ಮೈಸೂರು ಝೂನಲ್ಲಿ ಹಿಮಾಲಯನ್‌ ಕಪ್ಪು ಕರಡಿ ಸಾವು

ಮೈಸೂರು : ಇಪ್ಪತ್ತೆೈದು ವರ್ಷದ ಹಿಮಾಲಯನ್‌ ಕಪ್ಪು ಹೆಣ್ಣು ಕರಡಿಯಾಂದು ಇಲ್ಲಿನ ಚಾಮರಾಜೇಂದ್ರ ಪ್ರಾಣಿಧಾಮದಲ್ಲಿ ಶನಿವಾರ ಮೃತಪಟ್ಟಿದೆ.

ಮೈಸೂರು ಝೂನ ನಿರ್ದೇಶಕ ಮಂಗಳವಾರ ಮಾಧ್ಯಮಗಳಿಗೆ ಹೊರಡಿಸಿರುವ ಪ್ರಕಟಣೆಯಲ್ಲಿ ಈ ವಿಷಯ ತಿಳಿಸಿದ್ದಾರೆ. ಹೃದಯಾಘಾತದಿಂದ ಈ ಕರಡಿ ಮೃತಪಟ್ಟಿರಬಹುದೆಂದು ಶಂಕಿಸಲಾಗಿದೆ. ಮೃತ ಕರಡಿಯ ರಕ್ತ ಹಾಗೂ ಕೆಲವು ಅವಯವಗಳನ್ನು ಪರೀಕ್ಷೆಗೆಂದು ಪ್ರಾಣಿ ಆರೋಗ್ಯ ಮತ್ತು ಪಶು ಪ್ರಯೋಗಾಲಯ ಒಯ್ದಿದ್ದು, ಅದರ ವರದಿ ಇನ್ನೂ ಹೊರಬಿದ್ದಿಲ್ಲ.

ಒಟ್ಟು 7 ಹಿಮಾಲಯನ್‌ ಕಪ್ಪು ಕರಡಿಗಳು ಈಗಲೂ ಪ್ರದರ್ಶನಕ್ಕಿದ್ದು, ಝೂನ ಪ್ರಮುಖ ಆಕರ್ಷಣೆಯಾಗಿವೆ. ಒಂದು ಕರಡಿಯ ಸಾವಿನಿಂದ ಮುಂದೆ ಹುಷಾರಾಗಿರಲು ಕೈಗೊಳ್ಳಬೇಕಾದ ಕ್ರಮಗಳ ಬಗೆಗೆ ಅಧಿಕಾರಿಗಳು ಚಿಂತಿಸುತ್ತಿದ್ದಾರೆ.

(ಯುಎನ್‌ಐ)