಡುತ್ತಿಲ್ಲ. ನೀವು ಗಂಭೀರರಾಗುವಷ್ಟು ದೊಡ್ಡ ಚಿಂತೆ ನಿಮ್ಮ ಮುಂದಿಲ್ಲ. ಸ್ನೇಹಿತರ ಸಲಹೆಯಿಂದ ಶುಭವಾಗುತ್ತದೆ. ಅನಿರೀಕ್ಷಿತವಾಗಿ ಬರುವ ನೆಂಟರು ಒಳ್ಳೆಯ ಸುದ್ದಿ ತರುತ್ತಾರೆ.

ತುಲಾ : ದೇವಸ್ಥಾನ, ಪುಣ್ಯ ಕಾರ್ಯಗಳಲ್ಲಿ ಮನಸ್ಸು ವ್ಯಸ್ತವಾಗಿರುವುದರಿಂದ ವ್ಯವಹಾರ, ಷೇರುಗಳತ್ತ ತಲೆ ಹಾಕಲು ಬಿಡುವು ಎಲ್ಲಿದೆ ಅಲ್ಲವೇ ? ಸದ್ಯಕ್ಕೆ ಕೋರ್ಟ್‌ ಮಟ್ಟಿಲು ತುಳಿಯಬೇಡಿ.

ವೃಶ್ಚಿಕ : ಸೋಮಾರಿಯಾಗುತ್ತಿದ್ದೀರಿ. ಮನೆಯಲ್ಲಿ ನಿಮಗೆ ಗದರಿಸುವವರು ಯಾರೂ ಇಲ್ಲ ಎಂಬ ವಿಷಯವನ್ನು ದುರುಪಯೋಗ ಪಡಿಸಿಕೊಳ್ಳಬೇಡಿ.

ಧನಸ್ಸು : ಆಫೀಸಿನಲ್ಲಿ ಮೇಲಧಿಕಾರಿಯಿಂದ ಕಿರುಕುಳ ಇದೆ ಎಂದು ನೀವು ನರಳಬೇಕಾಗಿಲ್ಲ. ಸದ್ಯದಲ್ಲಿಯೇ ಶುಭ ಸುದ್ದಿ ಬರಬಹುದು. ತಾಂತ್ರಿಕ ವಿಭಾಗದವರಿಗೆ ಗೆಲುವಿದೆ.

ಮಕರ : ಸ್ನೇಹಿತರಿಂದ ಮನೆಯವರಿಂದ ಬರೇ ಪ್ರಶಂಸೆಯನ್ನೇ ನಿರೀಕ್ಷಿಸಿದರೆ ಹೇಗೆ ಸ್ವಾಮಿ ? ಆರೋಗ್ಯ ಹಾನಿ. ಶೀತ, ಕೆಮ್ಮು ಬಾಧೆ. ನಿಮ್ಮ ಸೃಜನ ಶೀಲತೆ ಮತ್ತೊಮ್ಮೆ ನಿಮ್ಮ ಸಹಾಯಕ್ಕೆ ಬರಲಿದೆ.

ಕುಂಭ : ಸುಲಲಿತವಾಗಿ ನಡೆಯುತ್ತಿದ್ದ ಕೆಲಸ ಕಾರ್ಯಗಳಿಗೆ ಕ್ಷಣಿಕ ಬ್ರೇಕ್‌ ಸಿಗಬಹುದು. ಆದರೂ ದೈವ ಬಲ ನಿಮ್ಮ ಕಡೆಗಿದೆ.

ಮೀನ : ನಿಮ್ಮ ಬಳಿ ವ್ಯವಹರಿಸುವುದೇ ಕಷ್ಟ ಎಂದು ಸ್ನೇಹಿತರು ನಿರ್ಧರಿಸುತ್ತಾರೆ. ಅವರ ಕಾಳಜಿಗೆ ನೀವು ಪ್ರಾಮಾಣಿಕರಾಗಿರಬೇಕು.