ಗುಲ್ಬರ್ಗಾ ಜಿಲ್ಲೆಯಲ್ಲಿ 19 ಪೋಲಿಯೋ ಪ್ರಕರಣ ಪತ್ತೆ

ಗುಲ್ಬರ್ಗಾ : ಪಲ್ಸ್‌ ಪೋಲಿಯೋ ಕಾರ್ಯಕ್ರಮಗಳ ಮೂಲಕ ಭಾರತದಲ್ಲಿ ಪೋಲಿಯೋದ ಸಂಪೂರ್ಣ ನಿವಾರಣೆ ಎಂದು ಸರ್ಕಾರದ ಅಂಕಿ ಅಂಶಗಳು ಒಂದೆಡೆ ಹೇಳುತ್ತಿದ್ದರೆ, ಇತ್ತ ಗುಲ್ಬರ್ಗಾ ಜಿಲ್ಲೆಯಲ್ಲಿ 19 ಪೋಲಿಯೋ ಪ್ರಕರಣಗಳು ವರದಿಯಾಗಿವೆ.

ಗುಲ್ಬರ್ಗಾ ನಗರದಲ್ಲಿಯೇ 7 ಪೋಲಿಯೋ ಪ್ರಕರಣಗಳು ದಾಖಲಾಗಿದ್ದರೆ, ಯಾದಗೀರ್‌ ಹಾಗೂ ಶಹಾಪುರ್‌ ಪಟ್ಟಣಗಳಲ್ಲಿ ತಲಾ 6 ಪ್ರಕರಣಗಳು ವರದಿಯಾಗಿವೆ ಎಂದು ಅಧಿಕೃತ ಮೂಲಗಳು ತಿಳಿಸಿವೆ.

ಹೊಸ ಪೋಲಿಯೋ ಪ್ರಕರಣಗಳ ವರದಿಯಿಂದಾಗಿ, ಮೂರು ದಿನಗಳ ಪಲ್ಸ್‌ ಪೋಲಿಯೋ ಆಂದೋಲನವನ್ನು ಮಂಗಳವಾರದಿಂದ ಜಿಲ್ಲಾಧಿಕಾರ ಪ್ರಾರಂಭಿಸಿದೆ. ಮನೆ ಮನೆಗೂ ತೆರಳುವ ಆರೋಗ್ಯ ಕಾರ್ಯಕರ್ತರು 5 ವರ್ಷಗಳೊಳಗಿನ ಮಕ್ಕಳಿಗೆ ಪೋಲಿಯೋ ಹನಿಗಳನ್ನು ಉಣಿಸುವರು ಎಂದು ಮೂಲಗಳು ಹೇಳಿವೆ.

(ಯುಎನ್‌ಐ)