ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ತತ್ತರಿಸಿದ ದೆಹಲಿ : 6.7 ರಷ್ಟಿದ್ದ ಭೂಕಂಪದ ತೀವ್ರತೆ
ನವದೆಹಲಿ : ಬೆಳಿಗ್ಗೆ 8 ಗಂಟೆ ಸುಮಾರಿಗೆ ಸಂಭವಿಸಿದ ಭೂಕಂಪದಿಂದಾಗಿ ರಾಜಧಾನಿಯ ಜನತೆ ತತ್ತರಿಸಿದ್ದಾರೆ. ಭೂಕಂಪದ ತೀವ್ರತೆ ರಿಕ್ಟರ್ ಮಾಪಕದಲ್ಲಿ 6.7 ರಷ್ಟಿತ್ತು , ತಕ್ಷಣಕ್ಕೆ ಯಾವುದೇ ಸಾವು ನೋವಿನ ವರದಿಗಳು ಲಭ್ಯವಾಗಿಲ್ಲ ಎಂದು ದೆಹಲಿಯ ಬಾತ್ಮೀದಾರರು ತಿಳಿಸಿದ್ದಾರೆ.
ದೆಹಲಿ ಮಾತ್ರವಲ್ಲದೆ ಗೋರ್ಗಾಂವ್, ನೋಯಿಡಾ, ಗಾಜಿಯಾಬಾದ್ ಹಾಗೂ ಜಮ್ಮು ಮತ್ತು ಕಾಶ್ಮೀರಗಳಲ್ಲೂ ಭೂಕಂಪ ಸಂಭವಿಸಿದೆ. ಭೂಕಂಪದ ಕೇಂದ್ರ ಆಪ್ಘಾನಿಸ್ತಾನದಲ್ಲಿತ್ತು ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
ಬೆಳಿಗ್ಗೆ 7.55 ರಿಂದ 7.59 ನಿಮಿಷದವರೆಗೆ ದೆಹಲಿಯಲ್ಲಿ ಸಂಭವಿಸಿದ ಭೂಕಂಪದಿಂದಾಗಿ ಗುಜರಾತ್ ಭೂಕಂಪದ ಕರಾಳ ನೆನಪುಗಳ ಹಿನ್ನೆಲೆಯಲ್ಲಿ ಜನತೆ ಭಯಗ್ರಸ್ತರಾಗಿದ್ದಾರೆ. ನಡುಕ ಅನುಭವಕ್ಕೆ ಬಂದ ತಕ್ಷಣ ಗಗನಚುಂಬಿ ಕಟ್ಟಡಗಳಿಂದ ಜನತೆ ರಸ್ತೆಗಳಿಗೆ ಓಡಿ ಬಂದರು ಎಂದು ವರದಿಗಳು ತಿಳಿಸಿವೆ.
(ಇನ್ಫೋ ವಾರ್ತೆ)
Comments
Story first published: Sunday, February 25, 2001, 5:30 [IST]