ಬೆಂಗಳೂರ್- ಸಿಂಗಪೂರ್- ಬೆಂಗಳೂರ್ಗೆ ಕೇವಲ 18,150 ರುಪಾಯಿ
ಬೆಂಗಳೂರು : ಬೇಸಿಗೆಯ ವಿಶೇಷವಾಗಿ ಕರ್ನಾಟಕ ಪ್ರವಾಸೋದ್ಯಮ ಅಭಿವೃದ್ಧಿ ನಿಗಮ ಮೂರು ಹೊಸ ಪ್ರವಾಸ ಏರ್ಪಡಿಸಿ, ದಕ್ಷಿಣ ಭಾರತ ದರ್ಶನ ಮಾಡಿಸುವ ನಿಟ್ಟಿನಲ್ಲಿ ಹೆಜ್ಜೆ ಇಟ್ಟಿದ್ದರೆ, ಇಂಡಿಯನ್ ಏರ್ಲೈನ್ಸ್ ಕನ್ನಡಿಗರಿಗೆ ರಿಯಾಯಿತಿ ದರದಲ್ಲಿ ಸಿಂಗಪೂರ್ ತೋರಿಸಲು ಸಜ್ಜಾಗಿದೆ.
ಕೇವಲ ಹದಿನೆಂಟು ಸಾವಿರದ ನೂರೈವತ್ತು ರುಪಾಯಿ ನೀಡಿ ಬೆಂಗಳೂರಿನಿಂದ ಸಿಂಗಪೂರ್ಗೆ ಹೋಗಿ ಸುತ್ತಾಡಿ, ಆನಂದಿಸಿ ಮತ್ತೆ ಬೆಂಗಳೂರ್ಗೇ ಮರಳುವ ಅವಕಾಶ ಈಗ ಲಭ್ಯ. ಈ ವಿಶೇಷ ರಿಯಾಯಿತಿ ದರ ಯೋಜನೆ ಇಂದಿನಿಂದ (15-02-2001) ಆರಂಭವಾಗಿದೆ. ಇದಕ್ಕೆ ಕೆಲವು ಷರತ್ತುಗಳೂ ಅನ್ವಯಿಸುತ್ತವೆ ( ಮೂರು ತಿಂಗಳು ಮಾತ್ರ) ಎಂದೂ ಏರ್ಲೈನ್ಸ್ ಪ್ರಕಟಣೆ ತಿಳಿಸಿದೆ.
ಬೆಂಗಳೂರಿನಿಂದ ಸಿಂಗಪೂರ್ಗೆ (ಹೋಗಲು ಮಾತ್ರ) ಇಂಡಿಯನ್ ಏರ್ಲೈನ್ಸ್ ವಿಧಿಸಿರುವ ದರ 14,450 ರುಪಾಯಿ. ಬೆಂಗಳೂರು - ಸಿಂಗಪೂರ್- ಬೆಂಗಳೂರು ಟಿಕೆಟ್ ಕೊಂಡರೆ ಬಹುತೇಕ ಹತ್ತು ಸಾವಿರ ರುಪಾಯಿ ಉಳಿತಾಯ.
ಸಿಂಗಪೂರ್ ದರ್ಶನ ಮಾಡ ಬಯಸುವ ಪ್ರವಾಸಿಗರಿಗೆ, ಭಾರತೀಯ ಆತಿಥ್ಯ ಪರಂಪರೆಯಾಂದಿಗೆ ಪ್ರಯಾಣಿಸಲು ಬನ್ನಿ ಎಂದು ಕರೆ ನೀಡಿರುವ ಇಂಡಿಯನ್ ಏರ್ಲೈನ್ಸ್ ಬೆಂಗಳೂರು - ಸಿಂಗಪೂರ್ಗೆ ವಾರದಲ್ಲಿ ಮೂರು ದಿನ ಈ ಸೇವೆಯನ್ನು ನೀಡಲಿದೆ.
ಹೆಚ್ಚಿನ ವಿವರಗಳನ್ನು ಇಂಡಿಯನ್ ಏರ್ಲೈನ್ಸ್ ಕಚೇರಿಗಳಿಂದ (91-080-141)ಅಥವಾ ಅಂಗೀಕೃತ ಏಜೆನ್ಸಿಗಳಿಂದ ಪಡೆಯಬಹುದು.
ವಾರ್ತಾಸಂಚಯ
ಮುಖಪುಟ
/
ಇವತ್ತು...
ಈ
ಹೊತ್ತು...