ಬೆಂಗಳೂರಿನ ವೆಂಕಟೇಶ್ವ ರ ಚಿತ್ರಮಂದಿರಕ್ಕೆ ಬೆಂಕಿ, 8 ಲಕ್ಷ ನಷ್ಟ

ಬೆಂಗಳೂರು : ನಗರದ ಕೃಷ್ಣರಾಜಪುರಂ ಬಡಾವಣೆಯ ವೆಂಕಟೇಶ್ವರ ಚಿತ್ರಮಂದಿರದಲ್ಲಿ ಬುಧವಾರ ಬೆಳಿಗ್ಗೆ ಸಂಭವಿಸಿದ ಬೆಂಕಿ ಆಕಸ್ಮಿಕದಲ್ಲಿ 8 ಲಕ್ಷ ರುಪಾಯಿ ಮೌಲ್ಯದ ನಷ್ಟ ಸಂಭವಿಸಿದೆ.

ತಕ್ಷಣವೇ ಸ್ಥಳಕ್ಕೆ ಧಾವಿಸಿದ ಅಗ್ನಿ ಶಾಮಕ ದಳದ ಸಿಬ್ಬಂದಿ ಹೊತ್ತಿ ಉರಿಯುತ್ತಿದ್ದ ಬೆಂಕಿಯನ್ನು ನಿಯಂತ್ರಣಕ್ಕೆ ತರುವಲ್ಲಿ ಯಶಸ್ಸು ಸಾಧಿಸಿತಾದರೂ, ಆ ಹೊತ್ತಿಗೆ ಬಹುತೇಕ ಪೀಠೋಪಕರಣಗಳು, ಪರದೆ ಸುಟ್ಟು ಹೋಗಿದ್ದವು. ಬೆಂಕಿ ಆಕಸ್ಮಿಕಕ್ಕೆ ಕಾರಣ ತಿಳಿದು ಬಂದಿಲ್ಲ . ಬೆಳಿಗ್ಗಿನ ಹೊತ್ತು , ಸಿನಿಮಾ ಪ್ರದರ್ಶನ ನಡೆಯುತ್ತಿರಲಿಲ್ಲವಾದ್ದರಿಂದ ಯಾವುದೇ ಜೀವಹಾನಿ ಸಂಭವಿಸಿಲ್ಲ .

ಪ್ರಸಕ್ತ ಬೇಸಗೆಯಲ್ಲಿ ಬೆಂಗಳೂರಿನಲ್ಲಿ ಸಂಭವಿಸಿದ ಭಾರೀ ಪ್ರಮಾಣದ ಅಗ್ನಿ ಆಕಸ್ಮಿಕ ಇದಾಗಿದೆ. ಇದಕ್ಕೂ ಮುನ್ನ ಕೊಳೆಗೇರಿಯಾಂದರ ಕೆಲವು ಗುಡಿಸಲುಗಳಿಗೆ ಬೆಂಕಿ ತಗುಲಿತ್ತು .

(ಇನ್ಫೋ ವಾರ್ತೆ)