ನಿತ್ಯ ಭವಿಷ್ಯ

*ಜಾನುಕೊಂಡ ಶಾಮಾ ಶಾಸ್ತ್ರೀ

ಹೊಸ ಸಾಧ್ಯತೆಗಳ ಶೋಧದಲ್ಲಿದ್ದೀರಿ. ನಿಮ್ಮನ್ನು ನೀವು ತೆರೆದುಕೊಳ್ಳುತ್ತಿರುವುದರಿಂದ ಉತ್ತಮವಾದ ದಂಡೆ ದಕ್ಕುವ ಸಾಧ್ಯತೆಯೂ ಇದೆ. ಆದರೆ, ಈ ದಿನ ನೀವು ಆಕರ್ಷಣೆಯ ಕೇಂದ್ರವಲ್ಲ.

ವೃಷಭ :ಔಷಧಿ ಮತ್ತು ಆಲ್ಕೋಹಾಲ್‌ ಸೇವನೆ ಅತಿಯಾಗದಂತೆ ಎಚ್ಚರ ವಹಿಸಿ. ವಿಪರೀತ ಒತ್ತಡದ ದಿನ. ನಿಮ್ಮ ಕಡೆಯಿಂದ ಭಾವನಾತ್ಮಕ ಅಪಘಾತ ಸಂಭವಿಸುವ ಸಾಧ್ಯತೆಯೂ ಇದೆ.

ಮಿಥುನ : ತರ್ಕ ನಿಮ್ಮ ಬದುಕಿಗೆ ಅಷ್ಟೊಂದು ಹೊಂದಿಕೆಯಾಗುತ್ತಿಲ್ಲ . ವಸ್ತು ನಿಷ್ಠ ಯೋಚನೆ ಹಾಗೂ ಕ್ರಿಯಾ ಚಾಲನೆಯಿಂದ ಗುರಿ ತಲುಪುತ್ತೀರಿ.

ಕಟಕ : ಸೌಹಾರ್ದತಾ ನಡವಳಿಕೆ ನಿಮ್ಮ ವಂಶವಾಹಿಗಳಲ್ಲೇ ಅಡಕವಾಗಿದೆ. ದೈಹಿಕ ಆರೋಗ್ಯದಂತೆಯೇ ಮನೋ ಆರೋಗ್ಯವೂ ಸುಂದರವಾಗಿದೆ. ಅವರು ನಿಮ್ಮನ್ನಿಷ್ಟ ಪಡುವುದರಲ್ಲಿ ಅನುಮಾನವೇ ಇಲ್ಲ.

ಸಿಂಹ : ಮನೆಯಲ್ಲಿನ ಸಣ್ಣ ಪುಟ್ಟ ಘಟನೆಗಳು ನಿಮ್ಮ ಬದುಕಿಗೇ ತಿರುವು ನೀಡುವ ಸಾಧ್ಯತೆಗಳಿವೆ. ಯಶಸ್ಸನ್ನು ಸಾಧಿಸಲು ನಿಮ್ಮ ಮುಂದಿರುವ ಎಲ್ಲಾ ಸಾಧ್ಯತೆಗಳನ್ನು ಬಳಸಿಕೊಳ್ಳಿ.

ಕನ್ಯಾ : ಈ ದಿನ ರಾಜಿಯಾಗಲೇ ಬೇಕಾದ ಅನಿವಾರ್ಯತೆ. ಶಕ್ತಿಯೂ ಕುಂದುತ್ತಿದೆ ಎಂದು ನಿಮಗನ್ನಿಸಬಹುದು. ಈ ಹೊತ್ತಿನಲ್ಲಿ ಮೌನವಾಗಿದಷ್ಟೂ ಕ್ಷೇಮವಾಗಿರುತ್ತೀರಿ.

ತುಲಾ : ನಂಬಿಕೆಗಳನ್ನು ಮತ್ತೆ ಪ್ರಶ್ನಿಸಿಕೊಳ್ಳುವ ಸ್ಥಿತ್ಯಂತರದ ನಡುವಿದ್ದೀರಿ. ಇತ್ತೀಚೆಗೆ ನಿಮ್ಮ ಬದುಕಿನಲ್ಲಿ ಪ್ರವೇಶಿಸಿದ ವ್ಯಕ್ತಿಗಳೂ ಇದಕ್ಕೆ ಕಾರಣರಿದ್ದಾರು. ದೈಹಿಕ ಶ್ರಮದ ಕೆಲಸಗಳನ್ನು ಅವಾಯ್ಡ್‌ ಮಾಡಿ.

ವೃಶ್ಚಿಕ : ನೀವು ಪ್ರಸ್ತುತ ತೊಡಗಿಕೊಂಡಿರುವುದರಲ್ಲಿ ಅಗತ್ಯಕ್ಕಿಂತಲೂ ಹೆಚ್ಚು ಭಾವನಾತ್ಮಕವಾಗಿದ್ದೀರಿ. ಇದರಿಂದ ದೈಹಿಕ ಶ್ರಮವೇ ಹೊರತು ಲಾಭವೇನಿಲ್ಲ.

ಧನಸ್ಸು : ಹೊಸ ಗೆಳೆಯರು ಮತ್ತು ಪ್ರಣಯದ ಸಾಧ್ಯತೆಯಿದೆ. ನಿಮ್ಮ ಜನಪ್ರಿಯತೆಯ ಹೊಳಪೂ ಹೆಚ್ಚಲಿದೆ. ಹದಗೆಟ್ಟಿರುವ ಸಂಬಂಧಗಳನ್ನು ಸುಧಾರಿಸಿಕೊಳ್ಳಲಿದು ಸಕಾಲ.

ಮಕರ : ನಡೆ ನುಡಿ ಒಂದಾಗಿರುವುದು ನಿಮ್ಮ ವ್ಯಕ್ತಿತ್ವಕ್ಕೆ ಶೋಭೆ ತರುತ್ತದೆ. ಅನುಕೂಲಕ್ಕೆ ತಕ್ಕಂತೆ ನಿಯಮಗಳನ್ನು ಬದಲಿಸಿಕೊಳ್ಳುವ ನಡವಳಿಕೆ ವೃತ್ತಿಪರ ಲಕ್ಷಣವೇನಲ್ಲ.

ಕುಂಭ : ಆರೋಗ್ಯಕರ ಅಹಂ ನಿಮಗೆ ಅತೀವ ಆತ್ಮ ವಿಶ್ವಾಸ ತುಂಬುವುದು ಮಾತ್ರವಲ್ಲದೆ ವೃತ್ತಿಯಲ್ಲಿ ಯಶಸ್ಸು ಕಾಣಲು ಏಣಿಯಾಗುತ್ತದೆ.

ಮೀನ : ನಿಮ್ಮ ಅಂತರ್ವಾಣಿ ಈ ದಿನ ಹೆಚ್ಚು ಜಾಗೃತವಾಗಿದೆ ಹಾಗೂ ಜೀವನ್ಮುಖಿಯಾಗಿದೆ. ಕರ್ತವ್ಯವನ್ನು ಯಶಸ್ವಿಯಾಗಿ ನಿಭಾಯಿಸುತ್ತೀರಿ.