ವಿಪ್ರೋದಿಂದ ಗುಜರಾತ್‌ ಪರಿಹಾರ ಕಾರ್ಯಗಳಿಗೆ 2 ಕೋಟಿ ರು.

ಬೆಂಗಳೂರು : ಸಿಲಿಕಾನ್‌ ವ್ಯಾಲಿಯ ಹೆಮ್ಮೆಯ ಗೋಪುರಗಳಲ್ಲೊಂದಾದ ವಿಪ್ರೋ ಹಾಗೂ ಅದರ ಉದ್ಯೋಗಿ ವೃಂದ, ಗುಜರಾತ್‌ ಸಂತ್ರಸ್ತರ ಸಹಾಯಕ್ಕಾಗಿ 2 ಕೋಟಿ ರುಪಾಯಿ ದೇಣಿಗೆ ನೀಡಿದೆ.

ನೇರವಾಗಿ ಗುಜರಾತ್‌ ಸರ್ಕಾರ ಹಾಗೂ ಸ್ವಯಂ ಸೇವಾ ಸಂಸ್ಥೆಗಳಿಗೆ ಈ ನಿಧಿಯನ್ನು ಪರಿಹಾರ ಕಾಮಗಾರಿಗಳಿಗಾಗಿ ಒದಗಿಸಲಾಗುವುದು ಎಂದು ಬುಧವಾರ ಬಿಡುಗಡೆ ಮಾಡಲಾದ ಸುದ್ದಿ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ. ನಿಧಿಯು ಸಂಸ್ಥೆಯ ನೆರವು ಹಾಗೂ ಉದ್ಯೋಗಿಗಳ ದೇಣಿಗೆಯನ್ನು ಒಳಗೊಂಡಿದೆ.

ಎರ್ಸಾಮ ಜಿಲ್ಲೆಯ ಕೆಲವು ಶಾಲಾ ಕಟ್ಟಡಗಳ ಪುನರ್‌ ನಿರ್ಮಾಣ ಹಾಗೂ ಇತರ ಸಂತ್ರಸ್ತ ಕಾರ್ಯಗಳಿಗಾಗಿ ಈ ಹಣವನ್ನು ಬಳಸಲಾಗುವುದು ಎಂದು ಪ್ರಕಟಣೆ ತಿಳಿಸಿದೆ.

(ಯುಎನ್‌ಐ)

ಮುಖಪುಟ