ಜನ ಏನಂತಾರೆ?

• ಈ ಬಜೆಟ್‌ ಅಂದ್ರೆ ಅದೇನೋ ನಮಗೆ ಗೊತ್ತಿಲ್ಲ. ಪ್ರತಿ ಬಾರಿ ಫೆಬ್ರವರಿಯಲ್ಲಿ ಎಲ್ಲದರ ಬೆಲೆ ಏರಿಸ್ತಾರೆ. ಬೇರೆ ಪಕ್ಷದೋರು ಗಲಾಟೆ ಮಾಡಿದ ಮೇಲೆ 50 ರುಪಾಯಿ ಜಾಸ್ತಿ ಮಾಡಿದ್ರೆ ಅದರಲ್ಲಿ 20 ರುಪಾಯಿ ಇಳಿಸ್ತಾರೆ. ಹೆಚ್ಚಿಗೆ ದುಡ್ಡು ಕಕ್ಕುವುದು ತಪ್ಪಲ್ಲ.

ವಿ. ಸುಂದರರಾಮಯ್ಯ

ಕೆ.ಆರ್‌. ಮಾರ್ಕೆಟ್‌ನ ಸಗಟು ವ್ಯಾಪಾರಿ.

• ಇದೊಂದು ಉತ್ತಮ ಬಜೆಟ್‌, ಭೂಕಂಪದಿಂದ ದೇಶ ಸಾವಿರಾರು ಕೋಟಿ ರುಪಾಯಿ ನಷ್ಟ ಅನುಭವಿಸಿದ್ರೂ ಹೆಚ್ಚಿನ ಹೊರೆ ಬಿದ್ದಿಲ್ಲ. ಇನ್‌ಕಂಟ್ಯಾಕ್ಸ್‌ನಲ್ಲೂ ಹೆಚ್ಚಿಗೆ ಏರಿಕೆ ಆಗಿಲ್ಲ. ಇದೊಂದು ಗುಡ್‌ ಬಜೆಟ್‌ ಅಂತ ನನಗನ್ನಿಸುತ್ತೆ.

ಬಿ. ಬಿ. ಭಾಸ್ಕರ್‌

ಸಾಫ್ಟ್‌ವೇರ್‌ ಎಂಜಿನಿಯರ್‌, ಬೆಂಗಳೂರು.

• ಇದೆಲ್ಲಾ ಚುನಾವಣೆ ಗಿಮಿಕ್ಸು ಬಿಡಿ ಸಾರ್‌, ತಮಿಳುನಾಡು, ಪಶ್ಚಿಮ ಬಂಗಾಳ ಚುನಾವಣೆ ಮುಗಿದ ಮೇಲೆ ಮತ್ತೆ ಬೆಲೆ ಏರಿಸ್ತಾರೆ. ನಮಗೆ ಗೊತ್ತಿಲ್ವಾ. ಎಲ್ಲ ನಾಟಕ. ಅದೇನೋ ಈ ಬಾರಿ ಪೆಟ್ರೋಲಿಯಂ ಕ್ಷೇತ್ರದಲ್ಲಿ ವ್ಯವಸ್ಥಿತ ದರ ಪದ್ಧತಿ ಜಾರಿ ಮಾಡ್ತೀನಿ ಅಂತ ಹೇಳಿದ್ದಾರಂತೆ, ಅಂದ್ರೆ ಪೆಟ್ರೋಲು, ಡೀಸಲ್‌ ಬೆಲೆ ಯಾವ ಕ್ಷಣದಲ್ಲಾದರೂ ಏರಬಹುದು.

ಕಡೂರು ರಾಮಕೃಷ್ಣ ಮೂರ್ತಿ

ನಗರ ಪಾಲಿಕೆ ಶಾಲೆಯ ಉಪಾಧ್ಯಾಯ

• ಗ್ರಾಮೀಣ ಅಭಿವೃದ್ಧಿಗಾಗಿ ಡೀಸೆಲ್‌ ಸೆಸ್‌ ವಿನಿಯೋಗಿಸ್ತಾರಂತೆ. ಅಂದ್ರೆ, ಡೀಸೆಲ್‌ ಬೆಲೆ ಏರಿಸಿದಾರಾ ? ಸರಿ ಬಿಡಿ, ಡೀಸೆಲ್‌ ಬೆಲೆ ಜಾಸ್ತಿ ಆದ್ರೆ, ತಂತಾನೆ ಎಲ್ಲದರ ಬೆಲೆಯೂ ಏರತ್ತೆ ? ಅಲ್ವಾ ಸಾರ್‌.

