ಜೂನ್ ಒಳಗೆ ನಿಮ್ಮ ಮದುವೆಯಾ ? ಈ ವಿಳಾಸ ಸಂಪರ್ಕಿಸಿ
ಬೆಂಗಳೂರು : ಮಾರ್ಚ್ 1 ರಿಂದ ಜೂನ್ 30 ರೊಳಗೆ ನಿಮ್ಮ ಮದುವೆ ನಡೆಯುವಂತಿದ್ದರೆ, ಈ ಉಡುಗೊರೆ ಪಡೆಯಲು ನೀವು ಅರ್ಹರು. ರಾಮಕ್ಕ ಪದ್ಮಕ್ಕ ಸೇವಾನಿಧಿ ನವ ದಂಪತಿಗಳಿಗೆ ಜೀವನ ಪೂರ್ತಿ ಜೊತೆಯಲ್ಲಿಟ್ಟುಕೊಳ್ಳಬಹುದಾದ ಉಡುಗೊರೆ ಕೊಡಲು ನಿರ್ಧರಿಸಿದೆ.
ನವ ದಂಪತಿಗಳಿಗೆಂದೇ ಪ್ರೀತಿಯಿಂದ ಆರಿಸಲಾದ ಪ್ರಸಿದ್ಧ ಲೇಖಕರ 30 ಪುಸ್ತಕಗಳನ್ನು , ಸೂಚಿತ ಅವಧಿಯಲ್ಲಿ ಮದುವೆಯಾದ ದಂಪತಿಗಳಿಗೆ ನೀಡಲಾಗುವುದು. ಪುಸ್ತಕಗಳೊಂದಿಗೆ ತಪ್ಪದೇ ಇರುತ್ತದೆ ಶುಭಾಶಯ . ನೀವು ಪುಸ್ತಕ ದ್ವೇಷಿಗಳಾದಲ್ಲಿ , ಹುಟ್ಟುವ ಮಕ್ಕಳೂ ಪುಸ್ತಕ ದ್ವೇಷಿಗಳೆಂದು ನಂಬಲಾಗುತ್ತದಾ?
ಸಂಗಾತಿಯಾಂದಿಗೆ ಕಿರಿಕಿರಿ ಉಂಟಾದ ಸಂದರ್ಭಗಳಲ್ಲಿ ಪುಸ್ತಕ ಸಂಗಾತಿಯಾಗಲಿ ಅನ್ನುವುದು ಸೇವಾನಿಧಿಯ ಉದ್ದೇಶವಿರಲಾರದು. ಬದಲಿಗೆ ಯುವ ಜನತೆಯಲ್ಲಿ ಪುಸ್ತಕ ಪ್ರೇಮ ಮೂಡಿಸುವುದು ಅವರ ಆಶಯ. ಇಂಥಹ ಪುಸ್ತಕ ಪ್ರೀತಿಯ ಅನೇಕ ಕೆಲಸಗಳನ್ನು ರಾಮಕ್ಕ ಪದ್ಮಕ್ಕ ಸೇವಾನಿಧಿ ಹಲವಾರು ವರ್ಷಗಳಿಂದ ಹಮ್ಮಿಕೊಳ್ಳುತ್ತಿದೆ. ಅಂದಹಾಗೆ, ದಂಪತಿಗಳಿಗೆ ಉಡುಗೊರೆಯಾಗಿ ಸಿಗುವ ಪುಸ್ತಕಗಳಲ್ಲಿ ಸುಖ ಸಂಸಾರಕ್ಕೆ 12 ಸೂತ್ರಗಳು ಪುಸ್ತಕ ಇರುತ್ತದೋ ಇಲ್ಲವೋ ಅನ್ನುವ ಬಗ್ಗೆ ಸೇವಾನಿಧಿಯ ಪ್ರಕಟಣೆ ಏನನ್ನೂ ಹೇಳಿಲ್ಲ .
ಸಂಪರ್ಕಿಸುವ ವಿಳಾಸ ರಾಮಕ್ಕ ಪದ್ಮಕ್ಕ ಸೇವಾನಿಧಿ, 447, 11 ನೆಯ ಮುಖ್ಯರಸ್ತೆ , ಪದ್ಮನಾಭ ನಗರ, ಬೆಂಗಳೂರು - 560 070.