ನಿತ್ಯ ಭವಿಷ್ಯ

*ಜಾನುಕೊಂಡ ಶಾಮಾ ಶಾಸ್ತ್ರೀ

ನಿಮ್ಮ ಜೀವನದ ತಿರುವು ನಿಮ್ಮ ಎದುರು ಬಂದು ನಿಂತಿದೆ. ಇಂದು ನೀವು ಗೆದ್ದರೆ ಸದ್ಯಕ್ಕೆ ಮತ್ತೆಂದೂ ಇಂತಹ ಕಿರಿಕಿರಿಯ ಸಂದರ್ಭ ಎದುರಾಗುವುದಿಲ್ಲ. ಅತಿಯಾದ ಆತ್ಮ ವಿಶ್ವಾಸ ಮತ್ತು ಧೈರ್ಯವಿದ್ದರೆ ಸಾಕು.

ವೃಷಭ :ಭಾವನಾತ್ಮಕವಾಗಿ ನಿಮಗೆ ಅನುಕೂಲದ ದಿನವಿದು. ನಿಮಗೆ ಅಗತ್ಯವಿರುವ ಹಣಕಾಸಿನ ವ್ಯವಸ್ಥೆಯನ್ನು ಮಾಡಿಕೊಳ್ಳುವುದಕ್ಕೆ ಕಷ್ಟವಾಗಬಹುದು. ಪ್ರೀತಿ ಪ್ರೇಮ ವಿಚಾರದಲ್ಲಿ ತೀರಾ ಭಿನ್ನವಾದ ಮಾತುಕತೆಯತ್ತ ಒಲವು ತೋರಿಸುತ್ತೀರಿ.

ಮಿಥುನ : ಕೋರ್ಟ್‌ ವ್ಯವಹಾರಗಳ ಬಗ್ಗೆ ಹೆಚ್ಚು ತಲೆಕೆಡಿಸಿಕೊಳ್ಳಬೇಡಿ. ಮನೆಯವರೊಂದಿಗಿನ ಮಾತುಕತೆಯಿಂದ ಖುಷಿಯಾಗಿರುತ್ತೀರಿ. ಬಂಧುಗಳ ಆಗಮನ ಮತ್ತಷ್ಟು ಉಲ್ಲಾಸ ತರಬಹುದು.

ಕಟಕ : ಹೊಸ ಗೆಳೆಯರೊಂದಿಗೆ ಬೆರೆಯುವ ಕಾಲ ಬಂದಿದೆ. ಸಣ್ಣ ಪುಟ್ಟ ಗಲಾಟೆಗಳಿಂದ ಮನಸ್ಸು ರೋಸಿ ಹೋಗಿದೆ ಅಂತ ಗೆಳೆಯರೊಂದಿಗೆ ಮುನಿಸು ಬೇಡ. ಎಲ್ಲವೂ ಸರಿಹೋಗುವ ಕಾಲ ಬಂದಾಗ ಮುಖ ತಿರುಗಿಸುವುದೇ ?

ಸಿಂಹ : ಸಾಧನೆಯ ದೊಡ್ಡ ಕನಸಿನ ಮುಂದೆ ನೀವು ಇಂದಿನ ವಾಸ್ತವವನ್ನು ಮರೆಯಬೇಡಿ. ಹಾಗಾದಲ್ಲಿ ಮುಂದೆ ನೊಂದುಕೊಳ್ಳಬೇಕಾದೀತು. ಆದರೂ ನಿಮ್ಮ ಬಳಿ ಸಾಮರ್ಥ್ಯ ಇದೆ. ಅವಸರ ಬೇಡ.

ಕನ್ಯಾ : ಕೌಟುಂಬಿಕ ವಿಚಾರ ನಿಮ್ಮ ಯೋಚನೆಯ ತುಂಬಾ ಮುತ್ತಿಕೊಂಡಿರುತ್ತದೆ. ಸಾಹಸ ಯಾತ್ರೆಯ ಯೋಚನೆ, ಪ್ರಯಾಣದ ಕನಸು ಸದ್ಯದಲ್ಲಿಯೇ ನನಸಾಗುವುದು.

ತುಲಾ : ವೃತ್ತಿ ಕ್ಷೇತ್ರದಲ್ಲಿ ನೀವು ಸೋಲುತ್ತಿದ್ದೀರಿ ಎಂಬ ಹೆದರಿಕೆ ಬೇಡ. ನಿಮಗಿಷ್ಟವಾದ ಹವ್ಯಾಸಗಳ ಕೈಬಿಟ್ಟರೆ ಮತ್ತೆ ನೊಂದುಕೊಳ್ಳುತ್ತೀರಿ.

ವೃಶ್ಚಿಕ : ಮುಖ ಊದಿಸಿಕೊಂಡು ಕುಳಿತು ಸಮಯ ಹಾಳು ಮಾಡುವುದು ಯಾಕೆ ? ಇದೊಂದೇ ಬಾರಿ ಉದಾರವಾಗಿ ಕ್ಷ ಮಿಸಿಬಿಡಬಾರದಾ ? ಮನೆ ಮಂದಿಯಾಂದಿಗೆ ಕಳೆದ ಉಲ್ಲಾಸದ ಕ್ಷಣಗಳ ಗುಂಗಿನಲ್ಲಿರುತ್ತೀರಿ.

ಧನಸ್ಸು : ತಕ್ಷಣದ ನೆಮ್ಮದಿ ಬೇಡ ಅಂತ ಹೇಳಿ ದುಡಿತವನ್ನೇ ಮುಂದುವರೆಸುತ್ತಿರುವ ನಿಮಗೆ ವಿಶ್ರಾಂತಿಯ ಅಗತ್ಯವಿದೆ. ಆರೋಗ್ಯದತ್ತ ಗಮನವಿರಲಿ.

ಮಕರ : ಕನಸುಗಳು, ಯೋಚನೆಗಳು, ಏನೇನೋ ಪ್ಲಾನ್‌ಗಳು ಎಲ್ಲದಕ್ಕೂ ಮುಂಚೆ ಆರೋಗ್ಯ ಮುಖ್ಯ ತಾನೇ ?

ಕುಂಭ : ನಿಮ್ಮೊಡನೆ ಇವತ್ತು ಗೆಳೆಯರ ಹಿಂಡೇ ಇರಬಹುದು. ಜೇಬು ಖಾಲಿ ಎಂದೇ ಲೆಕ್ಕ ಬಿಡಿ. ಆದರೂ ಎಲ್ಲರೂ ನಿಮ್ಮ ಆಪ್ತ ಗೆಳೆಯರೇ ಆದ್ದರಿಂದ ಬೇಜಾರು ಬೇಡ.

ಮೀನ : ನಿಮಗೆ ವ್ಯವಹಾರದಲ್ಲಿಯೇ ಆಸಕ್ತಿ ಆದ್ದರಿಂದ ಮನೆ ಮಂದಿಯಾಂದಿಗೆ ಆರಾಮ್‌ ಸೇ ಇರುವುದು ಸಾಧ್ಯವಾಗುವುದಿಲ್ಲ. ರಜೆಯ ಮಜಾಕ್ಕೆ ಯಾವುದೇ ಅಡ್ಡಿ ಬಾರದು.