• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಕಳ್ಳಡಿಕೋಡ್‌ ಬೆಟ್ಟದಲ್ಲಿ ವೀರಪ್ಪನ್‌ : ಗ್ರಾಮಸ್ಥ ನೀಡಿದ ಸುಳಿವು

By Staff
|

ಚಾಮರಾಜನಗರ : ವಾಳಯಾರ್‌ ಕಾಡಿನಿಂದ ತಪ್ಪಿಸಿಕೊಂಡಿದ್ದ ಕಾಡುಗಳ್ಳ ವೀರಪ್ಪನ್‌ ಈಗ ಕೇರಳದ ಪಾಲಕ್ಕಾಡ್‌ ಬಳಿಯ ವಲಿಯಾರಿತ್ತಿ ಕಾನನದಲ್ಲಿ ಅಡಗಿದ್ದಾನೆ ಎಂಬ ಸುಳಿವನ್ನು ಗ್ರಾಮಸ್ಥರೊಬ್ಬರು ನೀಡಿರುವ ಹಿನ್ನೆಲೆಯಲ್ಲಿ ಈ ಪ್ರದೇಶದಲ್ಲಿ ವೀರಪ್ಪನ್‌ ವಿರುದ್ಧದ ಕಾರ್ಯಾಚರಣೆ ತೀವ್ರಗೊಂಡಿದೆ.

ವೀರಪ್ಪನ್‌ ಈಗ ಇದೇ ಪ್ರದೇಶದಲ್ಲಿ ಸುತ್ತಾಡುತ್ತಿದ್ದಾನೆ. ಕರಿಮಲೈ ಸಮೀಪದ ಕನ್ನಿಕುಳಂ ಎಂಬ ಪುಟ್ಟ ಗ್ರಾಮದ ನಿವಾಸಿ ಸುಕುಮಾರನ್‌ ತಾವು ವೀರಪ್ಪನ್‌ನನ್ನು ನೋಡಿದ್ದಾಗಿ ಹೇಳಿದ್ದಾರೆ. ಕಾಡಿನಿಂದ ಮಿಂಚಿನಂತೆ ಹೊರಬಂದ ವೀರಪ್ಪನ್‌ (ಹಸಿರು ಸಮವಸ್ತ್ರ ತೊಟ್ಟ) ತಂಡದ ಸಹಚರರು ಆ ಪ್ರದೇಶದಲ್ಲಿ ಅಧಿಕಾರಿಗಳು ಅಥವಾ ರಾಜಕಾರಣಿಗಳು ವಾಸ್ತವ್ಯ ಹೂಡಿರುವರೇ ಎಂಬ ಬಗ್ಗೆ ವಿಚಾರಿಸಿದ್ದಾಗಿಯೂ ಅವರು ತಿಳಿಸಿದ್ದಾರೆ.

ಸಾಕಷ್ಟು ಬಳಲಿರುವ ವೀರಪ್ಪನ್‌ನನ್ನು ಈ ತಂಡದೊಂದಿಗೆ ಕಂಡಿದ್ದಾಗಿಯೂ ಸುಕುಮಾರನ್‌ ಹೇಳಿದ್ದಾರೆ. ತಾವು ಟಿ.ವಿ.ಯಲ್ಲಿ ಹಾಗೂ ಮಾಧ್ಯಮಗಳಲ್ಲಿ ನೋಡಿದ ವ್ಯಕ್ತಿಗಳೇ ಅವರಾಗಿದ್ದರು ಎಂದೂ ಸ್ಪಷ್ಟಪಡಿಸಿದ್ದಾರೆ. ತನ್ನ ಬಲ ಕುಗ್ಗಿರುವ ಹಿನ್ನೆಲೆಯಲ್ಲಿ ಅಧಿಕಾರಿ ಅಥವಾ ರಾಜಕಾರಣಿಯನ್ನು ಅಪಹರಿಸಿ, ಒತ್ತೆಯಾಳಾಗಿಟ್ಟುಕೊಂಡು, ತನ್ನನ್ನು ತಾನು ರಕ್ಷಿಸಿಕೊಳ್ಳಲು ವೀರಪ್ಪನ್‌ ಯೋಜನೆ ರೂಪಿಸಿರಬಹುದು ಎಂಬ ಶಂಕೆಯೂ ಇದೆ.

ದೊರೆತಿರುವ ಸುಳಿವಿನ ಹಿನ್ನೆಲೆಯಲ್ಲಿ ಎಸ್‌.ಟಿ.ಎಫ್‌ ಸಿಬ್ಬಂದಿ ಕಳ್ಳಡಿಕೋಡು ಬೆಟ್ಟ ಪ್ರದೇಶವನ್ನು ಸುತ್ತುವರಿದಿದ್ದು, ವೀರಪ್ಪನ್‌ ಹಾಗೂ ಆತನ ಸಹಚರರಿಗಾಗಿ ಶೋಧ ಮುಂದುವರಿಸಿದ್ದಾರೆ. ಹಿರಿಯ ಪೊಲೀಸ್‌ ಅಧಿಕಾರಿಗಳೂ ಸ್ಥಳಕ್ಕೆ ಭೇಟಿ ನೀಡಿದ್ದರು ಎಂದು ಎಸ್‌.ಟಿ.ಎಫ್‌.ನ ಉನ್ನತ ಮೂಲಗಳು ತಿಳಿಸಿವೆ.

ವಾರ್ತಾಸಂಚಯ

ಮುಖಪುಟ / ವೀರಪ್ಪನ್‌ ಶಿಕಾರಿ

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more