ಉಡುಪಿಯ ಕಲ್ಸಂಕದಲ್ಲಿ ಮಾರ್ಚ್‌ 8 ರಂದುಜ್ಯೋತಿಷಿರ ಸಮ್ಮೇಳನ

ಉಡುಪಿ : ಇಲ್ಲಿನ ಕಲ್ಸಂಕದ ಶಂಕರ ನಾರಾಯಣ ದೇವಸ್ಥಾನ ಜ್ಯೋತಿಷಿಗಳ ಬರವಿನ ಕುತೂಹಲದಲ್ಲಿದೆ. ಮಾರ್ಚ್‌ 8 ರಂದು ರಾಜ್ಯದ ವಿವಿಧ ಭಾಗಗಳಿಂದ ಆಗಮಿಸುವ ಜ್ಯೋತಿಷಿಗಳು ಜ್ಯೋತಿಷ್ಯದ ಬಗೆಗೆ ತಂತಮ್ಮ ತಿಳಿವನ್ನು ಒರೆ ಹಚ್ಚಿ ಚರ್ಚಿಸುವರು. ಉಡುಪಿಯಲ್ಲಿ ಇಂಥಾ ಸಮ್ಮೇಳನ ನಡೆಯುತ್ತಿರುವುದು ಇದೇ ಮೊದಲು.

ಪೇಜಾವರ ಮಠದ ಕಿರಿಯ ಸ್ವಾಮೀಜಿ ವಿಶ್ವ ಪ್ರಸನ್ನ ತೀರ್ಥರು ಸಮ್ಮೇಳನವನ್ನು ವಿಧ್ಯುಕ್ತವಾಗಿ ಉದ್ಘಾಟಿಸುವರು. ಬೆಂಗಳೂರಿನ ಶಂಕರ ಹೆಗ್ಡೆ ಸಮ್ಮೇಳನದ ಅಧ್ಯಕ್ಷರು. ಶಿರೂರು ಮಠದ ಲಕ್ಷ್ಮೀವರ ತೀರ್ಥ ಸ್ವಾಮೀಜಿ, ಉಡುಪಿಯ ವೆಲೇರಿಯನ್‌ ಸಲ್ಡಾನ, ನಗರಾಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷ ಟಿ. ಗೋಪಾಲಕೃಷ್ಣ ಶೆಟ್ಟಿ ಸಮ್ಮೇಳನದಲ್ಲಿ ಭಾಗವಹಿಸುವರು.

ದಾವಣಗೆರೆಯ ಕೃಷ್ಣಮಾಚಾರ್‌ ಹಾಗೂ ಅನಂತ ತೀರ್ಥಾಚಾರ್ಯ, ಚಳ್ಳಕೆರೆಯ ಸುಂದರ ರಾಜ್‌, ನರೋತ್ತಮ ಶರ್ಮ, ಡಾ. ವೆಂಕಟರಮಣ ಸಿರಗುಪ್ಪ , ಗುರುರಾಜ ಉಜ್ಜಯಿನಿ ಉಪನ್ಯಾಸ ನೀಡುವರು.

(ಇನ್ಫೋ ವಾರ್ತೆ)