ನಿತ್ಯ ಭವಿಷ್ಯ

*ಜಾನುಕೊಂಡ ಶಾಮಾ ಶಾಸ್ತ್ರೀ

ಗೆಳೆಯರಿಗೆ ಎಷ್ಟು ಮತ್ತು ಹೇಗೆ ಸಹಾಯ ಮಾಡಲಿ ಎಂಬ ಸಣ್ಣ ಗೊಂದಲವನ್ನೇ ಮನಸ್ಸಿನಲ್ಲಿಟ್ಟುಕೊಳ್ಳುತ್ತೀರಿ. ಅವರ ಕಷ್ಟ ಸುಖದಲ್ಲಿ ಭಾಗಿಯಾಗುವುದರಿಂದ ಕಿಸೆ ಖಾಲಿಯಾಗುತ್ತದೆ ಅನ್ನೋ ಬೇಜಾರಿಟ್ಟುಕೊಳ್ಳುವುದು ತರವೇ?

ವೃಷಭ : ನಿಮ್ಮ ಬಳಿ ಇರುವ ರಹಸ್ಯಗಳನ್ನು ಕಾಪಾಡಿಕೊಳ್ಳಬೇಕೆಂದು ಇವತ್ತೆಲ್ಲಾ ಹೆಣಗಾಡುತ್ತೀರಿ. ಇದರಿಂದ ನೀವು ಹೇಳುವ ಪ್ಲಾನ್‌ಗಳು, ಯೋಜನೆಗಳು ನಿಮ್ಮ ಸಹೋದ್ಯೋಗಿಗಳಿಗೆ ಅರ್ಥವಾಗುವುದು ಕಷ್ಟ.

ಮಿಥುನ : ಸುಮ್ಮನೇ ಬಿಂದಾಸ್‌ ಆಗಿರಬೇಕು ಅಂತ ಇಣುಕುವ ಯೋಚನೆಯನ್ನು ಯಾಕೆ ಹಿಂದೆ ತಳ್ಳುತ್ತೀರಿ. ಕೆಲಸದಲ್ಲಿ ನಿರಾಸಕ್ತಿ ಇದ್ದರೆ ಸುಮ್ಮನೇ ಕಿರಿಕಿರಿಗಳನ್ನು ಸೃಷ್ಠಿಸಿಕೊಳ್ಳಬೇಕಾದೀತು.

ಕಟಕ : ನೀವು ಮತ್ತೆ ನಿಮ್ಮ ಸ್ನೇಹಿತರ ನಡುವೆ ಸಣ್ಣದೊಂದು ಅಂತರವಿದೆ ಅಂತ ಸಂಶಯ ಪಟ್ಟುಕೊಂಡು ಮನಸ್ಸಿಗೆ ಕಿರಿಕಿರಿ ಮಾಡಿಕೊಳ್ಳುತ್ತೀರಿ. ನಿಮ್ಮ ತತ್ವಗಳು, ಯೋಚನೆಗಳನ್ನು ಇತರರಿಗೆ ವಿವರಿಸುವಲ್ಲಿ ಸೋಲುತ್ತೀರಿ. ಧನಲಾಭವಿದೆ.

ಸಿಂಹ : ಅವಕಾಶಗಳಿದ್ದಾಗ ಸಹನೆಯಿಂದ ಅವುಗಳನ್ನು ಎದುರುಗೊಳ್ಳಿ. ನುಗ್ಗಿದರೆ ಕೆಲಸವಾಗದು. ನಿಮ್ಮಿಂದ ನಿರ್ವಹಿಸಲಾಗದ ಕೆಲಸಗಳ ಬಗ್ಗೆ ಬೇಜಾರು ಬೇಡ.

ಕನ್ಯಾ : ಇವತ್ತು ರಾಜಯೋಗ, ಬಿಡಿ. ಕೈತುಂಬಾ ಕೆಲಸವಿದ್ದರೂ ಎಲ್ಲ ಫಟಾ ಫಟ್‌ ಅಂತ ನಡೆದು ಹೋಗುತ್ತದೆ. ಮಿತ್ರರ ಸಹಾಯವಿದೆ. ಸಂಜೆ ಪಾರ್ಟಿ ಕರೆಯಲು ಅಡ್ಡಿಯಿಲ್ಲ.

