ಸಿಲಿಕಾನ್‌ ಕಣಿವೆ ಗಾದೆಗಳು

ಹೀಗಾಗೆ ನಮ್ಮ ಓದುಗ ಮಿತ್ರರೊಬ್ಬರು, ಸಿಲಿಕಾನ್‌ ಕಣಿವೆಯ ಗಾದೆಗಳನ್ನು ಕಳುಹಿಸಿದ್ದಾರೆ. ನಾವು ನಿಮಗೆ ತಲುಪಿಸುತ್ತಿದ್ದೇವೆ. ನೀವು ನಿಮ್ಮ ಮಿತ್ರರೆಲ್ಲರಿಗೂ ತಿಳಿಸಿ.

1. ಎಲ್ಲರ ಪ್ರಾಜೆಕ್ಟ್‌ನಲ್ಲೂ ಬಗ್‌ಸೇ... (ಎಲ್ಲರ ಮನೆ ದೋಸೇನೂ ತೂತೆ)
2. ಮೈನ್‌ ಫ್ರೇಮ್ಸ್‌ಗೆ ಒಂದು ಕಾಲ, ಇ - ಕಾಮರ್ಸ್‌ಗೆ ಒಂದು ಕಾಲ (ಅತ್ತೆಗೊಂದು ಕಾಲ ಸೊಸೆಗೊಂದುಕಾಲ)
3. ಕೋಡಿಂಗ್‌ ಮಾಡಿದವನಿಗಿಂತ, ಟೆಸ್ಟಿಂಗ್‌ ಮಾಡಿದವನದೇ ಬಹಳ ಆಯ್ತು (ಅಡಿಗೆ ಮಾಡ್ದೋನಿಗಿಂತ, ಬಡಿಸೋನ್ದೇ ಬಹಳ ಆಯ್ತು)
4. ಬಾಡಿ ಷಾಪರ್‌ನಿಂದ ಕಳೆದುಕೊಂಡ ಮಾನ, ಲಕ್ಷ ಕೊಟ್ಟರೂ ಬರೋದಿಲ್ಲ ( ಅಡಿಕೆಗೆ ಹೋದ ಮಾನ ಕೋಟಿ ಕೊಟ್ರು ಮತ್ತೆ ಬರಲ್ಲ.)
5. ಪ್ರಾಜೆಕ್ಟ್‌ ಮಾಡೋ ತನಕ ಮಾಡಿ, ಪ್ರಾಜಕ್ಟ್‌ ಯಾವುದರ ಬಗ್ಗೆ ಅನ್ನೋದು ಗೊತ್ತಾಗಲಿಲ್ಲ ಅಂದನಂತೆ ( ರಾತ್ರಿಯೆಲ್ಲಾ ರಾಮಾಯಣ ಕೇಳಿ, ರಾಮಂಗೂ ಸೀತೇಗೂ ಏನು ಸಂಬಂಧ ಎಂದನಂತೆ)
6. ಕೈ ಕೀಬೋರ್ಡ್‌ ಮೇಲೆ ಕೈ ಓಡಿದರೇನೆ, ಹೊಟ್ಟೆಗೆ ಕಿಂಗ್‌ ಫಿಷರ್‌ ಬೀರ್‌ (ಕೈ ಕೆಸರಾದ್ರೇನೇ ಬಾಯಿ ಮೊಸರು)
7. ಕೋಡಿಂಗ್‌ಗಿಂತ ಡಾಕ್ಯುಮೆಂಟೇಷನ್ನೇ ಜಾಸ್ತಿ (ಮಂತ್ರಕ್ಕಿಂತ ಉಗುಳೇ ಜಾಸ್ತಿ)
8. ಪಿ.ಎಂ.ಗೆ (ಪ್ರಾಜೆಕ್ಟ್‌ ಮ್ಯಾನೇಜರ್‌ಗೆ) ಪ್ರಾಜೆಕ್ಟ್‌ ವಿವರಿಸಿದ ಹಾಗೆ (ಕೋಣನ ಮುಂದೆ ಕಿನ್ನರಿ ಬಾರಿಸಿದಂತೆ)
9. ಕರೆದು ಹೆಣ್ಣು ಕೊಡ್ತೀನಿ ಅಂದ್ರೆ, ಸಾಫ್ಟ್‌ವೇರ್‌ ಎಂಜಿನಿಯರ್ರೇ ಬೇಕು ಅಂತಾನೆ ( ಕರೆದು ಹೋಳಿಗೆ ಕೊಟ್ರೆ, ತುಪ್ಪ ಇಲ್ಲ ಅಂತಾನೆ)
10. ಫೇಕ್‌ ಎಕ್ಸ್‌ಪೀರಿಯೆನ್ಸ್‌ ಆಂದ್ರೆ, ಫೈಲಿಂದ ರೆಸ್ಯೂಮ್‌ ತೆಗೆದು ನೋಡಿದನಂತೆ (ಕುಂಬಳಿಕಾಯಿ ಕಳ್ಳ ಅಂದ್ರೆ, ಹೆಗಲು ಮುಟ್ಟಿ ನೋಡಿಕೊಂಡನಂತೆ)
11. ಒಂದು ಮಾಡ್ಯೂಲ್‌ನಲ್ಲಿ ಬಗ್‌ ಇದ್ರೆ, ಇನ್ನೊಂದರಲ್ಲಿ ಮಾಡ್ಯೂಲ್‌ ಡಿಬಗ್‌ ಮಾಡಿದರಂತೆ (ಎತ್ತಿಗೆ ಜ್ವರ ಬಂದ್ರೆ ಎಮ್ಮೆಗೆ ಬರೆ ಹಾಕಿದ್ರಂತೆ.)
