ಬಡ ಯುವತಿಯರಿಗೆ ಉಚಿತ ಪ್ರೋಗ್ರಾಮರ್‌ ಕೋರ್ಸ್‌

ಬೆಂಗಳೂರು : ನಗರದ ಎಲೆಕ್ಟ್ರಾನಿಕ್‌ ಹಾಗೂ ದೂರ ಸಂಪರ್ಕ ಎಂಜಿನಿಯರ್‌ ಸಂಸ್ಥೆ ಪದವಿಪೂರ್ವ ಶಿಕ್ಷಣ ಪಡೆದ (ಪಿಯುಸಿ ಪಾಸಾದ) ಬೆಂಗಳೂರಿನ ಬಡ ಯುವತಿಯರಿಗಾಗಿಯೇ ಉಚಿತವಾಗಿ ಒಂದು ವರ್ಷದ ಅವಧಿಯ ಬೇಸಿಕ್‌ ಕಂಪ್ಯೂಟರ್‌ ಪ್ರೋಗ್ರಾಮರ್‌ ಕೋರ್ಸ್‌ ಆರಂಭಿಸಲಿದೆ.

ಈ ಉಚಿತ ಕೋರ್ಸ್‌ಗೆ ಆಯ್ಕೆಯಾದ ಯುವತಿಯರಿಗೆ ತಿಂಗಳಿಗೆ 250 ರುಪಾಯಿಗಳ ಸ್ಟೈಪೆಂಡ್‌ ಕೂಡ ನೀಡಲಾಗುವುದು. ಅರ್ಜಿ ಫಾರಂ ಮತ್ತು ಕೋರ್ಸ್‌ಗೆ ಸಂಬಂಧಿಸಿದ ಮಾಹಿತಿಯುಳ್ಳ ಕೈಪಿಡಿಗಾಗಿ 100 ರುಪಾಯಿ ತೆರಬೇಕು. ಹೆಚ್ಚಿನ ವಿವರಗಳನ್ನು ಇನ್‌ಸ್ಟಿಟ್ಯೂಷನ್‌ ಆಫ್‌ ಎಲೆಕ್ಟ್ರಾನಿಕ್‌ ಅಂಡ್‌ ಕಮ್ಯೂನಿಕೇಷನ್‌ ಎಂಜಿನಿಯರ್ಸ್‌ (ಐಇಟಿಇ) ಬೆಂಗಳೂರು ಕೇಂದ್ರ, ಬಳ್ಳಾರಿ ರಸ್ತೆ, ಗಂಗಾನಗರ, ಬೆಂಗಳೂರು 560 032. ಈ ವಿಳಾಸದಿಂದ ಪಡೆಯಬಹುದು ಎಂದು ಪತ್ರಿಕಾ ಪ್ರಕಟಣೆ ತಿಳಿಸಿದೆ.