ಮೂರೇ ದಿನಕ್ಕೆ ಮುಗಿಯುವ ಸೂಚನೆ ನೀಡಿದ 2ನೇ ಟೆಸ್ಟ್‌

ಕೋಲ್ಕತಾ : ಆಸ್ಟ್ರೇಲಿಯಾ ತನ್ನ ಸತತ 17ನೇ ಟೆಸ್ಟ್‌ ಜಯದತ್ತ ದಿಟ್ಟ ಹೆಜ್ಜೆ ಇಟ್ಟಿದೆ. ಎರಡನೇ ದಿನದ ಆಟ ಮುಗಿದಾಗ ಭಾರತ ತನ್ನ ಮೊದಲನೇ ಇನ್ನಿಂಗ್ಸ್‌ನಲ್ಲಿ 8 ವಿಕೆಟ್‌ ಕಳೆದುಕೊಂಡು 128ರನ್‌ ಗಳಿಸಿತ್ತು. ವಿ.ವಿ.ಎಸ್‌ ಲಕ್ಷ್ಮಣ್‌ ಹಾಗೂ ವೆಂಕಟಪತಿ ರಾಜು ಆಡುತ್ತಿದ್ದು, ಆಸ್ಟ್ರೇಲಿಯಾ ಪಂದ್ಯದ ಮೇಲೆ ಸಂಪೂರ್ಣ ಹಿಡಿತ ಸಾ-ಸಿದೆ.

ಇದಕ್ಕೂ ಮುನ್ನ ನಾಯಕ ಸ್ಟೀವ್‌ ವಾ ಅವರ ಶತಕದ ನೆರವಿನಿಂದ ಮೊದಲನೆ ಇನ್ನಿಂಗ್ಸ್‌ನಲ್ಲಿ 445 ರನ್ನುಗಳ ಬೃಹತ್‌ ಮೊತ್ತ ಪೇರಿಸಿದ ಆಸ್ಟ್ರೇಲಿಯಾ, ಕೇವಲ 128 ರನ್ನುಗಳಿಗೆ ಭಾರತದ 8 ವಿಕೆಟ್‌ ಪಡೆಯುವಲ್ಲಿ ಯಶಸ್ವಿಯಾಗಿದೆ.

ಭಾರತದ ಖ್ಯಾತ ನಾಮರಾದ ನಾಯಕ ಗಂಗೂಲಿ, ಸಚಿನ್‌ ತೆಂಡ್ಕೂಲರ್‌, ರಾಹುಲ್‌ ಡ್ರಾವಿಡ್‌, ನಯನ್‌ ಮೊಂಗಿಯಾ, ಶಡಗೋಪನ್‌ ರಮೇಶ್‌, ಹರಭಜನ್‌ ಸಿಂಗ್‌ ಹಾಗೂ ಶಿವಸುಂದರ ದಾಸ್‌ ಅವರ ವಿಕೆಟ್‌ ಕಳೆದುಕೊಂಡಿರುವ ಭಾರತಕ್ಕೆ ಫಾಲೋಆನ್‌ ತಪ್ಪಿಸಿಕೊಳ್ಳಲು ಇನ್ನೂ 118 ರನ್ನುಗಳ ಅಗತ್ಯ ಇದೆ.