ಪ್ರದೀಪ್‌ ಕುಮಾರ್‌

ವೈದ್ಯಕೀಯ ವಿದ್ಯಾರ್ಥಿ, ಮಂಗಳೂರು.

• ಸೊಸೈಟಿ ಸಕ್ಕರೆ ಬೆಲೆ ಏರಿಸಿಬಿಟ್ಟಿದ್ದಾರೆ. ಮಾರ್ಕೆಟಲ್ಲೂ ಸಕ್ಕರೆ ಬೆಲೆ ಏರತ್ತೆ. ಈ ಬಾರಿ ಯುಗಾದಿಗೆ ಸಕ್ಕರೆ ಹೋಳಿಗೆ ಮಾಡಿದ ಹಾಗೇ ಬಿಡಿ.

ಕನಕಲಕ್ಷ್ಮಮ್ಮ

ಬೆಂಗಳೂರು ವಿ.ವಿ. ಉದ್ಯೋಗಿ.

• ಅಲ್ಲ ಈಗ್ಲೇ ಸ್ವಯಂ ನಿವೃತ್ತಿ ಅಂತ ಹೊಡ್ಕೋತಿದ್ದಾರೆ. ಈಗ ಪ್ರಾವಿಡೆಂಟ್‌ ಫಂಡ್‌ಗೂ ಟ್ಯಾಕ್ಸ್‌ ಹಾಕ್ತಾರಂತೆ. ಮಿಗಿಲಾಗಿ ಬಡ್ಡಿ ದರನೂ ಇಳಿಸಿಬಿಟ್ಟಿದ್ದಾರೆ. ಇದು ಕೆಟ್ಟ ಬಜೆಟ್‌ ಬಿಡಿ.

ಸುಶೀಲಾ ನಾಗರಾಜ್‌,

ಬ್ಯಾಂಕ್‌ ಉದ್ಯೋಗಿ, ಮಣಿಪಾಲ

• ನೀರಾವರಿಗೆ ಸ್ವಲ್ಪವೂ ಬೆಲೆ ಕೊಟ್ಟಿಲ್ಲ. ಹೆಸರಿಗೆ ಕೃಷಿ ನೀತಿ ಅಂದಿದ್ದಾರೆ. ಇದೆಲ್ಲಾ ಜನರ ಕಣ್ಣಿಗೆ ಮಣ್ಣೆರೆಚೋ ಪ್ರಯತ್ನ ಅಷ್ಟೇ. ಇದು ಖಂಡಿತಾ ಜನರ ಬಜೆಟ್‌ ಅಲ್ವೇ ಅಲ್ಲ.

ಪ್ರವೀಣ್‌ ಪ್ರಸಾದ್‌ ಸ್ಟ್ಯಾನ್ಲಿ

ಬಿ.ಕಾಂ. ಪದವೀಧರ, ಭಿನ್ನಮಂಗಲ

• ಖಾಸಗೀಕರಣದಿಂದ ಬ್ಯಾಂಕ್‌ಗಳಿಗೆ ಹೆಚ್ಚಿನ ಜವಾಬ್ದಾರಿ ದೊರಕತ್ತೆ. ಪ್ರತಿಭಾವಂತರಿಗೆ ಕೆಲಸ ಸಿಗತ್ತೆ. ಇದೊಂದು ಜನಪರ ಬಜೆಟ್‌

ಸುಧೀಂದ್ರ

ಬ್ಯಾಂಕ್‌ ಅಧಿಕಾರಿ, ತೊಣಚಿಕೊಪ್ಪಲು

ಮುಖಪುಟ / ಬಜೆಟ್‌ 2001 -ಚಞಟ 2002