ಚೆಲುವೆಯರ ನಾಡು ವೆನಿಜುವೆಲಾ ಅಧ್ಯಕ್ಷರು ಬೆಂಗಳೂರಿಗೆ ಬರುತ್ತಿದ್ದಾರೆ

ಬೆಂಗಳೂರು : ವೆನಿಜುವೆಲಾದ ಅಧ್ಯಕ್ಷ ಹ್ಯೂಗೋ ಚಾವೇಝ್‌ ಮೂರು ದಿನಗಳ ತಮ್ಮ ಭಾರತ ಭೇಟಿ ಸಂದರ್ಭದಲ್ಲಿ ಬೆಂಗಳೂರಿಗೂ ಭೇಟಿ ನೀಡಲಿದ್ದಾರೆ. ಅಲ್ಲಿಗೆ ಮತ್ತೊಬ್ಬ ವಿದೇಶಿ ಗಣ್ಯರ ಆಗಮನಕ್ಕೆ ಬೆಂಗಳೂರು ಸಿಂಗರಗೊಳ್ಳುವ ಗಳಿಗೆ ಹತ್ತಿರವಾದಂತಾಯಿತು.

ಮಾರ್ಚ್‌ 16ರಂದು ಭಾರತಕ್ಕೆ ಆಗಮಿಸಲಿರುವ ಹ್ಯೂಗೋ ಅವರೊಂದಿಗೆ ಉನ್ನತ ಮಟ್ಟದ ಸಮಿತಿ ಕೂಡ ಬರಲಿದ್ದು, ಉದ್ಯಮಕ್ಕೆ ಸಂಬಂಧಿಸಿದಂತೆ ಮುಖ್ಯಮಂತ್ರಿ ಎಸ್‌.ಎಂ. ಕೃಷ್ಣ ಅವರೊಂದಿಗೆ ಮಾತುಕತೆ ನಡೆಸಲಿದ್ದಾರೆ ಎಂದು ವೆನಿಜುವೆಲಾ ರಾಯಭಾರಿ ವಾಲ್ಟರ್‌ ಮಾರ್ಕ್ವಿಝ್‌ ಹೇಳಿದ್ದಾರೆ.

ವೆನಿಜುವೆಲಾ ಅಧ್ಯಕ್ಷರೊಂದಿಗೆ ಬರಲಿರುವ ನಿಯೋಗವು ಭಾರತದಲ್ಲಿನ ಐಟಿ ಉದ್ಯಮ ಅವಕಾಶಗಳ ಬಗ್ಗೆ ಅಧ್ಯಯನ ನಡೆಸಲಿದೆ. ವಾಲ್ಟರ್‌ ಅವರೊಂದಿಗೆ ಪ್ರಸ್ತುತ ಅಲ್ಲಿನ ಅಧಿಕಾರಿಗಳ ಗುಂಪು ಬೆಂಗಳೂರಿನಲ್ಲಿ ಇನ್ಫೋಸಿಸ್‌, ಇಂಡಿಯನ್‌ ಇನ್‌ಸ್ಟಿಟ್ಯೂಟ್‌ ಆಫ್‌ ಸೈನ್ಸ್‌, ಕೃಷಿ ವಿಶ್ವ ವಿದ್ಯಾಲಯ ಮತ್ತು ಇಸ್ರೋಗೆ ಭೇಟಿ ನೀಡಲಿದೆ.

ಪ್ರಸ್ತುತ ಐಟಿ ಕ್ಷೇತ್ರದಲ್ಲಿ ಬಂಡವಾಳ ಹೂಡುವ ತನ್ನ ಇಚ್ಛೆಯ ಜೊತೆಗೆ ಇಂಧನ ಪೂರೈಕೆಯ ಮೂಲಕ ಭಾರತದ ವಿದ್ಯುತ್‌ ಕೊರತೆಯನ್ನು ನೀಗಿಸಲು ವೆನಿಜುವೆಲಾ ಮುಂದೆ ಬಂದಿದೆ.

(ಇನ್ಫೋ ವಾರ್ತೆ)

ವಾರ್ತಾಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...