ಬಿ.ಸಿ. ಪಾಟೀಲ್‌ ವಿರುದ್ಧ ವಂಚನೆ ಆರೋಪ, ತನಿಖೆಗೆ ಆದೇಶ

ಬೆಂಗಳೂರು : ಪೊಲೀಸ್‌ ಹುದ್ದೆಯಿಂದ ಅಮಾನತ್ತುಗೊಂಡರೂ, ಪೂರ್ಣಕಾಲಿಕ ಸಿನಿಮಾ ನಟ ಬಿ.ಸಿ. ಪಾಟೀಲರನ್ನು ಪೊಲೀಸ್‌ ಇಲಾಖೆಯ ಅವಕೃಪೆ ಹಿಂಬಾಲಿಸುವುದು ನಿಂತಿಲ್ಲ . ಪಾಟೀಲರ ವಿರುದ್ಧ ಮೋಸ ಹಾಗೂ ವಂಚನೆಯ ಆರೋಪವನ್ನು ಅಲಸೂರು ಗೇಟ್‌ ಪೊಲೀಸ್‌ ಠಾಣೆಯಲ್ಲಿ ದಾಖಲಿಸಿದ್ದು , ಆರೋಪಗಳ ಬಗ್ಗೆ ತನಿಖೆ ನಡೆಸುವಂತೆ ಪೊಲೀಸ್‌ ಮಹಾ ನಿರ್ದೇಶಕ ಸಿ. ದಿನಕರ್‌ ಆದೇಶಿಸಿದ್ದಾರೆ.

ಅನಧಿಕೃತವಾಗಿ ಕರ್ತವ್ಯಕ್ಕೆ ಗೈರು ಹಾಜರಾಗಿ ಸುಳ್ಳು ವೈದ್ಯಕೀಯ ಪತ್ರ ಸಲ್ಲಿಸಿದ ಆರೋಪವನ್ನು ಪಾಟಿಲರ ಮೇಲೆ ಹೊರಿಸಲಾಗಿದೆ. ಕರ್ತವ್ಯಕ್ಕೆ ಗೈರು ಹಾಜರಾದ ಅವಧಿಯನ್ನು ಸಕ್ರಮಗೊಳಿಸಲು ಸಂಶಯಾಸ್ಪದವಾಗಿ ವೈದ್ಯಕೀಯ ಪ್ರಮಾಣ ಪತ್ರ ಪಡೆದಿರುವ ಕಾರಣ ಅವರ ವಿರುದ್ಧ ತನಿಖೆ ನಡೆಸಲಾಗುತ್ತದೆ ಎಂದು ದಿನಕರ್‌ ಹೇಳಿದ್ದಾರೆ.

ಕರ್ತವ್ಯಕ್ಕೆ ಗೈರು ಹಾಜರಾದ ಸಂದರ್ಭದಲ್ಲಿ ಪೊಲೀಸ್‌ ಪಾಟೀಲರು ಸಿನಿಮಾ ಚಟುವಟಿಕೆಗಳಲ್ಲಿ ತೊಡಗಿಸಿಕೊಂಡಿದ್ದನ್ನು ಪೊಲೀಸ್‌ ಇಲಾಖೆ ಗಂಭೀರವಾಗಿ ಪರಿಗಣಿಸಿದೆ. ಈ ಆರೋಪದ ಕಾರಣದಿಂದಲೇ ಅವರನ್ನು ಅಮಾನತ್ತುಗೊಳಿಸಿರುವುದು ಗಮನಾರ್ಹ.

(ಇನ್ಫೋ ವಾರ್ತೆ)

ವಾರ್ತಾಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...