ನಿತ್ಯ ಭವಿಷ್ಯ

*ಜಾನುಕೊಂಡ ಶಾಮಾ ಶಾಸ್ತ್ರೀ

ಎಲ್ಲಿಗೋ ಪ್ರಯಾಣ ಹೋಗಬೇಕು ಎಂದುಕೊಂಡವರು ನಿಮ್ಮ ದಿಕ್ಕು ಬದಲಿಸಿ ಬೇರೆಡೆಗೆ ಹೊರಟಿದ್ದೀರಿ. ಹಾಗೆಂದುಕೊಂಡು ಕೊರಗಬೇಡಿ. ಯಾವುದೇ ಕೆಡುಕಿಲ್ಲ. ನಿಮ್ಮ ಬಳಿಗೆ ಬರಬೇಕಿರುವ ಕೀರ್ತಿ ನಿಮ್ಮ ಬಿಟ್ಟು ಎತ್ತಲೂ ಹೋಗುವುದಿಲ್ಲ.

ವೃಷಭ : ಮತ್ತೆ ಸಿಡುಕು, ಸಿಟ್ಟು ನಿಮ್ಮನ್ನು ಕೆಡಿಸಿಬಿಡುತ್ತದೆ. ಜಗಳ ಮಾಡಿದರೆ, ರಾಜಿಯಾಗುವ ಸಲುವಾಗಿ ಇವತ್ತು ಸಂಜೆ ಪಾರ್ಕು, ಸಿನೆಮಾ ಅಂತ ಸುತ್ತಾಡಲಾಗದು ಅಲ್ಲವೇ ? ಆದ್ದರಿಂದ ಕಷ್ಟಪಟ್ಟು ಇವತ್ತು ಕೂಲ್‌ ಆಗಿರಿ.

ಮಿಥುನ : ಕತ್ತೆ ದುಡಿತ. ಸಹೋದ್ಯೋಗಿಗಳಿಂದ ಕಿರುಕುಳ ಎದುರಾದರೆ ಸಹಿಸಿಕೊಳ್ಳಬೇಕಷ್ಟೆ. ಸ್ನೇಹಿತರ ಅಗಲಿಕೆಯಿಂದ ಬೇಸರ ಮಾಡಿಕೊಂಡರೆ ಹೇಗೆ? ಮಾಡಿದ ಕೆಲಸವನ್ನೇ ಮತ್ತೆ ಮತ್ತೆ ಮಾಡಿ ಸುಸ್ತಾಗುತ್ತೀರಿ.

ಕಟಕ : ಆಪ್ತೇಷ್ಟರೊಡನೆ ಹಿತ ಚಿಂತನೆ ನಡೆಸಿ ಮನಸ್ಸು ಉಲ್ಲಾಸವಾಗಿರುತ್ತದೆ. ಯೋಚನೆಗಳು, ಕನಸುಗಳು ನಿಮ್ಮನ್ನು ಗಗನಕ್ಕೇರಿಸುತ್ತವೆ. ಸುಮ್ಮನೇ ಖುಷಿಯಾಗಿರುತ್ತೀರಿ.

ಸಿಂಹ : ನಿಗ್ರಹದಿಂದ ಸಾಧಿಸುವ ಮೌನಕ್ಕೂ, ಸಹಜವಾಗಿ ತುಳುಕುವ ಗಾಂಭೀರ್ಯಕ್ಕೂ ವ್ಯತ್ಯಾಸವಿದೆ ಅಲ್ಲವೇ ? ಈ ವಿಷಯಗಳಲ್ಲಿ ನೀವಿನ್ನೂ ಚಿಕ್ಕವರು ಅಂತ ಅನಿಸಬಹುದು. ನಿಜವೂ ಹೌದು ತಾನೇ?

ಕನ್ಯಾ : ಕೊನೆಗೂ ಅಧ್ಯಯನ ಮಾಡಬೇಕು ಎಂಬ ನಿರ್ಧಾರಕ್ಕೆ ಬಂದಿದ್ದೀರಿ. ಆದರೂ ಏಕಾಗ್ರತೆ ಸಾಧಿಸಲು ಹೆಣಗಬೇಕಾಗಬಹುದು. ಅತಿ ಆಸೆಯಿಂದ ದಿನ ಹಾಳು ಮಾಡಿಕೊಳ್ಳಬೇಡಿ.

