• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಪಿಚ್‌ ಸಿದ್ಧ ಪಡಿಸೋಕೆ ಬೇರೆ ಜನ ಇದ್ದಾರೆ - ಗಂಗೂಲಿ ವ್ಯಂಗ್ಯ

By Staff
|

ಚೆನ್ನೈ : ನಾನು ಹಾಗೂ ತರಪೇತುದಾರ ಜಾನ್‌ರೈಟ್‌ ನಮಗೆ ಬೇಕಾದಂತೆ ಪಿಚ್‌ ರೆಡಿ ಮಾಡಿಸುತ್ತಿದ್ದೇವೆ ಎಂದು ಆಸ್ಟ್ರೇಲಿಯಾ ನಾಯಕ ಸ್ಟೀವ್‌ ವಾ ಹೇಳಿರುವುದರಲ್ಲಿ ಯಾವುದೇ ಹುರುಳಿಲ್ಲ. ಇದು ಅವರಿಗೆ ಶೋಭೆ ಕೂಡ ತರುವಂಥದಲ್ಲ ಎಂದು ಭಾರತ ಕ್ರಿಕೆಟ್‌ ತಂಡದ ನಾಯಕ ಸೌರವ್‌ ಗಂಗೂಲಿ ಗುರುವಾರ ಪ್ರತಿಕ್ರಿಯಿಸಿದ್ದಾರೆ.

ರೈಟ್‌ ಅವರ ಜೊತೆ ಚೆನ್ನೈನ ಐಐಟಿ ಕೆಮ್‌ಪ್ಲಾಸ್ಟ್‌ ಮೈದಾನದಲ್ಲಿ ಜಂಟಿ ಸುದ್ದಿಗೋಷ್ಠಿಯಲ್ಲಿ ಗಂಗೂಲಿ ಮಾತನಾಡುತ್ತಿದ್ದರು. ನಾವು ಇಲ್ಲಿ ಪಿಚ್‌ಗಳನ್ನು ನಮಗೆ ಬೇಕಾದಂತೆ ಸಿದ್ಧಪಡಿಸುತ್ತಿದ್ದೇವೆ ಎಂದು ಆಸ್ಟ್ರೇಲಿಯಾದಲ್ಲೇ ಕೂತು ಹೇಳಿರುವ ವಾ ಅವರನ್ನು ಮೆಚ್ಚಲೇಬೇಕು. ಇಂಥ ಹೇಳಿಕೆಗಳು ಅವರನ್ನು ಸಣ್ಣವರನ್ನಾಗಿಸುತ್ತದೆ. ನಾನಾಗಲೀ, ನಮ್ಮ ತರಪೇತುದಾರರಾಗಲೀ ಪಿಚ್‌ ಸಿದ್ಧ ಪಡಿಸುವ ಬಗ್ಗೆ ಯಾಕೆ ತಲೆ ಕೆಡಿಸಿಕೊಳ್ಳುತ್ತೇವೆ? ಆ ಕೆಲಸ ಮಾಡೋದಕ್ಕೆ ಬೇರೆ ಜನ ಇದ್ದಾರೆ ಎಂದು ಗಂಗೂಲಿ ವ್ಯಂಗ್ಯವಾಗಿ ನುಡಿದರು.

