ಟಾಕಳಿ ಮುಟ್ಟಿದ ನೀರು, ಅನ್ನ ನಿರಶನ ಕೈಬಿಟ್ಟ ರೈತರು

ಬಿಜಾಪುರ : ನೀರು ಬಿಡುವವರೆಗೆ ಅನ್ನ ಮುಟ್ಟೆವು ಎಂದು ಕಳೆದ 8 ದಿನಗಳಿಂದ ಧೂಳಖೇಡ ಬಳಿ ರೈತರು ಕೈಗೊಂಡಿದ್ದ ಅನ್ನ ನಿರಶನ ಶನಿವಾರ ಸಂಜೆ ಕೊನೆಯಾಯಿತು.

ಶನಿವಾರ ಸಂಜೆ 4.30 ರ ಸುಮಾರಿಗೆ ಮಹಾರಾಷ್ಟ್ರದಿಂದ ಹರಿದು ಬಂದ ನೀರು ಟಾಕಳಿ ಸೇತುವೆಯನ್ನು ದಾ

ಟಿತು. ಇದರಿಂದಾಗಿ ನಿರಶನ ನಿರತರು ತಮ್ಮ ಸತ್ಯಾಗ್ರಹವನ್ನು ವಾಪಸ್ಸು ಪಡೆದಿದ್ದಾರೆ ಎಂದು ಶನಿವಾರ ಇಳಿಸಂಜೆ ಜಿಲ್ಲಾಧಿಕಾರಿ ಕಚೇರಿಯಲ್ಲಿ ಕರೆದ ಸುದ್ದಿಗೋಷ್ಠಿಯಲ್ಲಿ ಜಿಲ್ಲಾ ಉಸ್ತುವಾರಿ ಸಚಿವ ಎಸ್‌.ಆರ್‌. ಕಾಶಪ್ಪನವರ ಪ್ರಕಟಿಸಿದರು.

ಮಹಾರಾಷ್ಟ್ರದಿಂದ ಹರಿದು ಬಂದ ನೀರು ಜಿಲ್ಲೆಯನ್ನು ತಲುಪಿದ್ದರೂ, ನೀರಿನ ಒತ್ತಡ ಕಡಿಮೆ ಇರುವುದರಿಂದ

ಕೊರತೆ ಇರುವ ಎಲ್ಲ ಪ್ರದೇಶಗಳಿಗೂ ನೀರು ಮುಟ್ಟುವ ಕುರಿತು ಅನುಮಾನ ಉಂಟಾಗಿದೆ. ಆದ್ದರಿಂದ, ಒಂದೆರಡು ದಿನಗಳಲ್ಲೇ ಮಹಾರಾಷ್ಟ್ರ ಮುಖ್ಯಮಂತ್ರಿಗಳನ್ನು ಭೇಟಿಯಾಗಿ ಹೆಚ್ಚಿನ ಪ್ರಮಾಣದಲ್ಲಿ ನೀರು ಬಿಡುವಂತೆ ಮನವಿ ಸಲ್ಲಿಸಲಾಗುವುದು ಎಂದು ಕಾಶಪ್ಪನವರ್‌ ತಿಳಿಸಿದರು.

(ಇನ್ಫೋ ವಾರ್ತೆ)

ವಾರ್ತಾಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...