ರಟ್ಟೀಹಳ್ಳಿ, ಹಿರೇಕೆರೂರು ಸುತ್ತಮುತ್ತ ಲಘು ಭೂಕಂಪ

ಹಾವೇರಿ : ಹಿರೇಕೆರೂರು ತಾಲೂಕಿನ ಕೆಲವು ಭಾಗಗಳಲ್ಲಿ, ಅದರಲ್ಲೂ ರಟ್ಟೀಹಳ್ಳಿ, ಮಾವಿನತೋಪು, ಚೆನ್ನಳ್ಳಿ ಪ್ರದೇಶಗಳಲ್ಲಿ ಸೋಮವಾರ ಮಧ್ಯಾಹ್ನ 3-35ರ ಸಮಯದಲ್ಲಿ ಲಘು ಭೂಕಂಪ ಸಂಭವಿಸಿದೆ.

ಸುಮಾರು 2 ಅಥವಾ 3 ಸೆಕೆಂಡುಗಳ ಕಾಲ ಭೂಮಿ ಕಂಪಿಸಿತು ಎಂದು ಗ್ರಾಮಸ್ಥರು ತಿಳಿಸಿದ್ದಾರೆ. ರಟ್ಟಿಹಳ್ಳಿ ಹಾಗೂ ಹಿರೇಕೆರೂರಿನ ಕೆಲವೆಡೆ ಮನೆಗಳಲ್ಲಿ ಪಾತ್ರೆಗಳು ಅಲುಗಾಡಿ, ಕೆಳಗೆ ಬಿದ್ದಿವೆ. ಭೂಮಿ ನಡುಗುತ್ತಿದ್ದಂತೆ ಭಯ ಭೀತರಾದ ಜನರ ಕಣ್ಣಮುಂದೆ ಗುಜರಾತ್‌ ಭೂಕಂಪದ ದೃಶ್ಯಗಳು ಒಮ್ಮೆಲೆ ಬಂದಂತಾಗಿ ಮನೆಗಳಿಂದ ಹೊರಗೆ ಓಡಿ ಬಂದರು.

ರಟ್ಟೀಹಳ್ಳಿಯ ಮನೆಯಾಂದರ ಹೆಂಚು ಬಿದ್ದಬಗ್ಗೆ ವರದಿಯಾಗಿದೆ. ಪ್ರಾಥಮಿಕ ವರದಿಗಳ ರೀತ್ಯ ಯಾವುದೇ ಹಾನಿ ಸಂಭವಿಸಿಲ್ಲ. ಕಣವಿಸಿದ್ಧಗೇರಿ, ಯಲಿವಾಳ, ತಾವರಗಿ, ವೀರಾಪುರದ ಜನತೆಗೂ ಭೂಕಂಪದ ಅನುಭವವಾಗಿದೆ. ಕೆಲವು ಜನರು ಭೂಕಂಪದ ಭೀತಿಯಿಂದ ಸೋಮವಾರ ರಾತ್ರಿ ಮನೆಯಾಳಗೂ ಹೋಗಲೂ ಹೆದರಿ, ಬಯಲಿನಲ್ಲಿ ಮಲಗಿದ್ದರು.