ಮಾ.17ರಂದು ರಾಜೀವಗಾಂಧಿ ವೈದ್ಯ ವಿಜ್ಞಾನ ವಿ.ವಿ. ಘಟಿಕೋತ್ಸವ

ಬೆಂಗಳೂರು : ರಾಜೀವ ಗಾಂಧಿ ವೈದ್ಯಕೀಯ ವಿಜ್ಞಾನಗಳ ವಿಶ್ವವಿದ್ಯಾನಿಲಯದ ಮೂರನೇ ಘಟಿಕೋತ್ಸವ ಬರುವ ಮಾರ್ಚ್‌ 17ರಂದು ಜರುಗಲಿದೆ.

ಅಖಿಲ ಭಾರತ ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆಯ ನಿರ್ದೇಶಕ ಡಾ. ಪಿ.ಕೆ. ಧವೆ ಅವರು ಮುಖ್ಯ ಅತಿಥಿಯಾಗಿ ಆಗಮಿಸಿ, ಘಟಿಕೋತ್ಸವ ಭಾಷಣ ಮಾಡಲಿದ್ದಾರೆ. ಕರ್ನಾಟಕ ರಾಜ್ಯದ ರಾಜ್ಯಪಾಲರೂ ಹಾಗೂ ಕುಲಪತಿಗಳೂ ಆದ ವಿ.ಎಸ್‌. ರಮಾದೇವಿ ಅವರು ಘಟಿಕೋತ್ಸವ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಲಿದ್ದಾರೆ ಎಂದು ವಿಶ್ವವಿದ್ಯಾಲಯದ ಪ್ರಕಟಣೆ ತಿಳಿಸಿದೆ.

ಸಿ.ಇ.ಟಿ. ಪರೀಕ್ಷೆ ಗೆ ತರಬೇತಿ : ಶಿಕ್ಷಣ ಅಭಿವೃದ್ಧಿ ಮತ್ತು ಸಂಶೋಧನಾ ಸಂಸ್ಥೆ ಸಿ.ಇ.ಟಿ. ಪರೀಕ್ಷಾರ್ಥಿಗಳಿಗೆ ತರಬೇತಿ ನೀಡಲಿದೆ. ತತ್ಸಂಬಂಧವಾಗಿ ಇದೇ ತಿಂಗಳ 15ರಿಂದ ತರಗತಿಗಳು ಆರಂಭವಾಗಲಿವೆ.

ಹೆಚ್ಚಿನ ವಿವರಗಳನ್ನು ಕಾರ್ಯದರ್ಶಿಗಳು, ಶಿಕ್ಷಣ ಅಭಿವೃದ್ಧಿ ಮತ್ತು ಸಂಶೋಧನಾ ಸಂಸ್ಥೆ, ವಿಜಯನಗರ ತರಕಾರಿ ಮಾರುಕಟ್ಟೆ ಸಮೀಪ, ಬೆಂಗಳೂರು -40 ಇಲ್ಲಿಂದ ಪಡೆಯಬಹುದು ಎಂದು ಪ್ರಕಟಣೆ ತಿಳಿಸಿದೆ.

ದಾರಿ ಶೈಕ್ಷಣಿಕ ಬಳಗ : ನಗರದ ದಾರಿ ಶೈಕ್ಷಣಿಕ ಬಳಗ ಸಿ.ಇ.ಟಿ. ಪರೀಕ್ಷೆಗೆ ಕುಳಿತಿರುವ ದ್ವಿತೀಯ ಪಿ.ಯು.ಸಿ. ವಿಜ್ಞಾನ ವಿದ್ಯಾರ್ಥಿಗಳಿಗೆ ಮಾರ್ಗದರ್ಶನ ನೀಡುವ ಕಾರ್ಯಕ್ರಮ ರೂಪಿಸಿದೆ.

ಹೆಚ್ಚಿನ ವಿವರಗಳನ್ನು ದಾರಿ ಶೈಕ್ಷಣಿಕ ಬಳಗ, ಸಿ.ಇ.ಟಿ. ವಿಭಾಗ, ಅಂಕುರ ಪ್ರಕಾಶನ, ಅಂಚೆ ಪೆಟ್ಟಿಗೆ ಸಂಖ್ಯೆ 7951, ಬೆಂಗಳೂರು -560 079 ಈ ವಿಳಾಸದಿಂದ ಸ್ವವಿಳಾಸ ಬರೆದ ಅಂಚೆ ಲಕೋಟೆ ಕಳುಹಿಸಿ ಪಡೆಯಬಹುದು.