• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ನಿತ್ಯ ಭವಿಷ್ಯ

By Staff
|

*ಜಾನುಕೊಂಡ ಶಾಮಾ ಶಾಸ್ತ್ರೀ

ಮೇಷ : ಬೆಟ್ಟಾನ ತಲೆ ಮೇಲೆ ಹೊರುವ ಸಾಹಸ ಬೇಡ. ಆಂತೆಯ ಕಂತೆಗಳನ್ನೆಲ್ಲಾ ಒತ್ತಟ್ಟಿಗಿರಿಸಿ ನಿಟ್ಟುಸಿರು ಬಿಡಿ. ನೀವಂದುಕೊಂಡ ಕೆಲಸಗಳೆಲ್ಲಾ ತಂತಾವೇ ಆಗುತ್ತವೆ.

ವೃಷಭ : ನಿಮ್ಮೊಬ್ಬ ಗೆಳೆಯ ಸ್ವ ಇಚ್ಛೆಯಿಂದ ನೆರವಿನ ಹಸ್ತ ಚಾಚುತ್ತಾರೆ. ನಿಮಗೆ ಆತನ ನೆರವು ಪಡೆಯಲು ಕಿಂಚಿತ್ತೂ ಇಷ್ಟವಿಲ್ಲ. ನೀವೇ ಸರಿ. ಆತ ತಾನಾಗೇ ಮುಂದೆ ಬಂದಿರುವುದು ತನ್ನ ಬೇಳೆ ಬೇಯಿಸಿಕೊಳ್ಳುವುದಕ್ಕಾಗೇ.

ಮಿಥುನ : ಕ್ಯಾಕಸ್‌ಗಳ ಮಧ್ಯದಲ್ಲಿ ನಿಂತಿದ್ದೀರಿ. ಎಂಟೂ ದಿಕ್ಕುಗಳಿಂದ ಒತ್ತಡಗಳ ಸುರಿಮಳೆ. ತಾಳ್ಮೆಯ ಮೂರ್ತಿಯಾದ ನೀವು ಸದ್ಯಕ್ಕೆ ಅದನ್ನು ತಡೆಕೊಳ್ಳಿ. ನಿಮ್ಮ ಒಳ್ಳೆಯತನವೇ ನೆಮ್ಮದಿಯ ನಾಳೆ ದಕ್ಕಿಸುತ್ತದೆ.

ಕಟಕ : ನಾನು ಜಾಣ ಅಂತ ತೋರಹೊರಟಿರುವುದೇ ನಿಮಗೆ ಮುಳುವಾಗಲಿದೆ. ನಿಮ್ಮ ಛಾತಿಯೇ ನಿಮ್ಮ ಮೇಲೆ ಕೆಲಸದ ಬಂಡೆಗಳ ಹೊರಿಸುತ್ತೆ. ಅತಿ ಪ್ರದರ್ಶನ ಒಳ್ಳೆಯದಲ್ಲ.

ಸಿಂಹ : ನೀವು ಇವತ್ತು ಪಕ್ಕಾ ಹೆಜ್ಜೆಗಳನ್ನೇ ಇಡುತ್ತೀರಿ. ಮಕ್ಕಳು ಸ್ವಲ್ಪ ಮನಸ್ಸಿಗೆ ಸಂಕಟ ಕೊಟ್ಟರೂ, ನಿಮ್ಮ ಬುದ್ಧಿ ಮಾತುಗಳನ್ನು ಅವರು ಕಿವಿ ಮೇಲೆ ಹಾಕಿಕೊಳ್ಳುತ್ತಾರೆ.

ಕನ್ಯಾ : ಹಳೆಯ ಸ್ನೇಹಿತರೊಬ್ಬರು ನಿಮ್ಮನ್ನು ಮದುವೆಯಾಗುವ ಇಂಗಿತ ಹೊರಹಾಕುತ್ತಾರೆ. ಇಷ್ಟು ವರ್ಷಗಳ ಕಾಲ ನೀವು ಕಾದಿದ್ದೂ ಅವರಿಗೇ ಅಲ್ಲವೇ?

