• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಏಷ್ಯಾ ದಿಗ್ಗಜ ಪಟ್ಟಕ್ಕೆ ಚೀನಾ- ಭಾರತ ನಡುವೆ ಟಂಗಾಟುಂಗಿ ಸ್ಪರ್ಧೆ

By Staff
|

ಬೆಂಗಳೂರು : ಏಷ್ಯಾ ಖಂಡದ ದಿಗ್ಗಜ ಗದ್ದುಗೆಗೆ ಭಾರತ ಮತ್ತು ಚೀನಾ ನಡುವೆ ತುರುಸಿನ ಸ್ಪರ್ಧೆ ನಡೆಯುತ್ತಿದ್ದು, ಆಂಗ್ಲ ಭಾಷೆಯ ಸಮಸ್ಯೆಯ ನಡುವೆಯೂ ಸ್ಪರ್ಧೆಯಲ್ಲಿ ಚೀನಾ ದೇಶವೇ ಮುಂದಿರುವುದು ಆಶ್ಚರ್ಯವಾದರೂ ಹಕೀಕತ್ತು. ನಗರದಲ್ಲಿ ಮಂಗಳವಾರ ನಡೆದ ಏಷ್ಯಾ ಸೊಸೈಟಿಯ 12ನೇ ಕಾರ್ಪೊರೇಟ್‌ ಸಮ್ಮೇಳನದ ಸಮಾರೋಪ ಸಮಾರಂಭದಲ್ಲಿ ಕೇಳಿಬಂದ ವಿಷಯವಿದು.

ಸಿಂಗಪೂರ್‌, ಮಲೇಷಿಯಾ ಮತ್ತು ಜಪಾನ್‌ ದೇಶಗಳು ತಮ್ಮ ಸಾಮರ್ಥ್ಯ ದ ಜೊತೆಗೆ ತಪ್ಪು ನಡೆಗಳನ್ನೂ ತೋರಿವೆ. ಪ್ರಸ್ತುತ ಅಭಿವೃದ್ಧಿಯ ಹಾದಿಯಲ್ಲಿ ದಾಪುಗಾಲಿಡುತ್ತಿರುವ ಭಾರತ ಮತ್ತು ಚೀನಾ, ಈ ಎಲ್ಲಾ ದೇಶಗಳನ್ನು ಒಳಗೊಂಡಂತೆ ಏಷ್ಯಾ ಖಂಡವನ್ನು ಒಂದು ಜಾಲದಡಿ ತಂದು ಬಲಿಷ್ಠವನ್ನಾಗಿಸಬೇಕು. ವಾಣಿಜ್ಯೋದ್ಯಮ ಸೇರಿದಂತೆ ವಿವಿಧ ಕ್ಷೇತ್ರಗಳಲ್ಲಿ ಏಕಮೇವಾದ್ವಿತೀಯ ಎಂಬಂತೆ ಮೆರೆಯುತ್ತಿರುವ ಪಾಶ್ಚಿಮಾತ್ಯ ರಾಷ್ಟ್ರಗಳ ಸಮೂಹಕ್ಕೆ ಮಾಂಜಾ ಕೊಡುವಷ್ಟರ ಮಟ್ಟಿಗೆ ಏಷ್ಯಾ ಖಂಡ ಬೆಳೆಯಬೇಕು ಎಂಬುದು ಸಮ್ಮೇಳನದಲ್ಲಿ ಹೊರಬಿದ್ದ ಸರ್ವ ಸಮ್ಮತ ಠರಾವು.

