ಕೊಡಗಿನಲ್ಲಿ ಭಾರತೀಯ ವಿದ್ಯಾ ಭವನದ ಏಳನೆಯ ಕೇಂದ್ರ

ಕೊಡಗು : ಭಾರತೀಯ ವಿದ್ಯಾ ಭವನದ ಏಳನೇಯ ಘಟಕವು ಫೆಬ್ರವರಿ 21ರಂದು ಇಲ್ಲಿ ಉದ್ಘಾಟನೆಯಾಗಲಿದೆ.

ಕೂರ್ಗ್‌ ಫೌಂಡೇಷನ್‌ನ ಬೇಡಿಕೆಯ ಮೇರೆಗೆ ಕೆಲ ವರ್ಷಗಳ ಹಿಂದಷ್ಟೇ ಸಾಹಿತ್ಯಿಕ ಮತ್ತು ಸಾಂಸ್ಕೃತಿಕ ಚಟುವಟಿಕೆಗಳನ್ನು ವಿದ್ಯಾ ಭವನವು ಇಲ್ಲಿ ಆರಂಭಿಸಿದ್ದು, ತನ್ನ ಏಳನೆಯ ಕೇಂದ್ರವನ್ನು ಕೊಡಗಿನಲ್ಲಿ ತೆರೆಯಲು ಉದ್ದೇಶಿಸಿತ್ತು.

ಕೊಡಗಿನ ವಿದ್ಯಾ ಭವನದಲ್ಲಿ ವಾರಕ್ಕೊಮ್ಮೆ ಕಲಾಭಾರತಿ ಕಾರ್ಯಕ್ರಮ ಮತ್ತು ಇತರ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗುವುದು. ಕಟ್ಟಡಕ್ಕೆ ಅಗತ್ಯವಿರುವ ಮೂಲಭೂತ ಸೌಕರ್ಯಗಳು ದೊರೆತ ನಂತರ ಪತ್ರಿಕೋದ್ಯಮ, ವ್ಯವಹಾರ ನಿರ್ವಹಣೆ, ಮಾರ್ಕೆಟಿಂಗ್‌, ಜಾಹೀರಾತು ಮತ್ತಿತರ ವಿಷಯದ ಬಗ್ಗೆ ಡಿಪ್ಲೋಮಾ ಕೋರ್ಸುಗಳು ಶುರುವಾಗುತ್ತವೆ. ಅಲ್ಲದೆ ಆರ್ಥಿಕವಾಗಿ ಬಡವರಾಗಿರುವವರಿಗೆ ಉಚಿತ ಕಂಪ್ಯೂಟರ್‌ ಶಿಕ್ಷಣ ಕೊಡುವ ಉದ್ದೇಶ ವಿದ್ಯಾ ಭವನದ ಪರಿಶೀಲನೆಯಲ್ಲಿ ಇದೆ.

(ಯುಎನ್‌ಐ)