• search
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಸಾಲ್ವಡಾರ್‌ನಲ್ಲಿ ಭೂಕಂಪ:170 ಸಾವು, 1500 ಜನರಿಗೆ ಗಾಯ

By Staff
|

ಸ್ಯಾನ್‌ ಸಾಲ್ವಡಾರ್‌ : ಎಲ್‌ ಸಾಲ್ವಡಾರ್‌ನಲ್ಲಿ ಮತ್ತೊಮ್ಮೆ ಮಂಗಳವಾರ ಸಂಭವಿಸಿದ ಭೀಕರ ಭೂಕಂಪ 170ಕ್ಕೂ ಹೆಚ್ಚು ಜನರನ್ನು ಬಲಿತೆಗೆದುಕೊಂಡಿದೆ. 1500ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದಾರೆ. ಮನೆಗಳು ನೆಲಕಚ್ಚಿವೆ. ರಿಕ್ಟರ್‌ ಮಾಪಕದಲ್ಲಿ ಭೂಕಂಪದ ತೀವ್ರತೆ 6.6 ಎಂದು ದಾಖಲಾಗಿದೆ.

ಒಂದು ತಿಂಗಳ ಹಿಂದೆ 7.6ರ ತೀವ್ರತೆಯಲ್ಲಿ ಸಂಭವಿಸಿದ್ದ ಭೂಕಂಪ 844 ಜನರನ್ನು ಬಲಿತೆಗೆದುಕೊಂಡು, ಸಾವಿರಾರು ಜನರನ್ನು ನಿರ್ವಸಿತರನ್ನಾಗಿ ಮಾಡಿತ್ತು. ಜನವರಿ 26ರಂದು ಸಾವಿರಾರು ಜನರನ್ನು ಬಲಿ ತೆಗೆದುಕೊಂಡ ಗುಜರಾತ್‌ ಭೂಕಂಪಕ್ಕೆ ವಿಶ್ವವೇ ಕಂಬನಿ ಮಿಡಿಯುತ್ತಿರುವಾಗ, ಮಧ್ಯ ಅಮೆರಿಕಾದ ಎಲ್‌ ಸಾಲ್ವಡಾರ್‌ನಲ್ಲಿ ಸಂಭವಿಸಿದ ಭೂಕಂಪ ಮತ್ತೆ ನೂರಾರು ಜನರನ್ನು ನುಂಗಿದೆ.

ಅಮೆರಿಕದ ಕಾಲಮಾನದ ರೀತ್ಯ ಬೆಳಗ್ಗೆ 8.22ರಲ್ಲಿ ಈ ಭೂಕಂಪ ಘಟಿಸಿದೆ. ವಸುಂಧರೆಯ ನಡುಕಕ್ಕೆ ಭಯಭೀತರಾದ ಜನತೆ ಮನೆಗಳಿಂದ ಬೀದಿಗೆ ಓಡಿ ಬಂದರು. ಈ ಸಮಯದಲ್ಲಿ ಸಾಲ್ವಡಾರ್‌ನ ಬಹುತೇಕ ಮಂದಿ ತಮ್ಮ ಕಚೇರಿಗೆ ತೆರಳುವ ತವಕದಲ್ಲಿದ್ದರು.

ಸ್ಯಾನ್‌ ಸಾಲ್ವಡಾರ್‌ ಸುತ್ತಮುತ್ತಲ ಮೂರು ಜಿಲ್ಲೆಗಳಲ್ಲಿ ಭೂಕಂಪದ ಹಾನಿ ತೀವ್ರ ಸ್ವರೂಪದಲ್ಲಿದೆ. ರಾಷ್ಟ್ರೀಯ ತುರ್ತು ಪರಿಹಾರ ಸಮಿತಿಯ ಹೇಳಿಕೆಯ ರೀತ್ಯ ಭೂಕಂಪಕ್ಕೆ ಬಲಿಯಾದವರ ಸಂಖ್ಯೆ 173ಕ್ಕೆ ಏರಿದ್ದು, 1,557 ಮಂದಿ ಗಾಯಗೊಂಡಿದ್ದಾರೆ. ರಾಜಧಾನಿ ಸ್ಯಾನ್‌ ಸಾಲ್ವಡಾರ್‌ಗೆ 60 ಕಿ.ಮೀಟರ್‌ ದೂರದ ಸ್ಯಾನ್‌ ವೈಸೆಂಟ್‌ ಪಟ್ಟಣದ ಬಹುತೇಕ ಮನೆಗಳು ನಾಶವಾಗಿವೆ. ಇಲ್ಲಿ 200ಕ್ಕೂ ಹೆಚ್ಚು ಮನೆಗಳು ನೆಲಕಚ್ಚಿವೆ. ಅವಶೇಷಗಳಡಿಯಲ್ಲಿ ನೂರಾರು ಮಂದಿ ಸಿಲುಕಿ ಪ್ರಾಣ ತೆತ್ತಿದ್ದಾರೆ. ಪರಿಹಾರ ಕಾಮಗಾರಿಗಳು ಸಮರೋಪಾದಿಯಲ್ಲಿ ಸಾಗಿವೆ.

ಹಾಂಡುರಾಸ್‌ ಮತ್ತು ಗುತೆಮಾಲಾಗಳಲ್ಲಿಯೂ ಕೂಡ ಭೂಕಂಪದಿಂದ ಹಾನಿ ಸಂಭವಿಸಿದೆ ಎಂದು ರೆಡ್‌ಕ್ರಾಸ್‌ ಸಂಸ್ಥೆ ತಿಳಿಸಿದೆ. ಪ್ರತ್ಯಕ್ಷದರ್ಶಿಗಳ ಹೇಳಿಕೆಯ ಪ್ರಕಾರ ಭೂಕಂಪ ಸಂಭವಿಸಿದ ಒಂದು ಗಂಟೆಯ ತರುವಾಯ ಮತ್ತೆ ಭೂಮಿ ಕಂಪಿಸಿತು.

(ರಾಯಿಟರ್ಸ್‌)

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more