ಮಹಿಳಾ ಮೀಸಲಾತಿಗೆ ಅಡ್ಡಿ ಯಾಗಿರುವ ಪಕ್ಷಗಳಬಹಿಷ್ಕರಿಸಲು ಕೃಷ್ಣ ಕರೆ

ಬೆಂಗಳೂರು : ಸಂಸತ್ತಿನಲ್ಲಿ ಮಹಿಳಾ ಮೀಸಲಾತಿ ಮಸೂದೆಯ ಅಂಗೀಕಾರಕ್ಕೆ ಅಡ್ಡಿ ಪಡಿಸುತ್ತಿರುವ ಪಕ್ಷಗಳನ್ನು ಬಹಿಷ್ಕರಿಸುವಂತೆ ಮುಖ್ಯಮಂತ್ರಿ ಎಸ್‌.ಎಂ. ಕೃಷ್ಣ ದೇಶದ ಮಹಿಳೆಯರಿಗೆ ಕರೆ ನೀಡಿದ್ದಾರೆ. ಅಂತರರಾಷ್ಟ್ರೀಯ ಮಹಿಳಾದಿನದ ಅಂಗವಾಗಿ ಗುರುವಾರ ನಡೆದ ಸಮಾರಂಭವೊಂದರಲ್ಲಿ ಅವರು ಮಾತನಾಡುತ್ತಿದ್ದರು.

ಸಂಸತ್ತಿನಲ್ಲಿ ಶೇ. 33 ರ ಮೀಸಲಾತಿ ಜಾರಿಗೆ ಬರದ ಹೊರತು ರಾಜಕೀಯ ಅಧಿಕಾರ ಹಾಗೂ ಸಮಾನತೆ ಮಹಿಳೆಯರ ಪಾಲಿಗೆ ಕನಸಾಗಿಯೇ ಉಳಿಯುತ್ತದೆ ಎಂದು ಅಭಿಪ್ರಾಯ ಪಟ್ಟ ಅವರು, 21 ನೇ ಶತಮಾನದಲ್ಲೂ ಮಹಿಳೆಯರ ಮೇಲಿನ ಶೋಷಣೆ ಮುಂದುವರಿಕೆ, ಲೈಂಗಿಕ ವಸ್ತುವನ್ನಾಗಿ ಮಹಿಳೆಯ ಪ್ರತಿಬಿಂಬಿಸುವಿಕೆ, ಹೆಚ್ಚುತ್ತಿರುವ ವರದಕ್ಷಿಣೆ ಸಾವುಗಳು, ಭ್ರೂಣಹತ್ಯೆ ಬಗೆಗೆ ವಿಷಾದಿಸಿದರು.

ಮಹಿಳೆಯರಿಗೆ ಸಂಬಂಧಿಸಿದ ಕಾರ್ಯಪಡೆ ಸಲ್ಲಿಸಿರುವ ಮಧ್ಯಂತರ ವರದಿ ಸೂಚಿಸಿರುವ 54 ಅನುಮೋದನೆಗಳನ್ನು ಕಾರ್ಯರೂಪಕ್ಕೆ ತರಲು ಸರ್ಕಾರ ಅಗತ್ಯ ಕ್ರಮಗಳನ್ನು ಕೈಗೊಳ್ಳುತ್ತಿದೆ. ಅದರಲ್ಲಿ ರಾಜ್ಯದ ಎಲ್ಲಾ 175 ತಾಲ್ಲೂಕುಗಳಲ್ಲಿ ಮಹಿಳಾ ಪೊಲೀಸ್‌ ಠಾಣೆಯನ್ನು ಸ್ಥಾಪಿಸುವ ಅನುಮೋದನೆಯೂ ಸೇರಿದೆ ಎಂದು ಕೃಷ್ಣ ಹೇಳಿದರು.

(ಯುಎನ್‌ಐ)

ವಾರ್ತಾಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...