ತುಲಾ : ಮದುವೆ ಪ್ರಸ್ತಾಪಗಳನ್ನು ಮಾಡಲು ಇವತ್ತು ಒಳ್ಳೆ ದಿನ. ಬದುಕಿನ ತಿರುವು ಇದಾದ್ದರಿಂದ ಸ್ವಾರ್ಥವನ್ನೆಲ್ಲಾ ಪಕ್ಕಕ್ಕೆ ತಳ್ಳಿದರೆ ಮುಂದೆ ಸುಂದರ ದಿನಗಳು ನಿಮ್ಮನ್ನು ಎದುರುಗೊಳ್ಳುತ್ತವೆ.

ವೃಶ್ಚಿಕ : ನಿಮ್ಮ ಸ್ನೇಹಿತರು ನಿಮ್ಮನ್ನು ಎಷ್ಟು ಹಚ್ಚಿಕೊಂಡಿದ್ದಾರೆ ಅನ್ನುವ ಕಲ್ಪನೆಯಿಲ್ಲದೆ ಸುಮ್ಮನೇ ತಗಾದೆ ತೆಗೆಯುತ್ತೀರಿ. ಮನೆಯಲ್ಲಿ ಇರುವ ಆತಂಕಕ್ಕೆ ಆಫೀಸಿನ ಕಿರಿಕಿರಿಯನ್ನು ಸೇರಿಸಿ ದಿನವನ್ನು ಹಾಳು ಮಾಡಿಕೊಳ್ಳಬೇಡಿ. ಹಣ ಕೈಬಿಡುವ ಸಂಭವವಿದೆ.

ಧನಸ್ಸು : ನಿಮ್ಮ ಅಭಿಪ್ರಾಯವನ್ನು ನೇರವಾಗಿ ಹೇಳಿದರೆ ಯಾರೂ ನೊಂದುಕೊಳ್ಳುವುದಿಲ್ಲ. ಆರ್ಥಿಕ ಕ್ಷೇತ್ರದಲ್ಲಿನ ಮುಗ್ಗಟ್ಟು ಇವತ್ತು ಕಡಿಮೆಯಾಗುವ ನಿರೀಕ್ಷೆ ಇದೆ. ಹಾಗಂತ ಕೈ ಸಡಿಲ ಬಿಟ್ಟೀರಾ ಕೆಟ್ಟಿರಿ. ದಾಕ್ಷಿಣ್ಯ ಕಡಿಮೆ ಮಾಡಬಾರದೇ?

ಮಕರ : ನಿಮ್ಮ ಮೇಲಿರುವ ಜವಾಬ್ದಾರಿಗಳನ್ನು ಮರೆತು ಬಿಡಬೇಡಿ. ಕ್ಷಣಿಕ ನೋವಿಗೆ ಹೆದರಿ ನಿಮಗೆ ಬೇಡದ ಹೊರೆಯನ್ನು ತಲೆ ಮೇಲೆ ತಂದುಕೊಳ್ಳುವುದೇಕೆ ? ನೀವು ಒಂದಿಷ್ಟು ಮನಸ್ಸು ಮಾಡಿದರೆ ಎಲ್ಲವೂ ಸರಿಯಾಗುತ್ತದೆ. ಯಾಕೆ ಲೇಟು?

ಕುಂಭ : ವೈಯಕ್ತಿಕ ಸೋಲುಗಳನ್ನು ವ್ಯವಹಾರ ಕ್ಷೇತ್ರಕ್ಕೆ ಅನ್ವಯಿಸಿದರೆ ಕೆಲಸ ಸಾಗುತ್ತದೆಯೇ ? ನೀವು ಹಾಕಿಕೊಂಡ ಹೊಸ ಯೋಜನೆಯನ್ನು ಕಾರ್ಯಗತಗೊಳಿಸುವುದಕ್ಕೆ ಮುಂಚೆ ವೈಯಕ್ತಿಕವಾಗಿ ಸುಧಾರಿಸಿಕೊಳ್ಳಿ.

ಮೀನ : ಸೆಂಟಿಮೆಂಟಲ್‌ ಅಟ್ಯಾಚ್‌ಮೆಂಟ್‌ ಎಲ್ಲ ನಿಮಗೆ ಸರಿಹೋಗುವುದಿಲ್ಲ. ನಿಮ್ಮ ಗೊಂದಲ ಅಚ್ಚಾ ವ್ಯವಹಾರ ಕ್ಷೇತ್ರದ್ದಾಗಿರುವುದರಿಂದ ಇವತ್ತು ಅಂತಹ ಸೋಲೇನೂ ಇರುವುದಿಲ್ಲ.