ಐಪಿಆರ್‌ ವಿಷಯದಲ್ಲಿ ಭಾರತವಿನ್ನೂ ಹಸುಳೆ

ಭಾರತಕ್ಕೆ ಇಂಗ್ಲಿಷ್‌ ಭಾಷೆಯ ಮೇಲೆ ಚೀನಾಗಿಂತ ಸಾಕಷ್ಟು ಹಿಡಿತ ಇದೆ. ಆದರೂ ಭವಿತವ್ಯದ ಮಿಂಚಾದ ಜೈವಿಕ ತಂತ್ರಜ್ಞಾನದಲ್ಲಿ ಚೀನಾವೇ ನಮಗಿಂತ ಸಾಕಷ್ಟು ಮುಂದಿದೆ. ಚೀನಾ ದೇಶವು ಬೌದ್ಧಿಕ ಸಂಪತ್ತಿನ ಹಕ್ಕು (ಐಪಿಆರ್‌) ಕುರಿತಂತೆ ಈಗಾಗಲೇ ಚೌಕಟ್ಟನ್ನು ರೂಪಿಸುತ್ತಿದೆ. ಬೌದ್ಧಿಕ ಸಂಪತ್ತನ್ನೆಲ್ಲಾ ಕ್ರಮಬದ್ಧವಾಗಿ ಕಲೆ ಹಾಕಿರುವ ಚೀನಾ ಭಾರತಕ್ಕೆ ದೊಡ್ಡ ಸವಾಲೆಸೆದಿದೆ. ಭಾರತ ಐಪಿಆರ್‌ ವಿಷಯದಲ್ಲಿ ಇನ್ನೂ ಎಬಿಸಿಡಿ ಕೂಡ ಕಲಿತಿಲ್ಲ ಎಂದು ಭಾರತದ ಜೈವಿಕ ತಂತ್ರಜ್ಞಾನದ ಅದ್ಭುತ ಎಂದೇ ಗುರ್ತಿಸಿಕೊಂಡಿರುವ ಕಿರಣ್‌ ಮಜುಂದಾರ್‌ ಹೇಳಿದರು.

ಚೀನಾ ದೇಶ ಜೈವಿಕ ಆಹಾರೋತ್ಪಾದನೆಗೆ ಈಗಾಗಲೇ ಲಕ್ಷಾಂತರ ಎಕರೆ ಭೂಮಿಯನ್ನು ಸ್ವಾಮ್ಯಕ್ಕೆ ತೆಗೆದುಕೊಂಡಿದ್ದರೆ, ಭಾರತದಲ್ಲಿ ಜೈವಿಕ ಆಹಾರೋತ್ಪಾದನೆಗೆ ಪ್ರತಿರೋಧ ವ್ಯಕ್ತವಾಗುತ್ತಿದೆ. ಜಿನಾಮಿಕ್ಸ್‌, ಬಯೋ ಡೈವರ್ಸಿಟಿ, ಬಯೋ ಇನ್ಫರ್ಮ್ಯಾಟಿಕ್ಸ್‌, ಜೀನ್‌ ಥೆರಪಿ, ಡಿಎನ್‌ಎ ಮೊದಲಾದ ಕ್ಷೇತ್ರಗಳಲ್ಲಿ ಚೀನಾ ಈಗಾಗಲೇ ನಮಗಿಂತ ಸಾಕಷ್ಟು ಮುಂದಿದೆ. ಜೈವಿಕ ತಂತ್ರಜ್ಞಾನದ ಭವಿತವ್ಯದ ಬಗ್ಗೆ ಅನುಮಾನವೇ ಬೇಡ. ನಮ್ಮಲ್ಲಿನ ನ್ಯೂನತೆಯೇ ಸಂಶೋಧನೆಗೆ ನಾಂದಿಯಾಗುತ್ತದೆ. ಇಷ್ಟೆಲ್ಲಾ ವಿರೋಧಗಳ ನಡುವೆಯೂ ನನ್ನ ಬಯೋಕಾನ್‌ ಇಂಡಿಯಾ ಕಂಪನಿಯ ಉತ್ಪನ್ನವೊಂದಕ್ಕೆ 250ಕ್ಕೂ ಹೆಚ್ಚು ರೋಗಿಗಳು ಧನಾತ್ಮಕವಾಗಿ ಪ್ರತಿಕ್ರಿಯಿಸಿದ್ದಾರೆ. ಜನರಲ್ಲಿ ಜೈವಿಕ ತಂತ್ರಜ್ಞಾನದ ಬಗ್ಗೆ ಸೂಕ್ತ ತಿಳಿವಳಿಕೆ ಮೂಡಿಸಿ, ಸಂಶೋಧನೆಗಳಿಗಿರುವ ಎಡರುಗಳನ್ನು ನಿವಾರಿಸಿದಲ್ಲಿ ಮಾತ್ರ ನಮ್ಮ ದೇಶದ ಭವಿತವ್ಯ ಉತ್ತಮವಾಗಲಿದೆ ಎಂದು ಮಜುಂದಾರ್‌ ವಿವರಿಸಿದರು.

(ಯುಎನ್‌ಐ)

ಮುಖಪುಟ / ಇವತ್ತು... ಈ ಹೊತ್ತು...

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more