ಸ್ಟೀವ್‌, ನಿನಗಿದೋ ಎಚ್ಚರ : ಅನೇಕ ತಿಂಗಳ ಕಾಲ ಟೆಸ್ಟ್‌ ಸೋಲಿನ ಮುಖವನ್ನೇ ಕಾಣದ ಆಸ್ಟ್ರೇಲಿಯಾ ನಮ್ಮ ನೆಲದಲ್ಲಿ ಗೆಲ್ಲೋದು ಅಷ್ಟು ಸುಲಭವೇನಲ್ಲ ಎಂದು ವಾ ಪಾಳಯಕ್ಕೆ ಗಂಗೂಲಿ ಎಚ್ಚರಿಕೆ ಕೊಟ್ಟರು. ಅಭ್ಯಾಸ ಶಿಬಿರಕ್ಕೆ ಚೆನ್ನೈಯನ್ನು ಆಯ್ಕೆ ಮಾಡಿಕೊಂಡಿರುವುದಕ್ಕೆ ತಾವು ಅಸಮಾಧಾನ ವ್ಯಕ್ತಪಡಿಸಿದರೆ ಎಂಬ ಪ್ರಶ್ನೆಗೆ, ಅವೆಲ್ಲಾ ನನಗೆ ಗ್ರೀಕ್‌ ಹಾಗೂ ಲ್ಯಾಟಿನ್‌. ಹುರುಳಿಲ್ಲದ್ದು ಎಂದು ಉತ್ತರ ಕೊಟ್ಟರು. ಜತೆಗೆ ಜಾನ್‌ ರೈಟ್‌ ಜೊತೆ ಕೆಲಸ ಮಾಡುತ್ತಿರುವುದು ಕಂಡಾಪಟ್ಟೆ ಖುಷಿ ಕೊಡುತ್ತಿದೆ ಎಂದರು.

ಆಸ್ಟ್ರೇಲಿಯಾ ಪ್ರಬಲ ತಂಡ ಎನ್ನುವುದರಲ್ಲಿ ಯಾವುದೇ ಅನುಮಾನವಿಲ್ಲ. ನಮ್ಮ ಹುಡುಗರೂ ಆತ್ಮವಿಶ್ವಾಸದಿಂದಿದ್ದಾರೆ. ಆಟಗಾರರು ತಪ್ಪನ್ನು ತಿದ್ದಿಕೊಳ್ಳಲು ತಕ್ಕ ತರಪೇತಿ ಕೊಡುತ್ತಿದ್ದೇನೆ. ಸೌರವ್‌ ಬಹಳ ಜವಾಬ್ದಾರಿಯುತ ನಾಯಕ. ಆಟಗಾರರನ್ನು ಪಳಗಿಸುವ ನಿಟ್ಟಿನಲ್ಲಿ ಅವರೂ ಸಾಕಷ್ಟು ಪ್ರಯತ್ನ ಪಡುತ್ತಿದ್ದಾರೆ ಎಂದು ಜಾನ್‌ ರೈಟ್‌ ಹೇಳಿದರು.

ಆಸ್ಟ್ರೇಲಿಯಾದ ಯಾವ ಆಟಗಾರರು ಭಾರತಕ್ಕೆ ಬರುತ್ತಾರೆ, ಬರುವುದಿಲ್ಲ ಅನ್ನುವುದು ನಮಗೆ ಮುಖ್ಯವಲ್ಲ. ನಾವು ಯಾವ ರೀತಿ ಆಡಬೇಕೆಂಬುದೇ ಮುಖ್ಯ. ಕುಂಬ್ಳೆ ಅನುಪಸ್ಥಿತಿ ದೊಡ್ಡ ಹೊಡೆತ ನಿಜ. ಹಾಗಂತ ಇನ್ನೊಬ್ಬ ಕುಂಬ್ಳೆಯನ್ನು ಒಂದೇ ದಿನದಲ್ಲಿ ಸೃಷ್ಟಿಸಲು ಸಾಧ್ಯವಿಲ್ಲ. ಯುವ ಸ್ಪಿನ್ನರ್‌ಗಳಲ್ಲೂ ಪ್ರತಿಭೆಯಿದೆ ಎಂದು ಪ್ರಶ್ನೆಗಳಿಗೆ ಉತ್ತರಿಸುತ್ತಾ ಸೌರವ್‌ ಹೇಳಿದರು.

(ಯುಎನ್‌ಐ)

ವಾರ್ತಾಸಂಚಯ

ಮುಖಪುಟ / ಇವತ್ತು... ಈ ಹೊತ್ತು...

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more