ನಿತ್ಯ ಭವಿಷ್ಯ

ಮೇಷ :ಕೊಡುವ ಕೆಂಪು ಗುಲಾಬಿಗೆ ನಕಾರಾತ್ಮಕ ಪ್ರತಿಕ್ರಿಯೆ. ನಿಮ್ಮ ಕಾಲ ಮೇಲೆ ನೀವು ನಿಂತುಕೊಳ್ಳೋದಕ್ಕೆ ಮೊದಲು ಒತ್ತು ಕೊಡಿ.

ವೃಷಭ :ಗೂಳಿ ಹಾಗೆ ನುಗ್ಗೋ ಭಂಡಧೈರ್ಯ ಈವತ್ತಿನ ಮಟ್ಟಿಗೆ ನಿಮಗೆ ಏನೇನೂ ತಂದುಕೊಡದು. ಬದಲಿಗೆ ಎಡವಿ ಬೀಳುವ ಸಾಧ್ಯತೆಗಳೇ ಹೆಚ್ಚು.

ಮಿಥುನ : ತುಮುಲ, ತಳಮಳ, ದ್ವಂದ್ವ. ಕೊಡಲೋ ಬೇಡವೋ, ಹೇಳಲೋ ಬೇಡವೋ? ದೇವರಿಗೆ ಭಾರ ಹಾಕಿ, ಚೀಟಿ ಎತ್ತಿ. ಅದೃಷ್ಟ ನಿಮ್ಮ ಕಡೆಗೇ ಇದೆ.

ಕಟಕ : ಜೀವದ ಹಂಗನ್ನು ಒತ್ತಟ್ಟಿಗಿರಿಸಿ ತೆಗೆದುಕೊಂಡ ರಿಸ್ಕೂ ಠುಸ್ಸು. ಇವತ್ತು ನೀವು ಹತ್ತು ಕಳಕೊಂಡಿರಬಹುದು. ನಾಳೆ ನಿಮ್ಮ ಇದೇ ಕೆಲಸ ನಿಮಗೆ ಸಹಸ್ರ ಹೊನ್ನು ತರಲಿದೆ.

ಸಿಂಹ : ಪಾಪಪ್ರಜ್ಞೆ ಕಾಡುತ್ತಿದೆ. ಉದ್ದೇಶಪೂರ್ವಕವಾಗಿ ತಪ್ಪು ಮಾಡದಿದ್ದರೂ ಪಶ್ಚಾತ್ತಾಪದ ಹಾದಿ ಹುಡುಕುತ್ತಿರುವ ನಿಮ್ಮ ಮನವನ್ನ ಮೆಚ್ಚಲೇ ಬೇಕು. ದೇವರ ಮೊರೆ ಹೋಗಿ.

ಕನ್ಯಾ : ಕಳೆದೊಂದು ವಾರದಿಂದ ಪಾರ್ಟಿಗಳಲ್ಲೇ ಕಳೆದು ಹೋಗಿರುವ ನಿಮಗಿಂದು ಬದಲಾವಣೆ. ಮನೆಯವರ ಮೋರೆಗಳನ್ನೇ ಸರಿಯಾಗಿ ನೋಡದಿದ್ದ ನೀವು ಆ ಕೊರತೆಯನ್ನು ಇವತ್ತು ನೀಗಿಸಿಕೊಳ್ಳಬಲ್ಲಿರಿ.

ತುಲಾ : ಜೀವನದಲ್ಲಿ ಹೊಸ ಗೆಳೆಯನ ಪ್ರವೇಶ. ಒಂದೇ ನೋಟದಲ್ಲಿ ಆತ ಹೃದಯ ಹೊಕ್ಕಿಬಿಡುವ. ನಿಮ್ಮ ಭಾಗ್ಯದ ಬಾಗಿಲೂ ಆತನೇ. ನಿಶ್ಟಿಂತೆಯಿಂದ ತೆರೆಯಿರಿ, ಬರಮಾಡಿಕೊಳ್ಳಿ.

ವೃಶ್ಚಿಕ : ಮನೆಯಲ್ಲೇ ಬಹು ದಿನಗಳಿಂದ ಮಾಡಿದ ಕಸರತ್ತು ಡಬ್ಬ ತುಂಬಿಸಿದೆ. ಅದಕ್ಕೆ ಸಾರ್ಥಕ್ಯ ತರುವ ದಿನವಿದು. ದಿನವಿಡೀ ಸುಂದರ.

ಧನಸ್ಸು :ಮನದಲ್ಲಿ ಕುದಿಯುತ್ತಿರುವ ಸಾಲುಗಳನ್ನು ಕವನವಾಗಿಸಲು ಹೇಳಿ ಮಾಡಿಸಿದ ದಿನ. ಯಾವುದಾದರೂ ದೊಡ್ಡ ಪ್ರಾಜೆಕ್ಟ್‌ ಕೈಗೆತ್ತಿಕೊಳ್ಳುವ ಇರಾದೆಯಿದ್ದರೆ, ಈಗಲೇ ತೆಗೆದುಕೊಳ್ಳಿ.

ಮಕರ : ಹವಾಮಾನದ ಅನಿರೀಕ್ಷಿತ ಏರಿಳಿತದಷ್ಟೇ ನಿಮ್ಮ ಜೀವನದ ಲಬ್ಬು ಡಬ್ಬು ಕಂಡಾಪಟ್ಟೆ ತೂಗಾಟದಲ್ಲಿದೆ. ಬೇಗ ವೈದ್ಯರ ಆಸ್ಪತ್ರೆಯ ಕದ ತಟ್ಟಿ.

ಕುಂಭ : ಯಾರದೋ ಮೇಲಿನ ಕೋಪ ಮಕ್ಕಳ ಮೇಲೆ ತೀರಿಸೋದೆ ? ನೊಂದ ಎಳೆ ಜೀವಗಳನ್ನು ಪಾರ್ಕಿಗೆ ಕೊಂಡು, ಐಸ್‌ ಕ್ರೀಂ ಕೊಡಿಸಿ ತಣ್ಣಗೆ ಮಾಡಿ.

ಮೀನ : ಪ್ರೀತಿಯ ಅಭಿವ್ಯಕ್ತಿಗೆಂದೇ ಮಾಡಿರುವ ಈ ದಿನ ನಿಮ್ಮ ಅಭೀಷ್ಟೆಗಳೆಲ್ಲಾ ಈಡೇರಲಿವೆ. ಕೆಂಪು ಗುಲಾಬಿಗೆ ಸ್ವೀಕೃತಿ, ಕರೆದಲ್ಲಿಗೆ ಬರುವ ಮನಸ್ಸು, ಎಲ್ಲದಕ್ಕೂ ಒಂದು ಠರಾವು. ದಿ ಡೇ ಈಸ್‌ ಯುವರ್ಸ್‌.