ತುಲಾ : ಸಹೋದ್ಯೋಗಿಗಳು ಹೊರೆ ಹೊತ್ತಿದ್ದಾರೆ. ಗೊಂದಲ, ಅನನುಭವ ಅವರನ್ನು ಒದ್ದಾಟದಲ್ಲಿ ಸಿಕ್ಕಿಸಿದೆ. ಅವರ ನೊಗಕ್ಕೆ ನೀವೂ ಹೆಗಲು ಕೊಡಿ.

ವೃಶ್ಚಿಕ : ಜಂಜಡ, ಬೇಸರ ತಲೆಭಾರ ತಂದಿದೆ. ಕುಟುಂಬದವರೊಂದಿಗೆ ಒಂದು ಸಣ್ಣ ಪಿಕ್‌ನಿಕ್‌ಗೆ ಹೋಗಿ ಬನ್ನಿ. ಮಾನಸ ಸರೋವರ ಪೂರ್ತಿ ಶುದ್ಧಿಯಾಗುತ್ತದೆ.

ಧನಸ್ಸು : ಯಾರೇ ಕೂಗಾಡಲಿ, ನನ್ನ ನೆಮ್ಮದಿಗೆ ಭಂಗವಿಲ್ಲ ಅನ್ನುವ ನಿಮ್ಮ ಮನೋಭಾವ ಎಲ್ಲಾ ಸ್ಥಿತಿಯಲ್ಲೂ ಒಳ್ಳೆಯದೇನಲ್ಲ . ಇದರಿಂದಾಗಿ ಗೆಳೆಯರ ಕಳಕೊಳ್ಳಬಹುದು ಎಚ್ಚರದಿಂದಿರಿ.

ಮಕರ : ಮತ್ತೆ ತವರಿನಿಂದ ಕರೆ ಬಂತೆ. ಆತುರ ಬೇಡ, ಇಂದೇ ಪ್ರಯಾಣ ಸಾಧ್ಯವಾಗದು ಎನ್ನುವುದು ನಿಮಗೂ ಗೊತ್ತು . ನಿಮ್ಮ ಅನುಪಸ್ಥಿತಿ ಯಾರಿಗಾದರೂ ಅಸಹನೀಯ ಅನ್ನಿಸಿದರೆ ನಿಮಗೇನನ್ನಿಸುತ್ತೆ?

ಕುಂಭ : ಸ್ವಾರ್ಥಿಗಳಾಗುತ್ತಿದ್ದೀರಿ. ಇಲ್ಲವೆಂದು ನೀವು ಆಗಾಗ ಸಾಬೀತು ಪಡಿಸಹೊರಟರೂ ನಿಮ್ಮ ಜಾಯಮಾನ ಅದೇ ಎಂದು ಗೆಳೆಯರು ತೀರ್ಮಾನಿಸಿರುವುದನ್ನು ಬದಲಿಸಲು ಹೆಣಗಬೇಕಾಗುತ್ತದೆ. ಇಂದಿನದು ಸುಂದರ ಸಂಜೆ.

ಮೀನ : ಎಂದಿನ ಶೈಲಿಯಲ್ಲೇ ಚೌಕಾಸಿಗಿಳಿಯುತ್ತೀರಿ. ಕಾಲ ಸರಿಯಾಗಿಲ್ಲ . ಬಜಾರಿನಲ್ಲಿ ಜಾರಿಬಿದ್ದೀರಿ, ಜೋಕೆ. ಹೇಗಾದರೂ ಇರಲಿ, ಒಂದು ಸಲ ಕುಲದೇವರನ್ನು ಅರ್ಚಿಸುವುದು ಒಳ್ಳೆಯದು.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more