12. ಫಾರೀನ್‌ ಆಫರ್‌ ಸಿಗೋ ಮೊದಲು, ಪರ್ಚೇಸಿಂಗ್‌ಗೆ ಹೋದನಂತೆ ( ಕೂಸು ಹುಟ್ಟೋ ಮೊದಲೇ ಕುಲಾವಿ ಹೊಲಿಸಿದನಂತೆ)
13. ಸ್ಪೆಸಿಫಿಕೇಷನ್‌ಗೆ ತಕ್ಕಂತೆ ಕೋಡ್‌ ಬರಿ (ಹಾಸಿಗೆ ಇದ್ದಷ್ಟು ಕಾಲು ಚಾಚು)
14. ವಾಕ್‌ -ಇನ್‌ - ಇಂಟರ್‌ವ್ಯೂ ನಲ್ಲಿ ಆಫರ್‌ ಪಡೆದು ಕೊಂಡವನೇ ಜಾಣ (ಹುಚ್ಚು ಮುಂಡೇ ಮದುವೇಲಿ ಉಂಡವನೇ ಜಾಣ)
15. ಮೈಕ್ರೋ ಸಾಫ್ಟಿನ ಟೆಕ್ನಾಲಜಿ ಎಲ್ಲಾ ಚಲೋ ಇರೋಂಗಿಲ್ಲ (ಬೆಳ್ಳಗಿರೋದೆಲ್ಲಾ ಹಾಲಲ್ಲ)
16. ಸಾಫ್ಟ್‌ವೇರ್‌ ಕಂಪನೀಲಿ ಕೆಲಸ ಸಿಕ್ತು ಅಂತ ರಾತ್ರಿಯೆಲ್ಲ ಕುಣಿದಾಡಿದನಂತೆ ( ಅಲ್ಪನಿಗೆ ಐಶ್ವರ್ಯ ಬಂದ್ರೆ, ಅರ್ಧ ರಾತ್ರೀಲಿ ಕೊಡೆ ಹಿಡಿದನಂತೆ)
17. ಕ್ಲೈಂಟ್‌ ಎದುರಲ್ಲಿ ಕುಳಿತಾದ, ಕೋಡಿಂಗ್‌ ಶುರು ಮಾಡಿದ ಹಾಗೆ (ಮನೆಗೆ ಬೆಂಕಿ ಬಿದ್ದಾಗ, ಬಾವಿ ತೋಡಕ್ಕೆ ಹೋದನಂತೆ)
18. ಕಡೆಗೆ ಜನಿಸಿದ ಬಗ್‌, ಸಿಸ್ಟಮ್ಮನ್ನೇ ಕ್ರಾಷ್‌ ಮಾಡಿತಂತೆ ( ಕಡೆಗೆ ಹುಟ್ಟಿದ ಕಿಡಿ ಮನೆಯನ್ನೇ ಸುಟ್ಟಿತಂತೆ)
19. ಕ್ಲೈಂಟ್‌ ಕೊಟ್ಟರೂ, ಬಾಡಿ ಷಾಪರ್‌ ಕೊಡಲಿಲ್ಲ ( ದೇವರು ವರ ಕೊಟ್ಟರೂ, ಪೂಜಾರಿ ಕೊಡಲಿಲ್ಲ)
20. ಸಾವಿರ ಸುಳ್ಳು ಹೇಳಿ, ಒಂದು ಐ.ಟಿ. ಕೆಲಸ ಗಿಟ್ಟಿಸು (ಸಾವಿರ ಸುಳ್ಳು ಹೇಳಿ ಒಂದು ಮದುವೆ ಮಾಡು)
21. ಸ್ವದೇಶದಲ್ಲಿ ನೂರು ದಿನ ದುಡಿಯೋದಕ್ಕಿಂತ, ವಿದೇಶದಲ್ಲಿ ಮೂರು ದಿನ ದುಡಿಯೋದು ಲೇಸು (ಇಲಿಯಂತೆ ನೂರು ದಿನ ಬದುಕೋದಕ್ಕಿಂತ, ಹುಲಿಯಾಗಿ ಮೂರು ದಿನ ಬಾಳೋದು ಲೇಸು)
22. ಹೊಸ ಟೆಕ್ನಾಲಜಿಗೆ ಅಪ್‌ಡೇಟ್‌ ಆಗದವನ ಕೆರಿಯರ್‌ ಹಾಳು ( ಕಾಲಕ್ಕೆ ತಕ್ಕಂತೆ ನಡೆಯದೋನ ಬಾಳು ಹಾಳು)