ತುಲಾ : ಕೃಷಿ ಕ್ಷೇತ್ರದಲ್ಲಿ ಲಕ್‌ ಇದೆ. ಇಷ್ಟು ದಿನ ದುಡಿದಿರುವುದಕ್ಕೆ ನಷ್ಟ ಕಾಣಲಿಲ್ಲವಲ್ಲ ಎಂಬ ಸಮಾಧಾನದ ನಿಟ್ಟುಸಿರು ಬಿಡುತ್ತೀರಿ.

ವೃಶ್ಚಿಕ : ದೂರದ ಪ್ರಯಾಣ ಕೈಗೂಡಲಿದೆ. ಹಿರಿಯರು ಹೇಳುವ ವಿಚಾರಗಳು ಕಿರಿಕಿರಿ ಎನಿಸಿದರೂ ನೀವು ಅವುಗಳನ್ನು ತಡೆದುಕೊಳ್ಳಲೇ ಬೇಕು ತಾನೆ. ನಿಮ್ಮ ಸೃಜನ ಶೀಲತೆಗೆ ಒಂದು ಅವಕಾಶ.

ಧನಸ್ಸು : ಸಂಗಾತಿಯಾಂದಿಗೆ ಒಂದು ಸುಂದರ ಸಂಜೆ . ಇವತ್ತು ಎಲ್ಲವನ್ನೂ ಗೆದ್ದಿದ್ದೇನೆ ಎಂಬ ಖುಷಿ ಮನತುಂಬಾ ತುಂಬಿರುತ್ತದೆ. ಧನವಿಯೋಗವಾದರೂ ಚಿಂತೆ ನಿಮ್ಮ ಬಳಿ ಸುಳಿಯದು. ಎಂಜಾಯ್‌. ಆಲ್‌ ದ ಬೆಸ್ಟ್‌.

ಮಕರ : ಟೂರ್‌ ಹೊರಟಿದ್ದೀರಿ. ಖುಷಿ ಪಡಲು ಸಮಯ ಕಡಿಮೆ. ಆರೋಗ್ಯದ ಕಡೆ ತೀವ್ರ ಕಾಳಜಿ ಬೇಕು. ಇಲ್ಲದೇ ಹೋದಲ್ಲಿ ಖುಷಿಯೋಲ್ಲಾ ಅನಾರೋಗ್ಯದ ಪಾಲಾಗುತ್ತದೆ.

ಕುಂಭ : ಗೃಹ ಕೃತ್ಯಗಳಲ್ಲಿ ಉಲ್ಲಾಸವಿರುತ್ತದೆ. ಯಶಸ್ಸೂ ಇದೆ ಎಂದು ಬೇರೆ ಹೇಳಬೇಕೇ ? ಹೊಸ ಯೋಜನೆಗಳನ್ನು, ಕನಸುಗಳನ್ನು ನೇಯುತ್ತಿರುತ್ತೀರಿ. ಆಫೀಸಿನಲ್ಲಿ ಸತ್ಕೀರ್ತಿ ಲಭಿಸಲಿದೆ. ಖರ್ಚಾಗುತ್ತಿರುವ ಹಣದ ಬಗ್ಗೆ ಅಷ್ಟೊಂದು ಚಿಂತಿಸುವ ಅಗತ್ಯವಿಲ್ಲ.

ಮೀನ : ಇವತ್ತೆಲ್ಲಾ ಖುಷಿಯಿಂದ ಇರುವ ನಿಮ್ಮ ಮನಸ್ಸಿನಲ್ಲಿ ಮುಂದಿನ ದಿನಗಳ ಬಗ್ಗೆ ಯೋಚನೆ ತುಂಬಿರುತ್ತದೆ. ಆಫೀಸಿನಲ್ಲಿ ಕೈ ತುಂಬಾ ಕೆಲಸ. ದಿನದ ಇತರ ವ್ಯವಹಾರಗಳಿಗೆ ಸಣ್ಣ ಬ್ರೇಕ್‌ ಹಾಕುತ್ತದೆ.