ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಅಮೆರಿಕ ಮುಸ್ಲಿಂರಿಂದ ಕಂಪನ ಸಂತ್ರಸ್ತರಿಗೆ 47 ಸಾವಿರ ಡಾಲರ್‌

By Staff
|
Google Oneindia Kannada News

*ಅಜೀಜ್‌ ಹನೀಫ್‌

ವಾಷಿಂಗ್ಟನ್‌ : ಅಮೆರಿಕೆಯಲ್ಲಿನ ಭಾರತೀಯ ಮುಸ್ಲಿಮರ ಸಂಘ (ಎಐಎಂಎ) ಹಾಗೂ ದಕ್ಷಿಣ ಏಷ್ಯಾ ವೃತ್ತಿಪರರ ಜಾಲ (ನೆಟ್‌ ಸ್ಯಾಪ್‌) ದ ಸದಸ್ಯರು ಕಳೆದೊಂದು ತಿಂಗಳಿಂದ ಸುತ್ತಾಡಿ, ಗುಜರಾತ್‌ ಸಂತ್ರಸ್ತರಿಗಾಗಿ ನಗರದ ಮುಸ್ಲಿಂ ಬಂಧುಗಳಿಂದ 47 ಸಾವಿರ ಡಾಲರ್‌ ದೇಣಿಗೆ ಸಂಗ್ರಹಿಸಿದ್ದಾರೆ.

ಜನವರಿ 26, ಗಣರಾಜ್ಯೋತ್ಸವ (ಶುಕ್ರವಾರ) ಗುಜರಾತ್‌ ನಡುಗಿದ ಸುದ್ದಿ ನಮ್ಮನ್ನೂ ನಡುಗಿಸಿತು. ಅಂದು ಜುಮ್ಮಾ ಪ್ರಾರ್ಥನೆಗೆ ಮಸೀದಿಯಲ್ಲಿ ಸೇರಿದ ಮುಸ್ಲಿಂ ಬಂಧುಗಳು ಗುಜರಾತ್‌ ಸಂತ್ರಸ್ತರಿಗೆ ನೆರವು ಸಂಗ್ರಹಿಸುವ ಪಣ ತೊಟ್ಟರು. ಪ್ರತಿ ವಾರದ ಜುಮ್ಮಾ ಪ್ರಾರ್ಥನೆಗೆ ಬರುವ ಮಂದಿ ದೇಣಿಗೆ ಡಬ್ಬ ತುಂಬಿಸಿದರು. ಕಳೆದ ಶುಕ್ರವಾರದಲ್ಲೇ 25 ಸಾವಿರ ಡಾಲರ್‌ ಮೊತ್ತ ಸಂಗ್ರಹವಾಗಿದೆ. ಸಿಲ್ವರ್‌ ಸ್ಪ್ರಿಂಗ್‌ ಹಾಗೂ ಮೇರಿಲ್ಯಾಂಡ್‌ ಮುಸ್ಲಿಂ ಬಂಧುಗಳಿಗೆ ಧನ್ಯವಾದಗಳು ಎನ್ನುತ್ತಾರೆ ಎಐಎಂಎ ನಿರ್ದೇಶಕ ಕಲೀಂ ಕವಾಜ.

ಎಐಎಂಎ ಸಂಗ್ರಹಿಸಿರುವ ಹಣವನ್ನ ಭುಜ್‌ ಹಾಗೂ ಕವಾಜಗಳಲ್ಲಿರುವ ಕಛ್‌ ಭೂಕಂಪ ರಾಹತ್‌ ಸಮಿತಿಗೆ ಈಗಾಗಲೇ ತಲುಪಿಸಲಾಗಿದೆ. ಅಮೆರಿಕೆಯಲ್ಲಿ ಸುಮಾರು 1 ಲಕ್ಷ ಮುಸ್ಲಿಂ ಬಾಂಧವರಿದ್ದು, ವಿವಿಧ ಸಂಘಟನೆಗೊಳೊಂದಿಗೆ ಗುಜರಾತ್‌ ಪರಿಹಾರಕ್ಕೆ ದೇಣಿಗೆ ಸಂಗ್ರಹಿಸಲು ಉತ್ಸುಕರಾಗಿದ್ದಾರೆ. ನೆರವಿನ ಮೊತ್ತಕ್ಕೆ ಮುಸ್ಲಿಂ ಸಮುದಾಯಗಳದ್ದೇ 1ಲಕ್ಷ ಡಾಲರ್‌ ಸಂದಾಯವಾಗುವ ನಿರೀಕ್ಷೆಯಿದೆ.

(ಐಎಎನ್‌ಎಸ್‌)

ಮುಖಪುಟ
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X