23. ಬಾಡಿ ಷಾಪರ್‌ ಕ್ಯಾಂಡಿಡೇಟ್‌ ಜಗಳ, ಪ್ಲೇಸ್‌ಮೆಂಟ್‌ ಆಗೋತನಕ ( ಗಂಡ ಹೆಂಡಿರ ಜಗಳ ಉಂಡು ಮಲಗೋ ತನಕ)
24. ಸಾಫ್ಟ್‌ವೇರ್‌ ಕೋರ್ಸ್‌ ಮಾಡಿ ನೋಡು, ಐಟಿ ಕೆಲಸ ಗಿಟ್ಟಿಸಿ ನೋಡು (ಮದುವೆ ಮಾಡಿ ನೋಡು, ಮನೆ ಕಟ್ಟಿ ನೋಡು)
25. ಪ್ರೋಗ್ರಾಂಗೆ ಒಂದು ವರ್ಷ, ಪಿಎಂಗೆ ಒಂದು ನಿಮಿಷ (ಕುಂಬಾರನಿಗೆ ಒಂದು ವರ್ಷ ದೊಣ್ಣೆಗೆ ಒಂದು ನಿಮಿಷ)
26. ಇಂಟರ್‌ನೆಟ್‌ ಸರ್ಫ್‌ ಮಾಡುವಾಗ, ಪಿ.ಎಂ. ಬಂದಹಾಗೆ (ಶಿವಪೂಜೆಲಿ ಕರಡಿ ಬಂದಹಾಗೆ)
27. ಪಿಎಂನ ಜತೆ ಪ್ರೋಗ್ರಾಮರ್‌ ವಿದೇಶಕ್ಕೆ ಹೋದಂತೆ (ಹೂವಿನ ಜತೆ ನಾರೂ ಸ್ವರ್ಗಕ್ಕೆ ಹೋದಂತೆ)
28. ಪ್ರೋಗ್ರಾಮ್‌ ಲೆವೆಲಲ್ಲಿ ಸಾಲ್ವ್‌ ಆಗದ್ದು, ಸಿಸ್ಟಮ್‌ ಲೆವಲ್ಲಲ್ಲಿ ಸಾಲ್ವ್‌ ಆಗತ್ಯೇ ( ಗಿಡವಾಗಿ ಬಗ್ಗದ್ದು ಮರವಾಗಿ ಬಗ್ಗೀತೇ)
29. ಅವರವರ ಜಾಬ್‌ ಅವರವರಿಗೆ ಚಂದ (ಹೆತ್ತೋರಿಗೆ ಹೆಗ್ಗಣ ಮುದ್ದು)
30. ಪಿ.ಎಂ. ಹೇಗೋ, ಪ್ರೋಗ್ರಾಮರ್ರೂ ಹಾಗೆ (ಯಥಾ ರಾಜಾ ತಥಾ ಪ್ರಜಾ)
31. ಪ್ರಾಜಕ್ಟ್‌ ಮುಗಿದ ಮೇಲೆ, ನೀನು ಯಾರು ಎಂದರಂತೆ ( ಹೊಳೆ ದಾಟಿದ ಮೇಲೆ, ಅಂಬಿಗ ಯಾರು ಎಂದರಂತೆ)
32. ಪ್ರಾಜೆಕ್ಟ್‌ ಮಾಡಿದ್ದು ಯಾರೋ, ದುಡ್ಡು ಮಾಡಿದ್ದು ಮತ್ಯಾರೋ (ಯಾರದೋ ದುಡ್ಡು, ಯಲ್ಲಮ್ಮನ ಜಾತ್ರೆ)
33. ಸ್ಯಾಲರಿ ನೋಡಿ ಗೌರವ ನೀಡು ( ಮುಖ ನೋಡಿ ಮಣೆ ಹಾಕು)
34. ಯಾವಾಗಲೂ ಕೋಡಿಂಗ್‌ ಮಾಡಿದ್ರೆ ಕ್ಲೈಂಟ್ಸ್‌ ಹೊನ್ನೂ ಸಾಲದು (ಕುಳಿತು ತಿಂದ್ರೆ ಕುಡಿಕೆ ಹೊನ್ನೂ ಸಾಲದು)